صديقات في الخليج 1 🍂مكتملة🍂

🍂الجزء 17🍂

🎬 صديقات في الخليج 🎬
🌸 بقلم : امونة ♧ ندى ♧ ليالي ♧
الجزء 17
🚫🚫 لا يحلل النشر 🚫🚫
مشااو كيجريو تخشااو فحضنها وبداو ينقزو ويغوتوو "hello dubaiii "..كانت الفرحة باينة في عينيهم ..بحالا هاد دبي هي السبيل الوحيد لنجاتهم ...تخشاو في بلايصهم وبدااو يخططو للمستقبل قبل مينعسو وصل مساج لعند ليالي فيه
ابو بكر ...." انا وفيت بوعدي ليكم ..اول مغتحطو رجليكم في المطار غتلقااو لكفيل لي غيوقف معاكم كيتسناكم شوية توصلك نمرتو ..كنت نتمنى ليلة ليوم تبقا ليكم ذكرى زوينة ...لكن تأكدي مزاال غتفكرروني ملي توصلو " ..مسااج لي كيف قرااتو حساات بغصة في قلبها وكمداتها مبغاات تقول ليهم والو ...كيف قال وصلاتها نمرة عطاتها لندى قيداتها ونعسو وهو موسدين بعض ..
شرقات شمس اخر نهار لبنات فبلادهم ...لبلاد لي تمناو تعطيهم ومتاخدش ليهم ...لبلاد لي تمنات تضمهم متلووحهمش ...كي كيقوولو لي مكتوب على الجبين لازم تشووفو العين ....شانطات مجموعين ومحطوطين قدام لباب ...ولبنات كل وحدة فيهم لابسة وواجدين يخرجو يودعو مدينتهم .....وكانت اول وجهة ديالهم هو المكان لي تزادو فيه وكبرو فيه ...لمكان لي كل بلاصة فيه عندهم معااه دكرى ...وقفو من فوق صوور كيطلو عليه ..كان بحال مجسم عامر مكعبات ...كل مكعب بداار ...
ليالي .....( بنفس مضيومة كتهضر غا بزز )....كنفتااخر البنات حيت كبرنا هنا ..كون ما هاد لبلاصة منكونوش قوايا بحال لحديد ...كنا غنهازمو من اول مشكل ونضعفو ...ولكن كبرنا بحال رجال ..ضربة الا مطيحاتنا كتعليينا ...
امونة .....( بصوت متقطع غالبة غليه لبكية )...عرفتو سنو.. غنتوحش صووت القزدير كينقط علبنا في شتا وانا كنغني معااه ...كان بحال سنفوونية بااقي ألحانو في وذااني....
ندى .....( دمووعها شلال )...وانا غنتوحش لعويينة (ضحكو لبنات )...لعوينة لي كنت كندير سبة بالما باش نتلاقاكم فيها ونتافقو ....غنتوحش صوت لمشااش ولكلاب ...غنتوحش اجواء العيد والموت وعايشوورة ..وانا وياكم هازين بنادر وكنغنيو ومجموعين علينا لبنات ....
ليالي ....( كتبكي بحرقة )...علاش قساات علينا دنيا...علاش غنتغربو في بلادات نااس ...علاش هذا هو مكتووبنا ...
امونة .....( عنقااتهم وهما كيبكبو في حضنها ).....ظرووف ابناتي هي لي حتمات علينا هادشي ...دنيا عطاتنا بظهرها ...( شافت فيهم وكتدوي بانفعاال )...ممكن تعطيوني حدث زوين مع اقرب نااس ليناا ....(ضحكة استهزااء )...
اكيد لاا حيت لمدة 24 عام ملي تزادينا حتال لدابا ...ولا باش نكونو عادلين ملي ولينا كنعرفو ..وحنا كنبكيو بدمووع ...من ظلم والقهرة ...عمري منساااا البنات ...(رجعات بيها داكرة لور وبدات تفكر ).....
"سعاد .....(حيدات عليها المانطة وهي ناعسة ) ...انوضي الالة مغاداش تبقاي مكوزة ليا حتال وسط نهار ...
امونة.....(رجعات عليها لغطا ) عفااك اماما غير شوية راه منعساش مزيان ليل كلو وبنتك كتبكي مخلاتنيش نعس ...
سعااد ....(جراتها من ايدها حتى طاحت )....ايوا سيري ..خرجي من هاد دار عطيني تيسااع عيشي مع مي ...نساايني عليك وخليني مع رااجلي هانيا ...وليت خاايفة عليه منك ...
امونة....(مصدومة من هضرة مها )...كتشكي فيا واش انا نشوف في راجل مي ...لمن بغيتي تلوحيني لزنقة لخالي يصبن فيا ....(كتبكي )..
سعاد ....(حطات ليها حوايجها حداها )...هضرة وحدة قلتها ماكلتك وشرابك...كل شهر نصيفط ليك مصروفهم غير متبقايش تجي عندي ......"
امونة......(مسحات دموعها وشاافت في البنات وهي كتدوي منفاعلة) ...ورغم هادشي البنات بقيت كنمشي عندها وكندوز هضرتها ومعيوورها بجغمة لماا .... هادشي محفوور في عقلي .....الا نسيتو نتونا انا لا ....
ليالي .....(جلسات فوق صوور )...كضحكي علينا لاا ..نسا حتا نعياا ومنسااش نهاار ..نكداتهم ليا مي ..منساااش نهاار .....( كتفكر وتبكي بحالا عايشة لحظة فنفس الوقت )...

مي ..منساااش نهاار .....( كتفكر وتبكي بحالا عايشة لحظة فنفس الوقت )...
عبدو ....(صرفقها وشادها من شعرها )...قلت ليك اري ليا لفلووس ولا غنزرك لمك هاد لعين .....
ليالي ...(دفعاتو ودفلات عليه )...بعد مني اشماتة وسير عري على كتافك لكبار ...واش بغبتيني نصرف حتى على حشيشك ..معنديييش والو زاوية فرنك ميكيدور ....
كلثووم ....(هزاات صاااكها ساستو لقات فيه 50 درهم )...وهادي شنو ...المسخة باراكا عليه غا تعبئي تليفونك تهضري مع دام زامل مداك مخلاك وخوك متعتقيهش ...هاك (مداتها ليه ).....
ليالي ....(كتغوت ) واش تسطيتي امي ..هادوك عربون تاوع واحد لبسة غنخيطها لسيدة وخاصني باش نشري لخيط ....
كلثوم ....(شدات لمكينة لاحتها الارض )...ممكش انا ....كرهت لكرش لي ولدااتك متعتقيش الله يحضر سلامة تفو الله يعطيك مصيبة ماباغا تزوجي كي لالياتك ...شيفانا عايشين في دل والقهرة ومباغاش تهزينا لفوق ...شووفي بنت جيرات تزوجات ودايرة لمها شهرية ....
ليالي ....(كتجمع ماكنتها وتبكي ...بحرقة ومها دازت وخلاتها طايحة للارض معقلاتش عليها ..بقات ضاما ايدها وتدعي الله في نفسها ..)...
ليالي ....(هزاات ايدها لسماا )...ياربي نتا عالم وكتشووف متشوفنا ليام بحاال هادو اسيدي ربي ......
ندى ....(مشات جلسات حداها )...ياربي لهلا تيتم شي حد من والديه ...(شافت في لبنات )..الا كنت صبرت البنات على داكشي لي شفتو غير على ودكم ..الا كنت تحملت ومنتاحرتش غير على ودكم ...حتى حد مالاقيها كيف باغينا ...اهئ اهئ نتوما لي عندكم واليديكم لاحوكم لزنقة وانا خويا شردني لزتقة بعد مووتهم .....الله يااخد فيه الحق...الله يلقيها لديك العقرب من نهاار دخلها علينا لدار ...تقلبات حيااتنا سفاها على علاها ...وتبدل عليا خويا ..وحسيت بمعنى اليتم ...(دارت ايدها على وجها وبدات تخايل )...
ندى ...(حلات باب دار وداخلة راسمة ابتساامة لي غتمحى من ورا متصدم ملي قدامها ...كان خووها ومعاه هناء كانت هاديك هي اول مرة تشوفها) ....فؤااد شنو كدير وشكوون هادي ...
فؤاد ...(جرها من ايدها ) شنو جايا ديري دابا ...ياك مولفة تعطلي ...
ندى ...(نترات ايدها منو ) ..اويلي اش هاد الهضرة بغيني نبقا في زنقة ...
فؤاد ...(كيدفع فيها جهة لباب ) ...ضبري على شي بلاصة هاد ليلا سيري عند وحدة في صحاباتك حتال غدا وجي ...(غادي وكيدفع فيها حتى غوتات )...هييييه طلق (تمات داخلة )...لي غتخرج هي هادي ماشي انا واش سمعتي ....
هناء ...(ناضت وتقاابلت معاها)...نونونو احبيبة من ليوم تعودي على لوجود ديالي في هاد لخربة ..سمعتي (شدات في فؤاد ) غير خليها في دار الا مبغاتش تخرج ..ويالله احبيبة راني نبقيتش قادة نصبر...تمو داخلين قدامها بلا حيا بلا حشمة ..ليل كلو وهما صوتهم للعلالي ...صوت انفاسهم واهاتهم ..زاهين ومخلين وحدة مليوحة الارض ومصدومة ملي كتشوف وكتسمع ....
وقفو لبنات وهو ساندين بعض من بعد مفشو قلبهم ...دفنو احزانهم ودكرياتهم الخايبة في المكان لي عاشووها فيه ...مشاو خلفة مع طريق وعطاو بظهرهم لماضي ديالهم المؤلم ...قااصدين مدينة لي غتحقق احلامهم وغتنسيهم في ليفاات
#يتبع🔥🔥