صديقات في الخليج 1 🍂مكتملة🍂

🍂الجزء 126🍂

🌹صديقات في الخليج🌹
💞ليالي .. امونة .. ندى 💞
💎الجزء126💎
⛔⛔⛔ لا نحلل النشر ابداااا ابداااا⛔⛔⛔
ندى..."دارت لجيهة لخرا"..واخا هبط هاني جاية وراك....
جواد..." محمر فيها عينوو 😡 "...رجلي برجليك...
ندى..."كيخلعها بشووفااتو "...واش تصطيتي راه ماغانهربش ...وزايدون خرح بغيت نلبس حوايجي مالابسة والو...
جواد...نوضي من لحماق كديري بحال الي عمرني شفتك عريانة... حفظتك الالة حفظتك نوضي لبسي ناس كيتسناو.....
بدات كتعكٌز هو شدها من خصرها وحط راسو علي كرشها وبدا كيتصنط... شوية باسها فيها وطلقها.... هي شظاتها تبوريشة حسات بقلبها كيضرب وقرب يسكت...
ندى..."كيجيب ليها تمام بحركااتو وهي على سبه بقاا ليها درجه وتلاح عليه "...واش حماقيتي....
جواد..."كيتكلم ببرود..."ونتي مالك انا كنبوس ولدي ...اش مشا ليك نتي...
ندى..."كتضرب ايدها ببعض "..لا انت ولله تصطيتي رسمي....
جواد..."وقف عليهاا "...نوضي تكعدي لبسي حوايجك سربي ناس كيتسناونا لتحت....
خنزرات فيه وناضت كتنتر كانت لابسة غير دوبياس تمشات قدامو كتعوج ...هو رجع تكا فبلاصتها حط يديه وراسو ...وبدا متبع فين غادية وفين جاية حتي هي بدات كتزكك علييه... لاحت عليها كسيوة صفية خفيفة.. ومشات كتمشط فشعرها وتقاد حالتها رشات شوية من ريحتها....
جواد..."باستفزاز"...راك هابطة غير تعشاي ماشي غادية لحفلة مالك علي حالتك.....
ندى...تسيلم اسيدي ربي واش انا قلت ليك قابلني ولا تسناني...ياله نوض تكعد هاني مشيت...
جواد..."ناض عندها شدها فيديها وتمو هابطين فالدروج"..قادة تمشاي ياكما نهزك؟؟...
ندى..."خرجات عينيها"..بسم لله عليك احنيني راني غير حاملة ماشي مشلولة....وزيدون نسى الموضوع ...
جواد..."مامسوقش"..بحال بحال...وكيفاش نسى.."خنزر فيها "...
ندى..."شافت فيه كانت غاضحك"..اللهم طولك يارووح.....
طلقات منو مشات قدامو لقاتوهم مجموعين وكيتسناوهم....
ليالي...علي سلامتك اشيخة عام وحنا كنتسناو....
ندى..."بلهفة...ريووگها قربو یسیلوو وهی کتشوف ...الشهیوات قداامهاا "...سكتي سكتي...اح علي قلبي علي الراوئح الشهية ...يخليك ليا الحب ديالي كنموت عليك انا طلقي ليا ديك للزانيا هنا قبل مانتشير ههه....
امونة..."مداتها ليها"..هاكي احبيبة لهلا يحوجك....
هزات اللزانيا وبدات كتاكل بلهفة وكتبنن....
ليالي..."كتشوف فخلدون"انت مالك حال فمك...
خلدون..."كيعيب فندى وحركاتها"..سكتي سكتي ... اح اقلبي لله لله علي طويجين طلقيه ليا لهنا قبل مانتشير.....
بقاو كيضحكو عليه وعليها بدا جواد وامين وخلدون كياكلو فالطاجين... وامونة كتنقب مرة مرة كتاكل كٌلاص ولا صلاد فخوي.. ليالي ياله بغات تاكل وهو يحبسها خلدون....
خلدون...مالك غاتزاحمينا فطاجينا ياك بغيتي لبيتزا اوي حنجريها وفوتي عليك طاجين...
ليالي...لله يوكلك جغديد غاناكل طاجين ولبيتزا غادي نختم بيها وانت اش مشاليك.....
خلدون...اي معدة هاديك عندك ولا ميكة دعشرة....
ليالي...شاكوش ديال رحيل دخل سوق راسك خليني ناكل فخاطري....
ندى..."کتاکل وتهضر "..خلدون نوض من حداها المسخوط دابا دوزك فشي دغمة هههه...
خلدون...بحال والو ياربي سلامة
ليالي..."دارت شافت فیها "...نتي غير سكتي وديها فماكلتك ديارة بحال الي عمرك شفتي نعمة.....
جواد...ضريتونا فراسنا بحال الي جالسين مع براهش ديال سابعة مالكم دايرين كي لمش والفار اجي بعدا ... اليالي شرح ليك باقي داكشي لي كنتو كتهضرو عليه ولا خلاك معلقة....
ليالي...لا ماشرح ليا والو هو نيت خاصو لي يشرح ايه....
خلدون امين كيضحكو
ندى...علاش كتهضرو انتوما....
امونة...ليالي هاهي ندى تشرح ليك
ليالي...ايه اندى شرحي ليا اشناهيا Western intimate... relations قالك اسيدي هدا درس خاصنا حتي هو نطبقوه... مع باقي دروس والانشطة لي كناخدو جالس كيتفلسف عليا. ...
قالك اسيدي هدا درس خاصنا حتي هو نطبقوه... مع باقي دروس والانشطة لي كناخدو جالس كيتفلسف عليا. ...
ندى..."حطات يديها علي فمها"...اويلي حي كاعما بقيتو كتحشمو لله يعطيكم غبارة... تغبركم واش هادو مواضيع كيهضرو عليها ناس امام لعلن....
جواد..."كيضحك"..عندك لحق داكشي خصو يدوز فسرية تامة ماشي امام لعلن....
ليالي...لا ولله الي عيقتو واشرحو نفهمو كاملين ولا سدو قوادسكم
ندى..."🙄"...اجي نقولك فودنيك"قربات ليها وعطاتها ودنيها"...
شوهتونا لله يمسخكم كيعني العلاقات الحميمية الغربية ...يعني لحوى ديال نصارى اويلي... واش هدا موضوع يهضرو فيه ناس وبغيتو ديرو تطبيق اويلي شوها....
ليالي...علاه كاين فرق بين ديال النصارى وديال العرب....
ندى...مالك كتسوليني انا سوليه هو بحال الي انا مجربة....
ليالي..."زلقات ليها"...علاه جواد دار ليك ديال نصارى ولا ديال لعرب...
ندى:"شافت فيه وهضرات"...دار ليا ديال لكلاب
ليالي..."نفاجرات بالضحك"...ههه سمحي ليا نسييت هههه...
جواد...اش كتوشوشو نتوما بجوج شركو معانا لهضرة...
امونة..."بقات كتشوف فيهم مافاهمة والو وقررات تبدل لموضوع"...خلدون فين هي سويدية ديالك مابانتش ليا
خلدون...قلت ليكم قبيلة عندها شي حاجة هي وميسو يعقوب غدا غايرجعو
ليالي...بالمناسبة هاد روينة وهاد لماعن شكون غايغسلهم حتي لبنت لي كتخدم ماكيناش ليوم...
ندى...بصح كاعما بانت ليا...
جواد...هي راه ماكتباتش ديما عندها عائلتها...
خلدون...هي اش شكون غايغسل لماعن
ليالي...نديرو قرعة ولي جات فيه يغسلهم ويدير قهوة نشدو بيها ليل
امين...امونة خرجوها من لقرعة من صباح وهي واقفة...
ليالي...سعداتك اختي لقيتي لي يهز ليك لهم....
خلدون...علي هاد لحساب حنا كلنا خارجين من لقرعة بقا جواد..وندى هوما لي غايغسلوهم مادارو غير كيحنجرو....
ليالي...اول مرة تقول شي حاجة مفيدة..
جواد...خليهم هكاك حتال صباح وتغسلهم لخدامة...
امونة...حشوما تجي تصبح علي هاد الروينة
ندى...صافي انا غانغسلهم ماكين مايدار
امونة...لا غانتعاونو كاملين
ندى...لا غير سيرو انا غانغسلهم والله
#يتبع
#ارائكم
❤❤🌹🌹