صديقات في الخليج 1 🍂مكتملة🍂

🍂الجزء 131🍂

🍫 صديقات في الخليج 🍫
بقلم.....ندى...امونة...ليالي...
الجز___ء " 131
🚫 لا يحلل النشر 🚫

بقات ندى مع جواد وهو كيفطر بقات سارحة فيه وفالتغير لي بدا كيبان عليه تفكرات هضرت امونة وبقات مركزة معاه علا وعسا تفهم اشنو كيدور فدماغو وعلاش ناوي
جواد..."بمكر"...مالك سارحة فيا عجبتك ااا..."غمزها😉"
ندى..."دارت راسها مامسوقاش"...الله يستر عيني هادوك نشوف فاشما بغيت
جواد...(كيضحك)...خاصك تاخدي الاذن عاد تشوفي فيا"حط يديه علي يديها"...والكن الي كنتي كتشوفي فيا باغا توحمي عليا باش ولدي يطلع كيشبه ليا فهاد لحالة خودي راحتك نعطيك حتي تصورتي فحالة ماكنتش حداك
ندى..."طلعات حاجب ونزلات حاجب"..فرعتي لينا مخنا بولدك تقول غانجيبو ولي العهد السعودي
جواد..."ضحك ضحكة من قلبو"...احسن من ولي العهد هدا..."حط يديه علي كرشها كيتحسسها"...راه ولد جواد
ندى..."بغات تفقصو"...وشكون قالك ولد انا متأكدة بلي بنت
جواد..."عاق بيها"..انا ماعنديش موشكيل كان ولد كان بنت كلشي زوين... غير هو بغيت بنتي تكون كتشبه لماماها
ندى..."حسات بخجل"...اوي فطر سربي ماغانباتوش هنا
بقا كيشوف فيها وكيضحك ...فهاد الاثناء لبنات مشاو لصال فين كيتدربو داخلين كيضحكو حتي بان ليهم امين واقف مربع وكيخنزر
بوفرطوطو..."بهمس"...هدا مالو حتي هو مخنزر
ليالي..."بتعجب"...ماعرفت اختي
امونة..."كتهمس ليهم"...هاد شوفة كيديرها الي كان شي موشكيل ولا الي كان معصب
بوفرطوطو...كيخنزر فيها"...حفضتيه نتي وحفضتي شوفاتو
امونة...سكتي سكتي انا غير قلت دخلو دخلو
ليالي..."بابتسامة"...صباح لخير كوتش امين
امين..."بنفس الشوفة😠"... صباح زفت سمعي الحاجة منك ليها اول حاجة كنتعلمو هنا هي الانضباط واحترام الوقت ونتوما معطلين 20 دقيقة ياكما صحابكم سوق هدا ولا حمام تجيو وتمشيو وقتما قالها ليكم راسكم هادشي راه عندو قوانين
امونة...راه غير
امين..."قاطعها"...ماكينش شي حاجة سميتها راه غير وعلا قبل هاد الاستهتار ديالكم عندكم عقاب ساعتاين ونص ديال squat وpushup بدون توقف ياله تحركو كل وحدة تهز الالة باش غاتبدا
بوفرطوطو..."بصدمة"...اويلي ساعتاين ونص مالي غانولي بطلة ديال حمل الاثقال مايمكنش بزاف
امين..."بعصبية"...هادشي لي عندي ولي ماعجبوش لحال يضرب لباب ومايعاودش يرجع لحصة ديالي ولي فات هاد الباب قبل ماتفوت ساعتاين ونص عمرو يحط رجليه هنا
...مشاو لبنات شدو بلايصهم وضربو الطم
امين...دابا مزيان غاتبداو هو للول بpushup من بعد squat كل وحدة فيكم غاتبدا بنوع وملي تسالي عشرين تنتاقل لنوع اخر بالزربا كاع Different types of squats غادوزو عليهم ممنوع الاستراحة ومانسمعش كلمة عيت ولي زغبها لله وحبسات غاتعاود من للول... ياله بداو
بداو البنات بالبوش اب وهما ساخطين علي الوضع ماجاو فين يكملو 20 مرة حتي تقطعات فيهم النفس امين وقف علي راس ليالي
امين..."كيقاد ليها فضهرها"...داك لغش ماعندنا مانديرو بيه
ليالي..."كتنهج"...ولله حتي حشوما زعما انت لي ضريف حن فينا
امين..."وقف غادي جيهت بوفرطوطو وكيهضر"...هاد ضرفات ديالي هي لي خلاتكم ماتنضابطوش من ليوم مابقات ضرفات..."كيقاد لبوفرطوطو رجليه"...سرحي رجليك مزيان راه كطلعي وتهبطي غير فالخوا
بوفرطوطو..."كيسوط"...لله ياربي لله مازال كاعما بدينا وعينا... ساع هاد طلوع ولهبوط كيكون زوين غير فوق الناموسية اح اقلبي
امين..."متاجه عند امونة ضرب يديها برجليه حتي جات مفرشة فوق الطابي"...كنضن قلت ممنوع التوقف يالله عاودي من للول
امونة..."لقاتها من الجنة والناس وبقات مفرشة"...حرام عليك ولله حتي حرام
امين..."كينوضها"..حرمات عليك عيشتك نوضي سربي راه ماغانباتوش هنا
امونة..."بهمس كدلع عليه"ياك اروحي مابقاتش فيك امونتك دوز عليها هاد لعداب
امين..."فاهم قوالبها"...نوضي هاد لفعايل ماغاينفعوكش دابا غير تهناي هنا ماكين لا روحي لا عمري هنا كاين لكوتش امين..."غمز ليها وضربها فترمتها"..ياله نوضي تهزي قبل مانضرب 20 فجوج وتولي ف40 مرة
امونة طلع ليها دم وبدات كتسوط ناضت كملات علي داكشي لي بدات دازت نص ساعة وهوما من هادي لهادي امين ماعتقهومش لي وقفات كتعاود من للول واحد شوية دخل عليهم خلدون شاف لمنضر ديالهم ونفاجر بالضحك
خلدون..."كيضحك"لله لله هدا هو سركم نيت ياله اراو ماعندكم
بقا كيدور عليهم وكيضحك حتي وصل عند ليالي
ليالي..."كتهمس ليه"...خلدون لبوقوص عتق عتق قول ليه عندي انا وياك شي غراض نمشيو ليه احمباك احمباك😥
خلدون..."ابتاسم بمكر" جاب لله لي يبرد قلبي من جيهتك عبر عليك كاع دوك تحرميات لي كديري معايا غايخرجهوم منك ليوم
ليالي..."😑"...ياك اولد لحرام هادا ماسويت عندك نسيتي لعشرة يانكار لخير
خلدون...اشمن عشرة ولا حظاش وانتي غير بوسة مستاخسراها فيا شحفتيني وماخديت منك لا حق لا باطل جاب ليا لله باش نتشفا...امين هادي راه غشات وحبسات من للعب
امين..."غمز ليه😉"...عاودي من للول وباركة من جماعة راه ماشي حمام هدا
ليالي..."بغضب كتحلف علي خلدون"...لله يغرق لمك شقف فهاد نهار عقل عليها اعويقة عقل
خلدون..."كيفقصها"ياله بداي واحد جوج ثلاثة
#یتبع🔥🔥