صديقات في الخليج 1 🍂مكتملة🍂

🍂الجزء 100🍂

🍫 صديقات في الخليج 🍫
بقلم .....ليالي...امونة...ندى..
الجز___ء :100
🚫🚫 لا يحلل النشر 🚫🚫
حتى شعل ضو و بدا يطيح عليها الورد من الفوق .. بقات كتشوف فيه حتى كمل عاد دورات راسها فالفيلا كي كان منضرها ولا اروع جو رومانسي شموع بالاحمر في كل مكان و الورد كذلك و طبيلات طوال واقفين عليهم ناس مكتعرفهمش بقات كتشوف فالناس لي كانو تما كيغنيو لها و يتمناو لها عبد ميلاد سعيد و هي معارفاهمش اصلا شكلها كان كيضحك من الصدمة ..بقات مدة عاد استوعبات داكشي لي كاتشوف فيه
امونة .."كاتشير ليها قدام عينيها' العمالة مالك مصدومة
ههههههه
ندى .."عنقاتها" ااخخخ كنت ناسية هاد النهار الحب نتي..شكراا بزااف 😢
امونة .."ضرباتها لراسها بشوية ..'' علاش بين الخوت كاين شكر ..
ندى .."عنقات ليالي " العمر ديالي ..
ليالي ..جوايوزاني فيغسيغ احبيبتي باشما تمنيتي انشاء الله
ندى ..يحفضك ليا حبيبتي ..
اسراء .."عنقاتها" عيد ميلاد يعيد حبيبة ..
ندى .. شكرا😊
بوفرطوطو"كيدفع فالبنات من قدامو" يخ .. حيدو من قدامي تفو على مترمات كل وحدة شادة ميترو بترمتها ياااخ .. الحبيييينو ديالي😍 هابيبرز داي تو يو ماي كات .. بالعمر الميدي و شي تزويجة من شي بوگوص بوكو فلووس يالله قولي امين..
ندى .."عنقاتو" امييين شكرا بزااف ههه😍
يعقوب .. "جا من وراهم'' على ماكنضن ماغاديش تبقاو هنا فاالباب دخلو .. بنتي ندى عيد ميلاد سعيد "عطاها بوكي ديال الورد مع بواطة بيضاء راقية .."هاني لا تقولي نسيت الكادو هههههه
اسراء .. بابا الكادوات كيتعطاو مور الكيك دلانيف ..
يعقوب .."عنق بنتو وعنكش لها شعرها" يا بنتي انا رجل مباحث اش عرفني فهاذشي .. هههه
ندى..."ابتسمات ليه و عنقاتو ".. شكرا بزاف فرحتوني و الله ..
اسراء .. و حنا هاذشي لي بغينا غا نفرحوك .. ☺
ندى .. شكرا ..

دخلو البنات للصالون تالفيلا كل وحدة و اس اء كل شوية كتنقل من طبلة لطبلة هي و يعقوب كيرحبو بالحضور لي الاغلبية ديالهم بل كلهم خدامين معاهم و ليالي كانت مع بوفرطوطو اما امونة واقفة مع ندى كانت تالفة فحال لا كتقلب على شي حد موضر ليها .. بان لها جواد اول واحد من الشباب حسات بقلبها كيضرب بقوة مع كل خطوة كايخطيها لجهتها تفحصات كاع ملامح وجهو .. عينيه يلي ديما مضلمين ..حواجبو لي ديما مخنزرين .. ابتسامتو الجانبية مشيتو الرجولية الثقيلة كان في كامل اناقتو بسروال كلاس اسود قصير و موكاسان تا هو اسود .. مع شوميز بيضاء و جيلي و كرافاط فالاسود اما شعرو طلعو للفوق بطريقتو الخاصة ..خلاها حالة فمها قلبها يمكن سمعوه الناس لي تما كاملين ..ماحساتش بالبقية عينيها عليه هو فقط حتى حسات بتلييعة في فخضها .."
اسراء..."دوات لها فودنها" احم احم عندنا تيتيز يااك هههههه..
ندى .. " كتحك بلاثة القرصة وتنفس بجهد" احححح😍...
اسراء .. اححح كاااع هههههههه ياكما طحتي ...
مزال ما دوات حتى بانت ليها شي وحدة من المدعوين وقفاتو تعلقات فيه و باستو من فمو عطاها دراعو شدات فيه و كملو لعند ندى لي حسات بعينيها غايبداو يدمعو و قلبها تزير ..خزرات فيهم و استأذنات من اسراء لي لاحظات تغير ملامح ندى قبل ما يوصلو عندها .. مشات تخشات وسد يعقوب و امونة و بوفرطوطو لي كانكيتحكك عليه ..
بوفرطوطو .. يعقوووب اجي نجلسو بعييد على هاذ الجو هذا ترا والله ملييت ..
يعقوب .. "طلع و نزل فيه" سير جلس شكون حابسك ..؟؟
امونة .."ليعات بوفرطوطو"يا هاذ الويل الكحل تبتي شوية قهرتي الراجل😒
بوفرطوطو.."خرج لها لسانو" امممم .. فين لالوووشتي..
اسراء.. "جات من وراهم و شيرات ليه بيديها " راهي كتستمتع بوقتها ..
امونة .. الله ياربي هاذ البنت غاتشيبني تفوكتوقف مع من والا ..😡
اسراء .. "شداتها" اجي فين غادا خليها عليك هذاك زميل ديالنا ماشي من والا غير تهناي عليها ماغايآديهاش ..
امونة..شوشووو كي كاتلوى 😡😡
يعقوب .. هههههههه خليها تعيش حياتها لو غا ليلة ..
....
ليالي لي كانت واقفة مع شاب غايكون في اواخر العشرينيات انيق بلباسو الرسمي و طويل فورمتو متوسطة لكن وجهو وسيم و جذاب فحال لا مرسوم فاش شاف ليالي وقفها كيمدح فجاملها و أنوثتها ..و هكذا بقات واقفة كتعرف عليه قال لها بلي اسمو بَكْر وهو من اصول أفغانية لكن عاش و تربا فالمغرب لان الام ديالو مغربية..بقات مجمعة معاه حتى بان لها خلدون جاي من الباب كيصاوب فشعرو .. عقدات حواجبها فاش بانت لها باميلا تابعاه من اللور كتصايب في فستانها.. شافها واقفة مع بكر شافت فيه و قلبات وجهها لعند لاخر كضحك معاه..طلع و نول فيها و شد فباميلا .. مشاو سلمو على ندى عطاوها الكادو ديالها و مشاو تقنتو فبلاصة بعيدة على الناس .. جلس و حطها فوق رجليه كيتلمسد و يشوف فليالي لي توثرات كي شافت داك المنظر و عينيه لا كون كانو قرطاس كون قتلوها .. خذات نفس عميق شافت فيه بنضرة اشمئزاز وضورات وجهها استأذنت من بكر مشات شربات فالكوزينا و من تما خرجات للجردة خذات تيليفونها اتصلات برقم كانت مسحاتو من مبايلها ..عاودات اتصلات عشرات المرات لكن لا مجيب .. فالاخير استسلمات و صيفطات ميساج قبل ما دخل ...
#يتبع🔥🔥