صديقات في الخليج 1 🍂مكتملة🍂

🍂الجزء 95🍂

🍇 صديقات في الخليج 🍇
بقلم...امونة ...ندى....ليالي...
الجز____ء : 95
🚫 لا يحلل النشر 🚫🚫
..........
يعقوب...صافي هادشي لي بغيتو
خلدون..."بغضب" بغا يمشيو خليهم يمشيو....انا ماغادي نحزر حد ...
يعقوب..."خبط طبلة ".....جاتك سااهلةةة....خليهم يمشيو راه حنا محتاجينهم اسي.... من غيرهم ولله مانزيدو خطوة فهاد لقضية.....
خلدون..."بدااي يصووط ...."....اوووف...لسانهم طويل ولله ماغاديش نكملو بحال هكا.....
اسراء..."لي حضرات لكلشي "..لا تبارك لله نتوما لي لسانكم قصير راني كنعرفكم حتي حد مايقدر يتحملكم.... وزايدون حشوما هادشي ولله..... لعب دراري صغار.... واش لبنات مغامرين بحياتهم باش يعاونونا ....وانتوما كتهينوهم بهاد طريقة.... علي الاقل قدرو غير الضروف صعيبة لي كيمرو بيها ......
يعقوب..."شد براسو بايديه "....هادشي لي كنحاول نوصل ليهم منهار بدينا فهاد لمهمة.... لبنات نفسيتهم مدمرة.... وصعيب يتيقو فأي واحد عوض ماتوقفو فجنبهم..... انتوما كل واحد اشنو كيقول ليه راسو هادو راه فعايل دراري صغار.....
اسراء..."وقفات تمات غادة "...انا غانمشي نهضر مع لبنات علي لله نقدر نقنعهم مهما كان لحال انا بنت بحالي بحالهم.... انا لي غانفهمهم...وانتوما ديرو عقلكم شوية راه كبرتو علي هاد تبرهيش.....
"خلدون خنزر فيها وناض مشا
طلعات اسراء لفوق سمعات لهضرة فواحد لبيت دخلات لقات لبنات كيجمعو فحوايجهوم"......
اسراء..."بابتسامة" سلام.....👋🏻
كلهم دارو جيهتها امونة كانت حادرة راسها هزاتو.....
ليالي وبفرطوطو..."كيديرو ريااضة لعينيهم ".....عليكم سلام
اسراء..."كتقرب منهم وكتكلم "...انا اسراء بنت يعقوب....
بوفرطوطو..."ناض علة وقفتو "...اهلين اجي اجي...جلسي ماتبقايش وااقفة....
اسراء..."كتشووف فيه وهي متمالكة نفسها مبغااش ضحك على طريقتو وشكلو...."..مغسي كنت بغيت نهضر مع امونة جوج كلمات......
امونة..."كطوي فحوايج" ....غير هضري ماكينش شي حد غريب... واخا غير غادي تعدبي راسك حيت انا عارفاك اش بغيتي تقولي.... والرائ ديالي باين وراك عارفاه.....
اسراء..."قربات حداها" امونة لله يهديك.... مايكونش راسك قاصح.... هادشي كلو لمصلاحتكم... خاصكم غير شوية ديال صبر وديرو لماء منين يدوز....
امونة..." كتدوي بخنقة كتحس بحلقها مدبووح...."..عيت اختي ندير لماء منين يدوز ...صافي السواقي خسرو ماعندو ديلمو هاد لما منين يدوز باقي....
اسراء...."شداتها من ايدها وجلسااتها حداها "...واغير سمعيني دابا.....
امونة...."رفعات حاجبها".... اشنو!!
اسراء..."كتطلب فيها بعينيها "...وسعي خاطرك اامونة لله يهديك تحملو هاد شهر... مقابل تعيشو حرين وترجعو لبلادكم ....كنواعدك ماغاديش يتعرض ليكم شي حد.... كل واحد يدير مهمتو ويشد تيقارو ماكينش لي غاينقص منكم... ولا يهضر معاكم...انا غانرافقكم طول هاد لمدة والي بغيتي غانطلب منهم ينزلو ليكم اعتاذار.... كلكم غير بقاو علي خاطركم...."كان كدير ليها خاطرها وهي كتدعي في تفسها متوافقش على اانهم يقدمو اعاذاار...حيت عارفااهم "....
امونة..."سدات عينيها وحلاتهم "....حنا مابغينا اعتاذار من حد... بغينا غير تيقار الي غايبقاو يتجملو علينا بهاد لمساعدة ديال زمر.... بالناقص منها التقحبين حسن ليا من حلان لفم.....
اسراء..."ضحكات معاها "...حتي واحد ماكيتجمل عليكم وكيما نتوما محتاجين مساعدتهم حتي هوما محتاجين مساعدتكم.....
ليالي..."عويناتها حمرين بالبكى وكتدوي وصوتها مبدل "....والكن اختي زادو فيه بلا قياس كلشي فيه تعاليق......
امونة.."تفكرات "....تعالي تسمعي اخر الاخبار قبيلة منين هبطت نهضر مع سي يعقوب... ناض ليك الالة سي خلدون قالك بغا يضربني... غير امين لي حبسو شوفي نتي لمساعدة ....
ليالي..."بدات تسب "...لله ينعل زامل بوه... وكون غير حط عليك يديه ولله حتي نكرضهم ليه شكون يكون .....
اسراء..."كتغمز فيها "...اويلي اليالي واش حنا كنبردوها ...ونتي كتسخنيها
ندى..."مككشة في غطى وكتدوي "...لله يستر داكشي لي كيعرفو حلان لفم... وهزان ليدين... فينها الرجلة الصارحة فيهم غير داك امين....
عزيزة...ايه اختي ضريف لخرين حاسين براسهم بينا وبينو غير لخير والاحسان.....
ليالي....كندوزو لحصة ديالو فالراحة ماكين نكير ماكين ضريب لمعاني مايكن سبان
اسراء....هكا ديرو معاهم كاملين وانا غانبقا معاكم دقيقة بدقيقة... واي واحد قلل منكم ولا تخطى حدودو انا لي غانوقف ليه كنواعدكم...اشنو قلتو البنات....
"بقا شي كيشوف فشي"....وهضرو مالكم سكتو....
بوفرطوطو...انا لي قالتها امونة معاها فيه....
اسراء..."شافت فيها "....اوي هضري اامونة.....
امونة...."حدرات راسها "...شوفي ندى اشنو بغات...
اسراء...ا"دارت جهة ندى"...ش بان ليك اندى.....
ندى..."بدات تشقلب في عينيها "....ماعرفت شوفي ليالي اشنو الرائ ديالها.....
اسراء...."بقلة حيلة "...اشنو اليالي
ليالي...انا بحالي بحال عزيزة لي قالتها امونة حنا معاها ....
#يتبع_في_المسااء🔥🔥