صديقات في الخليج 1 🍂مكتملة🍂

🍂الجزء 136🍂

🍫 صدیقات فی الخلیج 🍫
بقلم....لیالی ...امونه...ندی...
الجز___ء : 136
🚫🚫 لا یحلل النشر 🚫🚫
امين...صافي داز علي كلشي ووخرك نتي ههه
بقا خلدون مطلعة عليهم هو وليالي...لكليكة كلهت مفرشخة بالضحك وخالقين جو كوميدي بيناتهم ...حتي لنص ليل وهي طلع الرقاصة بلباس شرقي عريانة كتر مامستورة لاطاي ديالها حوتة وطويلة صدر مدفق والترمة حتي هي.. غير طلعات وبداو التصفاق والهتاف عليها هي كيتشطح والفلوس كيتشايرو فالسما بحال الشتاء لبنات بقاو غير كيشوفو
خلدون..."كيضحك"...هاهي صاحبت امين
امين..."خرج فيه عينيه"...لله يمسخك علاه ماشي انت لي كتهضر معاها
خلدون...ماحشمتيش بغيتي تلصقها فيا
امين..."غمز ليه وكيضحك"...باركة من تبرهيش راه غاتشوه
جواد..."بقا كيشوف فيهم "...انا غانقول ليكم لله يعاون
خلدون..."كيضحك"...اودي غير جلس جلس ماتخافش ماغاديش نفضحك ونقول راه صاحبتك هاديك بيناتنا
امين..."كيضحك"...دابا هاد ولد لقحبة علاش كيقلب اجواد
جواد...لي ينوض يخلي دار عشتو شفتو دغيا لصقها فينا
امونة..."قارصة فيد أمين"...غير كٌرو كُرو شكون صاحبها
جواد..."بجدية"...ماصاحبت حتي واحد غير شي يامات كان خلدون كيهضر معاها وواقيلة طبق عليها النظرية لي قال لليالي لبارح
ليالي..."مطلع حاجب وهبطة لاخر"...راه باينة شكون مول هاد لفعايل عينيه زايغين داكشي علاش قبيلة تصدم مابغاش يجي لهنا ياك اامين
امين..."كيشوف فامونة"...لله يجيب لي يقول لحق هو كيفضح راسو براسو ماكيسكتش
خلدون..."كيضحك"...صافي كلكم قلبتو سمطة عليا ولاد لحرام هادي هي لعشرة
جواد...فضحتي راسك براسك كون سكتي ماكينش لي يسيق ليك لخبار
ندى...مزيان بقاو تفضحو بعضياتكم عشرة اخر الزمان
امين..."ميت بالضحك"...هاهي حبيبت لقلب جايا عندك اخلدون ههه
وهوما مجمعين ديك الرقاصة جات كتشطح حتال حدا طبلتهم وكدير شي حركات مثيرة خلدون ناض كيعلق ليها امين كيشوف فيها وكيضحك علي خلدون وجواد حدر راسو وميت بالضحك
امونة..."غمضات لامين عينيه بيديها باشما يشوفش"...شفتك حال فمك ماحشمتيش هادشي وانا جالسة حداك...واقيلة عاجباك هاد خيتنا
امين..."كيضحك حيد يديها وباسهم بالخف"...اخخ علي زين ديالي كيغير عليا...اش غايعجبني فيها كلها سيليكون انا نموت فالطبيعي وزايدون بحال هاد نوع ماعنديش معاه كل ليلة مع راجل مانرضاهاش لراسي...كوني هانية احبيبة ديك لبسالة كانت زمان اما دابا نتي لي كاينة الحب
امونة...امم لله يجعلني نتيق...
...ندى..."كتهمس لجواد"...شفتك حادر راسك راسك زعما راني داخل سوق راسي اش كدير لتمثيل غير شوف شوف
جواد..."كيضحك"...اللهم ان هادا منكر اش غانشوف ولا حول ولا قوة الا بالله
ندى..."عوجات فمها"...لله يمسخك داير فيها الشيخ كشك كاعما حشمتي
جواد..."شاف فيها"...ممم كنشم ريحت لغيرة هنا
ندى..."خنزرات فيه"...شفتك تيقيتي راسك راك كتحلم وانت فايق...
جواد...عارف راسي هههه
ليالي..."جرات خلدون من تريكوه حتي جلس"...تبت ازمر شوهتينا بحال الي ماعمرك شفتي لبنات
خلدون..."بغا يعصبها"...فين هما هاد لبنات انا كنشوف هنا غير لعربي وخوه ولد عمو وامين وجواد
ليالي..."ضرباتو فكتفو"...لله يمسخك اش كتعرف فالزين الخرا يخ علي ذوق عندك مخري فالبنات
خلدون..."بمكر"...بصح ذوق ولا عندي مخري عليه ملي وليتي كتباني ليا زوينة خاصني نمشي ندوز علي عيني
ليالي..."غلباتها الضحكة"...شفتك تيقتي راسك زوين ولبنات مليوحين عليك كيتهضر علي زين بحال الي انت مطفرو ياكما صحاب راسك ديكابريو
خلدون..."عوج سيفتو فيها"...علي دوقك الزين نتي حتي ديكابريو تقارنيني معاه
ليالي...اويلي انت راه مريض رسمي عندك تيقة زايدة فراسك ديكابرو يحصلك الشرف نشبهك بيه ولا حتي نحط سميتك حدا سميتو
خلدون..."كيضحك"...خلينا من ديكابريو دابا قولي ليا اما حسن هادي ولا سويدية
ليالي..."بغرور"...حتي وحدة انت راه خاصنا ندفنوك ونترحمو عليك علي هاد دوق عندك
شاف فيها وتفرشخ بالضحك بقا شاد فيها طوول حتی کملو سهره .....
#یتبع🔥🔥