صديقات في الخليج 1 🍂مكتملة🍂

🍂الجزء 166🍂

🌚 صديقات في الخليج 🌚
بقلم....ليالي...ندى....امونة...
الجز___ء...:..166
🚫🚫 لا يحلل النشر 🚫🚫
فمكان اخر بالضبط فسي فاير ستيك كان شبه فارغ فيه ناس قلال مكان هادئ ورومانسي بامتياز... دخل جواد لي كان شاد لندى من خصرها وكيتعامل معاها بحنية بحال شي حاجة غالية خايف عليها جر ليها كرسي وجلسات باسها فعنقها حتي حسات بالتبوريشة طالعة من صبعها صغير بتاسمات بخجل وحدرات راسها جلس جواد فالكرسي لي حداها وداير ابتسامة جانيبة علي فمو شد يديها بين يديه هزات راسها فيه كتحاول تجنب نضاراتو لي خجلوها
جواد..."بنفس الابتسامة"...مالك واش مامرتاحاش
ندى..."ابتاسمات"...لا مرتاحة علاش
جواد..."كيلعب فيديها"...حيت شفتك ساكتة مامولفاش ليك
ندى..."ضحكات بطريقة راقية احتراما للمكان"...اشنو ولفتني نبقا نغوت اصلان لبلاصة لي حنا فيها ماتسمحش بهادشي "ضحكات "..للهم نكونو بعقلنا مرة فالعام...
جواد..."عض علي فمو بطريقة مثيرة"...اححك عليك كتحمقي وانتي دايرة عقلك....
بدات كضحك علي هضرتو حتي وقفات السرباية
السرباية..."بابتسامة".....نورتوونا شنو تحبوو تااملو....
جواد..."شاف فندى وباس يديها"...انا نطلب ليك علي ذوقي...
ندى..."حشمات كثر حيت كتشوف فيهم سرباية....ولكن عجبهاا الحاال يتعامل معاها بهاد شكل.."...اوكي
جواد.."ميشووف شنو عندهم ..وكيدوي بلاما يهز رااسو فيها "...غاتجيبي ليها فطائر البف باستري بالجبن المقلية....مع دجاج بالخضار سوتيه وعصير ديال الليمون وفالتحلية ممكن تشيز كيك بالفريز... وانا غاناخد فراخ رول مع سبرينج رولز... بالخضروات...وعصير لافوكا بالفانيلا والمكسرات....
االسرباية خدات لمينو ومشات
ندى..."بدون قصد"...شتك خديتي لافوكا والمكسرات من نيتك
جواد...فهم قصدها وضحك"...علاش زعما مالهم ماكيتلاقاوش
ندى..."كضحك"...لا كيتلاقاو غير كيديرو مشاكيل
جواد...."غمزها"...وعامرة معلومات مع راسك "بابتسامة جانبية "..صحابني غشيمة طلعت انا لي غشيم
ندى..."دارت يديها علي فمها"...لله يمسخك انت لي عقلك خامج
جواد...اودي هما غير فيتامينات الواعرة هي الاحتكاك حيت الاحتكاك يولد الحرارة ولحرارة خطر وماحدك كتهضري فهاد الموضوع حتي هو خطر "غمزها"...
ندي..."ضرباتو ضربة خفيفة لكتفو"...سكت سكت لبنت جاية غاتسمع هضرتك لماسخة 🤣🤣
جواد...."كيضحك"...انتي سباب انتي لفكرتني كنت ساكت في امان الله.. كترت تعاليقك لي كتخليني نخرج علي دائرة الاحترام ...
جابت ليهم السرباية الاكل ديالهم وبداو كياكلو ....ولا نقوولو الحق هي لي كتاكل...اما سيد ملي دخل وهو شاد تليفون بين ايدوو...وممساليش...حتى باانو عليها...علامات الفقصة...ولغدايد. ...
ندى..."خبطات لفوورشيط "....وااش مخرجني نجلس مع الكرسي ولاا شنوو...كنتي ممساليش نخليك معامن كتدوي ..ونشووف ونييس..."كتكلم بغيرة "..
جوااد..."هز رااسو فيها مقوس عينيه "...ونييس..واخا يالله جربي ...بالحق علميني قبل نوصي ليك على عگااز..ولا كرسي متحرك حسن ..حيت مغااديش تقدي تنووضي
ندى..."مخنزرة فيه داافعة جبهة "....كاادبة عليك لمراايا يمكن...ايوا حربووش ..قربووش منووش...باش تشووف..نجووم .في عز ...ظهرووش...
جواااد..."حرك رااسو باسى "...الله يستر..عقلك طاار..."حط تليفون "....هاهو لخراا حطييتو...يالله كوولي....
ندى..."نافخة فمها..وكتشوف في ماكلة "....شبعت وزايدون.هادشي مكيبردش القلب....فينك اطااجين بلادي...وكسكسوو مت ليالي ..."بدات تفكر دوك ليام وضحكاات "...
جوااد..."حاط ايدوو على خدوو حااضي تصرفااتها "....مضحكينيش معااك...شنوو تفكرتي ...؟؟
ندى..."تحمساات وبداات تعاود ليه ...بايدها وگريمااس وجها كلشي كيتبدل من لقطة لقطة.. "....كنا كل جمعة نتجمعو عند ليالي في دار نديروو كسكسو..عرفتي كرعة وخيزو من عندي ...ربيع وليشو من عند اموونةة...سميد ودجااج من عندهم...كطلع قصرية فين يبان هادشي...وغير بشي حاجة قليلة...لاا والوااعرة....هي خووهاا...يتم دااخل هاز لبن ...زعمةة سااهم..."مسحاات دمعة خاانتهاا " ...اياام متنسااش
جوااد...." هز ايدو ومسح عينيها.." ....لووحيي كلشي ورااك..بغينا نبدااو من جديد ديري رااسك تولدتي من ليووم .. مااشي مستااهلة تبقااي تجبد المااضي وتنبشي فيه ..
ندى...."ضحكة سخرية "...محااس بالمزود غير لي مخبووط بيه "تنهداات " صاافي قلب...عليا هاد لخراا....
جوااد...."مخنزر فيها تاع صح "....واا فم هو ولا عندك ...غاا تااع تعوااج...تجمعي ولا نقاادك...
ندى...."بداات تضحك "....حوووفييييك....انا غادة لحمام وجااياا ....
جوااد...."وقف "...اوكي انا نيت نوض نخلص ...باش نكملو سهرتنا في مووضع اخوور عندي ليك شي حاجه
ندى..."بتعجب "....فين غنمشيو...
جوااد..." ضربها بشوية لاسفل ظهرها "....سيري داابا ....انا تلقاايني براا...
تمشات قدامو بقا تابعها بعينيه وكيبتاسم حتي غبرات جات السرباية عطاتو الفاتورة خلص وخرج تكا علي السيارة كيتسناها.. حتي جاه اتصال هاتفي بقا كيهضر فيه وعاطي بضهرو ملي سالى ضار ولقاها واقفة موراه وملامح وجهها متغيرة ممحية ديك الابتسامة لي كانت دايرة تماما...
جواد..."بتعجب"...مالك اشنو عندك
ندى..."بنفس النضرة"...والو غير حسيت براسي عيانة بغيت نرجع لدار نعس....
جواد..."تعصب"...مالك واش شي حد تبسل عليك...دوا معااك شي قندووح..
ندى..."تنفسات بعمق"...لا مكاينة حتى حاجة من هادشي لي كتقوول "تعصباات "..يالله نمشيو..واش غانبقاو واقفين هنا....
جوااد...."جرها لطونوبيل معاصب طلعهاا وركب حدااها...بلاما يدوي ..موقف ..حتى قدام النافورة الراقصة كيطلو عليها من سياارة "....
#يتبع🔥🔥