صديقات في الخليج 1 🍂مكتملة🍂

🍂الجزء 23🍂

🍾 صديقات في الخليج 🍾
🔥 بقلم : ♡امونة ♡ليالي♡ندى♡
الجزء 23
🚫🚫 حصريا في كروب بنات حواء 🚫🚫
حيحو لبنات ولوزو لمهم بردو قلبهم ...متسوقو لا لغاشي ....ولا لعيوون لي غيااكلووهم ...كانو في عالم بووحدهم ...عايشين اللحظة وضحكهم كيتسمع من دخلة دلبار حتى قاطع حديثهم ...سرباي ...
سربااي ....(جاي بلبااسو لي كان عبارة على سروال توب بالاسود ..وقميجة بالبيض بربطة عنق ...).....مسا الخير شيخ طلال عازمكم تكملو معاه سهرية في طاوله بتاعه.."كان ليبي الجنسية "..
امونة...(جوباتو وهي معفرة وكتشوف في سما بحالا غتقب سقف بعينيها )...قووليه مغسي ..."شافت في ساعة "..وصل وقت نعاس ديالنا كيخصنا نمشيو ..."ناضت وتبعوها لبنات وسرباي مسكين غكيشووف ...قبل متخرج من لملهى شاافت هاد شيخ طلال عن قرب عبراتو بالعرض البطيء ...كان راجل كبير بلباس مغاير على الزي سعودي ...وباينة من عينيه زير نساا ...شووفات زهوانية
ليالي ....(شادة في ندى ودور عينيها )...لبنات مجاكمش فشكل هاد الملهى ...فيه شي حاجة غريبة
امونة ...(شافت فيها بتعجب )....هي سيدة مولفة بالبيران وانا مفخبريش مالو كيجاك ...بحالو بحال لغرزات
ندى ...(على نيتها هضرات )..انا جاني بحال ملتقى دول العربية..كل واحد من دولة ..ها مصر ها ليبياا ..غا عصير بناشي صاافي ..
ليالي ....(ضربو ايد بعض وضحكو بجهد وهما داخلين سانسور )...هادي عندك فيها صح ..ولايني غارق زوامل ..وشيخات مضسرينهم ....لمعريات كثر من لمغطياات ...داكشي على البحري يااما "عوجات فمها وضربات حنكها"...
امونة....( حلات باب الغرفة )..مكاين شيخات قدنا ...وتوما شفتو بنادم كيحل فمو ودلا ريووكو ...قاليك نوضووها تشطح دارتها بصح ...هي تاعتنا ...انا حاسة اخر يامنا غنخدمو رقاصات راه سطاجينا ليووم ..باينة دخلو شي حصيصة صحيحة من داك تعلاق ..
ندى ...(لاحت سباط وتجبدات فوق ناموسية ).....اجي نتي معيطش ليك داك فول وطعمية ...راه خاصنا نخدمو ..
امونة....(...حيدات حوايجها وتخشات حدا ندى )....على سلامتي ملي وحدة فيكم فكرات فلاش جينا ...
ليالي ...(ضربتها ونعست حداهم)...مناسينش ازمرة ...غدا يعيط..ولا مدواش هو ندوي انا ...مبعيدة في هاد اللحظة ههه غا المغرب ..
امونة...(بدا يديها نعاس )..يكون خير ..يالله ركدو وسكتونا ...خليوني نسمع لعظامي ..
ناضت ندى بدلات حوايجها طفات ضو ...غطاتهم وتغطاات ونعسات حداهم ...ومعارفينش شنو مخبي ليهم الغد..يمكن هادي اخر ليلة ينعسو مرتاحين ..
....
فمكان اخر فالوطيل فواحد لبيرو كبير.. جالس راجل هو ومراتو فوق المكتب .. وكيهضرو مع راجل اخر من لاب توب .. هاد الاخير عاطيهم بالضهر وكيهضر معاهم..
ابوعلي...."وهو مخلووع وكيهضر بالعبار "...سيد جوفا ...ازيك عامل ايه ..
جوفا..."عاطي بضهروا ..كان شعرو طويل وعندو لوشام في عنقو ..جالس فكرسيه ...وحاط ايدو لي كلها خواتم ..على لكرسي وجامعها على شكل قبظة "... في شي جديد ملي وصيتك عليه...
ابوعلي....."كيقفقف ..."..اكيد في انا ضبطت كل لي قلتيلي عليه عاى المزبوط ..
جوفا..."عمل اشارة بايدو على شكل استفهام ".. ..وليه بتكلمني الساعة دي
ابوعلي..."كيبلع ريقو..وحداه مرتو صفرا كثر منو "..بخصوص ثلات بنات قاعدين بلوطيل عندنا..
جوفا..."قااطعو"....كل اللي حتقوولي انا شفتو بالحرف ...اتصرف زي كل مرة ...بدون اي غلط ..ولا حساابك معاايا ..انتا عرفو كوبس ...المرة الجايا لما تكلمني ...يكون في بووزك اخبار حلوة .."قطع الاتصال "...
ابو علي ..."تنفس الصعداء ..ودار عند مراتو "..ايه الحل دلوقتي ...
شمايل ..."كانت طويلة ورقيقة ..مصبغة شعرها صفر ..كتدور على المكتب ..كيتسمع غير صوت طتلونها ..والمسكة لي في فمها"...انت ماالك ..حنعمل زي كل مرة ...ولا نتا نسيت ..."غمزاتو"
ابو علي...."كيعمل اشارة بايدو بمعنى لا "..البنات دوول مش بسااهل نضحك علبهم بكلمتين ...بس اكيد حنلقيلها مخرج ...وحرسم خطة توقعهم في شباكنا ..."جمع ايدو وضحك هو ومرتو بصوت عالي "
#يتبع🍒🍒
#صديقاات_في_الخليج💃💃