صديقات في الخليج 1 🍂مكتملة🍂

🍂الجزء 128🍂

🍫 صديقات في الخليج 🍫
بقلم.....ندى...امونة...ليالي...
الجز___ء " 128
🚫 لا يحلل النشر 🚫
ليالي خرجات من دوش لبسات حوايج نعاس... وخرجات جابت قرعة لما حيت كاين صهد ...وملي تمات طالعة بان ليها جواد خارج من لبيت ديال ندى وكيضحك طاح ليها لعجب ومشات دخلات عليها ....لقاتها حتي هي كتبتاسم
ليالي..." داخله كي لعجاحة مجبده حجباانها بعصبيه "...ياسبحان لله اش لم الشرق علي المغرب
ندى..."باستغراب"...اش كتقصدي
ليالي..."قلبات وجهاا وبدات كتدوي بجدية ".. بلا لف ودوران راك عارفة اش كنقصد ...واحد خارج من بيتك فنصاص دليل.. وكيضحك ونتي كدالك ولبلان لي شفت فالكوزينة ..انتي وياه كتباوسو اشنو تغير...
ندى..."حدرات راسها"...ولله ماعرفت اش غانقول ليك منين غانبدا....
ليالي... "دخلها شك وقلبها بدا يضرب...." ...بداي منين ما بدتي مهم نعرف اشنو واقع....
ندى..."بدات طرطق في صبعانها "...مهم هادشي لي غانقول ليك بغيتو يبقا بيناتنا مابغيتش لهضرة توصل لأمونة.....
ليالي..."وجهاا صفاار بالخلعة "..هضري ازمر شوشتيني....
ندى..."بدات تبكي "...انا حاملة
ليالي..."ضربات حناكها"..اويلي علي حاملة.....
ندى..." كطلب فيها بعينيها لي عامرين دزوع "...سكتي اصاحبتي غاتشوهينا... هادشي علاش مابغيتش نقولها ليكم.....اهء اهء ...
ليالي..."كتعنق فيها وتسكتها "...صافي سكتي...باراكا غطيبي عينيك...اجي ..وجواد سايق لخبار...
ندى..."تنهدات "..اه ساق لخبار داكشي علاش شفتي هاد الاهتمام زايد...كنت غانسقطو ونتهنا والكن ساق لخبار... دار ليا حالة هو بغا ولدو وغايعتارف بيه منوض لقيامة قبل مايتزاد....
ليالي..."مخنزرة ومقلقه "..وعلاش ماقلتي لينا والو ياك زعما حنا صحابات فين عمرنا خبينا علي بعضنا شي حاجة حتي خبيتي علينا....
ندى..."شدات ليها ايدها "...لا ماشي هكاك انا كنت غير كنتسنا لفرصة لمناسبة باش نقولها ليك.... مانقدرتش نخبي عليكم والكن امونة مانقدرش نقولها ليها خصوصا فهاد لمدة ...حيت انا متأكدة الي ساقت لخبار غاتوقف هادشي ماغاتبغيش تكمل... ويتهد كاع هادشي لي بنيناه وتقول ليك خطر وزمر وانا مافيا مانسمع هضرتها.... عارفة كتخاف علينا بلا قياس... غاتندمني كتر من جواد للهم نخليها حتي يفوت هادشي ونقولها ليها....ونزيدك انا خاليفة نقوولها ليها وتحرق لبوهم هادشي كاامل وتقووليك...تزوجي ولا شي لعبه راك عارفة...
ليالي..."كتصووط "..مصيرها غاتعرف منهنا لشهرين تكبر كرشك وغاتعرف...
ندى...منهنا لشهرين انشاء لله ممكن نكونو سالينا هاد تخربيق... ديك ساعة انا لي غانقولها ليها والكن هاد الايام مامستعداش نقولها ليها ...وخا كنحس بالدنب وتأنيب الضمير فاش كنشوفها وانا عارفة راسي مخبية عليها ..والكن ولله مابغيتها تهور عاوتاني وتوقف هادشي بحرا ومانسات لي فات واعديني ماغاتقولي ليها والو...
ليالي...😭😭 حشوما عليك ماكنقدرش نخبي عليها شي حاجة مايمكنش...
ندى..."شداتها من يديها"..ليالي واعديني ماغاتقولي ليها والو وحتي حد ماغايسيق لخبار.....
ليالي...صافي صافي ماغانقولها لحتي حد...😏😏
ندى..."كتحكر عليها "...واعديني امونة ماغاتسيقش لخبار....
ليالي...واك واك كنواعدك امونة ماغاتسيقش لخبار اوووف....
ندى...اوي هكاك نوضي تقعدي خليني نعس...."تغطات "..
ليالي...تفو عليك ...اجي واش دابا صافي غاتشرفيني غانولي خالة...
ندى..." والغمة في قلبهاا "...لا باقي ليك واحد 9 شهور عيشي فيها ...
ضحكات ليالي وناضت باستها وخرجات مشات عند امونة لقاتها باقي فالدوش مكسلة فالبينواغ ومغمضة عينيها وسارحة....
ليالي...اسبحان لله الحاجة واش نعستي....
امونة...لا غير متكية حسيت بعضامي ترخاو ماكرهتش شي مساج...
ليالي..."بدات تسب "...ماكرهتيش شي ***فهاد ليل نوضي لبسي حوايجك ونعسي دابا تسكني مهم تصبحي علي خير...
امونة...جيبي ليا حوايجي نلبسهم هنا
"خرجات ليالي ورجعات جايبة ليها دو بياس"
امونة..."كتغوت بجهد"..وفين هوما لحوايج اصكعة
ليالي...مالقيتمش ومافيا لي يقلب حتي تخرجي ولبسيهم تصبحي علي خير.....
باستها وخرجات امونة بقات مدة فالدوش ناضت شللات نشفات راسها لبسات دوبياس ديالها ...وخرجات من دوش كتنشف فشعرها حتي بان ليها شي حد متكي فالناموسية....
امونة..."دايرة ايدها على قبلها "...تفو عليك اامين خلعتيني حشوما عليك....
امين..."بقا سارح فيها وفلاطاي ديالها وكيبتاسم حتي زفات عليه بالفوطة"...
امونة...تفو عليك كون تحشم غمض عينك.....
امين..."كيضحك"...راه مغمضهم واخا يبانو ليك محلولين...
ضحكات ومشات لماريو هزات كسيوة خفيفة ديال نعاس... لبساتها نشفات شعرها وجمعاتو ومشات حداه...
امونة...(("بابتسامة"..قول ليا غير علاش كتقلب دابا الي جا شي حد ولقاك هنا شوها....
امين...:خنزر فيها"...علاه شكون مولف كيجي عندك....
امونة..."بغات طلعها عليه"..كل مرة وشكون..."شافيها مخنزر ويتدوي بجدية "...مرة ندى مرة ليالي مرة عزيزة والي جات شي وحدة فيهم دابا غاتفهمنا غلط.....
امين...ههه يفهمونا صح نيت واش شغل شي حد كون طاوعتيني وتزوجنا ديك ساعة ماكينش لي كيتسالك شي حاجة من غيري ....
امونة..."مخرجة عينيها "..اويلي علي نتزوجو امين لله يهديك .واش بانت ليك حالتي حالت زواج اجل هاد لموضوع شوية... ولله ماوقتو هادي
امين...ماعرفتش زربان بغيت غير امتي تكوني ديالي رسمي... ديك ساعة عاد غانرتاح غانضمن بلي نتي ديالي بوحدي...
زربان بغيت غير امتي تكوني ديالي رسمي... ديك ساعة عاد غانرتاح غانضمن بلي نتي ديالي بوحدي....
امونة..."قربات منو وحطات راسها علي صدرو"..غير رتاح انا ديالك سوا تزوجنا دابا ولا حتال من بعد اشنو... هو هاد زواج ورقة كتكتب باش لبشار يعرفك مزوج انا عطيتك ضمان كثر
من هاد لورقة...عطيتك قلبي امين ماعمرني كنت دايرة فراسي بلي غانوهب قلبي لشي مخلوق ...كيما كان حتي ديتيه انت وغاتبقا فيه حتال لموت....
امين..."بتاسم ليها وهز راسها لعندو باسها بوسة خفيفة فمها"..هادشي كولو طلع منك المغرورة...
امونة...كون كنت مغرورة كاعما نقول ليك هاد لهضرة ماعرفتش علاش مصمم تقول ليا مغرورة وتكبرة وحاسة براسي....
امين...وراه هادشي لي عجبني فيك نهار للول....
امونة...صافي..."🤔🤔
امين...لا ماشي صافي انتي كلك عجبتيني من هنا.."بقا مدوز يديه من صبعها صغير طالع بالعرض لبطئ مع لجسم ديالها كلو حتال شعرها"..
حتال هنا حمقتيني فكاع... حالاتك...معصبة فرحانة كتبكي حشمانة ناعسة فايقة ودابا شفتك عاد مدوشة كملات...
انا...اش كملات..."فااهمة قصدو "..
امين...غاتكمل عليا خليني نمشي نعس قبل مانوليو فشي حالة خرا
امونة...."كضحك"..اجي قبل ماتمشي كاعما شرحتي ليا داكشي لي قال خلدون لليالي....
امين...اييه فكرتيني بغيتي تطبيق ولا شرح...
امونة...ههه اشنو لي حسن...
امين...حسن ليا نمشي نعل شيطان ونعس...
امونة...وهضر خلاص
امين..."كيضحك"..قال ليها غيعلمها كيفاش تمارس علاقة حميمية بطريقة غربية زعما ديال الكٌور....
امونة...وعلاه كاين فرق بين العلاقة الاوروبية والعلاقة ديال لعرب...
امين...يوووه فرق كبيير...
امونة...بحالاش زعما...
امين..."كيضحك"..ههه هو قالها وانا وحلت فيها...ولله ماعندي مع شفوي كنعرف غير لتطبيق ...شوفي هوما فالعلاقة لجنسية بيناتهم كلشي يجوز ماعندهم حدود... حنا عندنا شحال من حاجة شبه محرمة هوما لا اي حاجة طاحت ليك علا بالك مباحة... غراضهم هو يوصلو لطوب ديال النشوة ديالهم لله يغرق ليك شقف خليتني نتخايل شي مناضر تفو خليني نمشي...
امونة..."هو كيهضر وهي كتشوف فيه"..ممم بحالاش هاد لمناضر
امين...نوضي تكٌعدي خليني نمشي قبل مانرتاكب شي جريمة هنا ههه
امونة..."كضحك"..غير كنضحك معاك اجي بعد بوسني وقول ليا تصبحي علي خير وديك ساعة سير...
امين... ولله الي علي هادشي علاش جيت وشوفي فين ولينا هههه لله يخلي خلدون وليالي ومواضيعهم....
بقيت كنضحك نضت قربت حداه وعنقتو
امونة..."معنقاه وكضحك"..بغيت نقول ليك بات معايا والكن خفت حيت ممكن تنوض تغتاصبني...
امين..."كيضحك"..ماشي غير ممكن راه 100% غانوض نغتاصبك هادي كوني متأكدة منها...
امونة..."بعدات وضرباتو فصدرو"..😄اوي سير فحالك هههه
امين..."شدها من خصرها حتي حكمها وزير علي فمها بيديه وباسها بوسة عنيفة حتي حسات بشفايفة تبنجو"..
امونة..."شدات فمها بيديها"..احح ضريتيني
امين...باش تعلمي تبقاي ضربني كل مرة كنفوتها ليك وقتما عاودتيها عندك عقاب كثر من هدا....
امونة..."نسات وضرباتو"...واش هدا عقاب المتوحش..
امين..."كيضحك".واش علاش كنهضرو من صباح...
امونة..."نفاجرات بالضحك وعنقاتو"...ههه اوووف نسيت نسيت تفو تلفتيني....
امين...هاني دوزتها ليك ياله بوسيني خليني نمشي راه ميت بالنعاس...
امونة باستو ومشا..رجعات هي تكات فالناموسية وهزات لمخدة فاش كان ناعس كتشم فيها ريحتو ...حتي نعسات وكل وحدة من البطلات ديالنا نعسات وهي فقلبها حكاية كتمنا تشوفها فاحلامها هاد ليلة...
#يتبع