صديقات في الخليج 1 🍂مكتملة🍂

🍂الجزء 26🍂

🍾 صديقات في الخليج 🍾
بقلم 🍇 ليالي 🍇 امونة 🍇 ندى
الجز___ء : 26
🚫🚫 لا يحلل النشر 🚫🚫
بدااو لبناات مشواارهم ...انطلاقا من ليبوتيك لي كاينين في نواحي ...شافووهم قنت قنت ...عجبااتهم دبي حيت فيها فين دور ....شافت ندى لكلاص ولصقاات امونة عليه ..
ندى ...."وهي كتصرط ريق"..زيدي زيدي ناخدو ...غا هاد المرة ...
امونة ..."كتجر فيها "..وتي لملتك يصحاب ليك بحاال لكلاص لي كيتباع عندنا 3 بول بي 10 درااهم عامر غا تلج وملون ...هادا راه واقيلة ..بثمن تليفووني ..
ندى ..."وصلات فيها لعضم"..ونتي غا مسبقة لعصى قبل من لغنم ..زيدي نسولوه اختي ..انا تشهيتو وغناخدو وشكون قااليك نموتو غداا ...
امونة..."بنفاد صبر "...امري للله بالحق والله يا لخانزة منتي مغدية حتى تعشاي ..نتي راه بنتي ليا ترمتي ....
بقات ندى كتشووف في راسها من زاج لمحال المقابل معاها وحاضيا مسعوودتها..حتى ضربتها ليها امونة عطاتها لكلاص ومشاو جلسو في واحد الجردة قريبة ..ياكلو ويمنظرو عينيهم ..تابعين لغادي وجااي ....من بعد كملوو تسركيلهم ....وبزز دخلو لواحد مطعم شعبي تغداو ..بقى برا حتى قرب يطيح ليل عاد دخلو ...كيف حلو باب شاامبر تلقاات ليهم ليالي بسباان ..
ليالي ...."واقفة نص طريق وايديها على خصرها وكتحرك فرجلها بالعصااب"..الله يحرق جدكم ...فين منتو القحاال داايعين من صبااح حتال زك ليل ...
ندى ...."دفعتها ودخلت "..شاشاشا غير بشوية عليك عاد بدا ليل ...
امونة...هاا ونتي اختي لي درتي لينا فيها داك شي تاع تواركا وبغيتي تبقااي بووحدك ..كتبكي على قبل ..زاامل .. ليالي ...."جلسات قالبة سيفتها"....ما حاس بالمزود غا لي مخبووط بيه ..ماشي سااهلة عليا ..
ندى ...."كتبدل حوايجها"..هادا هو العشق المزرووب .....وزايدون لي ماجابتو محبة ماتجييبو حزاارة خلي الكلب تاع بووه ...
امونة...."دخلات لدووش " يرضي على بنتي ..خليوني ندوش ..
ليالي ..."كتحلف على ندى "..واخا على مك نتي ...
ندى ...😒😒..اناا ماالي شدرت ..راه هي لي بقات مخلياني براا قالت لي خليها حتى تفش ...
امونة..."كتهضر من دووش "..ندى عار ربي لما وريها تصااور لي درنا ...وتيتيز لي صيدنا ..
ندى ..."بدات دور في لبيت "..ويلي على تيتيز يا ختشي ..متفكرينيش "عطاتهاصاك"..هزي هزي ثقيل غا بنواامر .."ضحكة استهزااء"
ليالي ..."كتغدد"..تفو عليكم الله يخليها صحبة ...
امونة ..."خارجة لاوية عليها فوطة"...ايوا اختي نتي لي كتبكي ليا على نص بلاصة ....
بدات تضحك عليها هي وندى ...حتى تقلقت ومن بعد صلحووها بشرط ..
ليالي ..."ببراءة"..تعوضوني على هاد نهار بشي سهرية بحال بارح ..
امونة....وهاا لخراا لي مبغيتش..
ندى .."كتطلب في امونة "..صافي غير وافقي نعوضووها مسكينة شووفي نفسيتها كي مازمة ..😌😌..
امونة....الله يمسخك قولي حتى نتي ولفتي تصلكيط بحالها..."تمات غادا تبدل "..امري لله زيدو منقدر نقوليكم لا ..
تعانقو دريات وبداو ينقزو فوق ناموسية ..وكيضحكو عودو ليالي كاع داكشي لي دوزو ووراوها تصاور ..وبقاو متكين حتى وصلات وقيتة لعشا . .. ندى : لبسات غوب فالأسود طايحة من الكتاف بفريفرات صغار على دراعها جاية عليها صيري مع الفورمة ديالها .. واصلة حد للفخذ من القدام مع فتيحة صغيرة وطويلة من اللور جاية على الجنب حتاال القدم ديالها مع صنيديلة عالية فالأسود حتى هي مع أكسسوارات خفيفة فقط حلقات على شكل لؤلؤات و بوشيطة مراية .. جمعات شعرها مشيطة خفيفة على شكل كعكة ... اما المكياج دارتو خفيف كريم أساس و حددت تقاسيم وجهها بالكنتورين باش يبين لها وجهها أكثر ..كحلات عينيها من الداخل بالأسود مع رموش طويلة و ضلال العيون بالنبي و البودو لي عطاو لعنيها جمال خاص ..عكرات بالبوردو ماط ودارت عليه گلوص بلون فاتح من الوسط باش يعطي فوليم للشفايف

أمونة : لبسات ميني دوني فالأسود مبين النص من كرشها مشدود من العنق اللور عريان كلو مشدود بخيط فقط .. مع جيپ طويلة حتى هي فالأسود و مفتوحة حتال اول الفخذ مع صنيديلة عالية فنفس اللون و خلخال ذهبي فرجل لي فيها الفتيحة... فرقات شعرها من الوسط و خلاتو مفرود على راحتو .. لبسات حلقات ذهبية طويلة على شكل فراشات و خاتم خفيف فيها أما بالنسبة المكياج دارتو ثقيل حددات تقاسيم وجهها بالكنتورين و خدمات عينيها بالأسود و الرمادي و كحلاتهم بالأبيض ..مع رموش طويلة و كثيفة كبرو لها عينيها أكثر .. دارت گلوص ماط قهوي بين لها شفايفها كبار ..

ليالي : لبسات تريكو مشبك فالأسود مبين لها لحمها كامل مع سوتيامات فالأحمر و جيب فالأسود طويلة صيري ميبنة لها مفاتن جسمها مع طالون فلانتينو ديال الدان و صاك شانيل بيدين طوال مع أكسسوارات خفيفة دارت غير حلقات كبار دائرية بالفضي رفعات شعرها بمشيطة عادية و سامبل و خلات القصة القصيرة بطريقة عشوائية.. أما المكياج لعبات على تقاسيم الوجه الي بيناتهم لها ندى بطريقة احترافية أما عيون بيناتهم لها بالأسود فقط كاتز أيلااينر و فاغابوبييغ بالبيج مع رموش مفرقة و طويلة بينات لها حدة نضرتها أكثر. . زادت الفاغاجوغ خوخي خلات حنيكاتها بايني و عكر ماط بالقهوي فاتح عطاها فوليم للشفايفها. ...
#يتب_________ع🔥🔥🔥