صديقات في الخليج 1 🍂مكتملة🍂

🍂الجزء 119🍂

🍫 صديقات في الخليج 🍫
بقلم...."اموونةة...ندى....ليالي.. "
الجز____ء : 119
🚫🚫 لا يحلل النشر 🚫🚫
#فلاش_باک...
طلعات امونة بالجرا خدات دوش خفيف تحید لعرق .. وتاجهات لماريو كتقلب علي ماتلبس ...شداتها تلفا ماعرفت مادير خدات نفس عميق وحطات يديها علي اول لبسة جات قدامها...كانت عباارة عن فستاان بالقهوي مشبك وقصير...الا تحدرات يكشف المستوور....ورجليهاا لبساات صندالة عاالية حتى هي في نفس اللون . دارت مكياج خفيف صففات شعرها ....دارت بارفان لمفضل ديالها هزات صاكها وتمات خارجة .......قبل متخرج دارت طلة اخيرة علي المرايا صيفطات بوسة لراسها ....وهزات نظراتها تاع شمس ..وتمات هابطة بان ليها امين متكي علي الطوموبيل وحادر راسو فتيليفونو فلحضة هز راسو لمرة للولة وعاود هبطو حتي لمحها وبقا كيشوف فيها ويبتاسم حتي قربات منو.....
امونة... "بصوت حنين وهي كتسقي عويناتها من شووفااتو كان بلبس كااجول لي جاا معااه لابس سرواال وتركيوو ولايح عليه دجااكيط كوير..." ياكما تعطلت عليك...
امين...." بابتسامة كتذوب الحجر " .....نتسناك لعمر كولو ازين ديالي...
شافت فيه بخجل ودارت يديها علي فمها...
امين... "غمزها "...اححح يخلي ليا لي كيحشم....
امونة..."بابتسامة طااغي عليها لخجل.."...واش غانباتو هنا
امين..."بغا يحشمها كثر"...ماعنديش موشكيل ماكيهمنيش فين نكون اهم حاجة نكون معاك.....
امونة....""ضربات رجليها مع للارض منفخة وكتكلم بدلع "... امين نعل شيطان ياله نمشيو....
امين...ناري امي اححح علي ديك امين كيف خارجة من داك لفيم...اول مرة نعرف سميتي زوينة حتال هاد درجة....
امونة...."ضحكات وضرباتو فصدرو وركبات فالطوموبيل...."..الي بقيت مقابلاك ....هنا غانبقا ...ماغانشوفو لا برج خليفة لا درب عمر
ضحك علي هضرتها وركب ديمارة وخرج من لفيلا
امين..."مركز مع طريق ومرة مرة كيهبط عينيه يقااد مزيكا ".. اشمن نوع ديال لموسيقي كتعجبك
امونة... "دارت عندو بجنبهاا "...كنتصنط لكلشي والكن كل حاجة وبلاصتها
ابتاسم ليها وخدم موسيقي غربية وكسيرا بسرعة فاائقةة امونة ثوترات حتى داارت شداات في كرسي بايدها بزوج من جناب ... لاحظ ودار عندها....
امين..."باستغراب كيتفحصهاا بعينيه "...اشنو مالك....
امونة..."كتصرط ريق "..واش ممكن تسوق بشوية ماكنحملش السرعة...
امين..."بعد مابطئ من سرعة"...ههه...انا معااك وتخاافي ...
امونة..."طلعات حاحب وهبطات لاخر وكتهضر بغرور"...لا ماشي خايفة غير العجلة من الشيطان... وزايدون حنا خارجين ندورو ماشي نطيرو ..الي تمشيتي بشوية غانتمتعو بالمناضر....
بقا كيضحك عليها وكمل على طريقو حتي وصلو لبلاصة لي بغاو ...كانت شبه قريبة من الفيلا على بعد اميال فقط ...وصل وخرجو من الطوموبيل عطا السواق يبلاصيها شد فيد امونة وشبكها مع يديه ...ودخلووو لبرج..لي كيتعتبر من نااطحاات سحااب في العالم...زخرفتوو عاالية...وهو عبارة على فندق ...وكيتواجد ضمنو مطاعم ..وديكاافي.....
امونة...."مخبية صدمتها"..واش غانطلعو هادشي كامل..
امين..."شافيها شووفةة شك "..هي سوفل ماكينش ...ماتخافيش غانطلعو فالسانسور ههه
امونة..."متوثرة ومبغااش تنازل وتقوول بلي خاايفة..دافعااها جبهة "...لا ماخايفاش غير قلت كون بقينا غير هنا حسن....
امين..."زير على ايدهاا ومبتسم "...وحنا علاش جينا اصلان...وزايدون هنا لا علاقة... لفوق حسن غير تبعيني غادي يعجبك لمنضر كثر من لفوق...
شافت فيه وكملو طريقهم طلعو فالسانسور ...وصلو لمطعم كاين في اخر طبقة.. تمشاو جيهه الطابل ديالهم لي حجزهاا امين قبل... سحب امين لأمونة لكرسي باش تجلس بكل رومانسية باسها فعنقها وهي كاعما فهاد لعالم غير كدور فعينها ...شداتها دوخة غير لكبرياء ولغرور لي فيها غايخرجو عليها....
امين..."حط يديه علي يديها وهزها باسها من لداخل"مالك احبيبة فين سارحة......
امونة..."بارتباك".
.لا غير كنتفرج فالمنضر زوين.."بضحكة صفرة وهي القلب ما عالم بحاالو غير هي "
امين..."مقوس عينيه وكيشووف فيها بحب...ممتيقش بلي قبالتو "مايكونش بحالك
امونة......حدرات راسها وضحكات جا الناذل خداو اشنو بغاو ياكلو.....
امين..."حط من ايدو شنو هاز ودوا "...مالك ساكتة...
امونة..."هزات فيه راسها..."حتي انت ساكت قول شي حاجة.....
امين..."بعد صمت طويل..وبلى لف ولا دوراان "..كنبغيك....
امونة..."خرجات عينيها...ممتيقااش اش كتسمع "..اشنو...😳؟؟..
امين..."تقااد في الجلسةة وبدا يتكلم بجديةة "...كيما سمعتي هاد لكلام كنت بغيت نقولو ليك شحال هدا... والكن ماجاتش لفرصة...امونة انا منهار شفتك تخربقت اي حاجة فيك كتجبدني ليك.. عصبيتك غرورك قوتك اصرارك وخجلك تفكيرك وطيبتك... واخا ماشي مدة طويلة هادي باش عرفتك.. والكن كنحس بلي كنعرفك من شحال هدا ...مني كتكوني معايا كنحس براسي ملكت دنيا عمرني تخيلت انني نشوف فشي وحدة ولا نبغيه..ا حتي شفتك غيرتي موازين حياتي كاملة.. وليت واحد اخر حتى تصروفاتي مابقيتش كنتحكم فيهم... وزدتي عجبتيني وسكنتي فعقلي ملي رفضتي نتقرب ليك... قلت مع راسي بلي هاديك هي الانسانة لي كنقلب عليها... وهي لي ملكات قلبي كنت غاندير لمستحيل باش نفوز بيك ...مهم من هادشي كولو انا كنبغيك...
"بقات كتشوف فيه... حسات بصهد طالع معاها وخجل دوبها كلامو... بقات غير حالة فمها.. كانت كل كلمة من عندو كدخل لقلبها ديريكت.. بقات ساكتة شحال حتي نطق امين..."
امين..."بتعجب..."شفتك سكتي واش كلامي ماعجبكش ولا...."كيقراا ملامحهاا واش نفسهم ولا تغيروو"...
امونة..." مسيطر عليها الخجل..ومبغااتش تقول شي حااجةة تندم عليها من بعد.."لا بالعكس كلامك زوين عجباتني صراحتك....
امين...."رفع حااحبوو ..كان كيتسنى ردة فعل ثاانية "...اييه وباش غاتجاوبيني....
امونة...."قاالت لي كتحس بيه بلا زياادة ..بلا نقصاان "...صراحة حتي انت كتعجبني... وكون ماكنتش مرتاحة ليك ماكنتش غانكون معاك هنا فهاد الوقت....."وفي الاصل هاذي هي الحقيقة حيت هي من نوع لي صعييب يثيق فشي حد ولا يعطيه مسااحة كثر "...
امين..."بنظراات ممفوهيمنش "...تبارك لله عليك عندك مع الاجوبة ديبلوماسية...واخا انا عارفك مغرورة ومتكبرة ماكتبغيش تعتارفي بداكشي لي لداخل ديالك وباش كتحسي....
امونة..." حساات بيه تقلق وبغات تنقذ الموقف "...لا ولله ماغرور ما ديبلوماسية غير كنضن كل حاجة فوقتها زوينة اولالا.....
امين..."باستسلام ...بينو وبين نفسوو اللهم لعمش ولا لعمى...وبالمهل كيتكاال بودنجاال "...مقبولة من عندك...."هز كااسو كيشرب منوو..
اما هي حدرات راسها فالطبسيل كضحك ...وهي فالداخل ديالها ماكرهاتش تنوض وتشطح وتغني... وتعنقو بالفرحة والكن الغرور ديالها ماكيخليهاش... بقاو ساكتين كتاكل وكتشوف فجيها خرا ماقدراتش تشوف جيهة الزاج بقاو مجمعين حتي لاحضات بلي امين سارح فشي حاجة... دورات وجهها تشوف لقات بنت واقفة كتسيلفى تما.....
امونة..."...تجي معاها في هد اللحظة اغنيةة ..جرب نااري الغيرة ...وأوولي....اووووولي..."..عجباك ياكما نوض نجيب ليك نمرتها😏....
امين..."...خرج من سرااحانو لي في الاصل كان علييها ...وفي علاقتهم ..."..مافهمتش؟؟اشنو كتقصدي...؟؟
#يتبع🔥🔥