صديقات في الخليج 1 🍂مكتملة🍂

🍂الجزء 12🍂

⚜صديقات في الخليج ⚜
🍫 بقلم : ليالي. . أمونة. . ندى 🍫
الجزء 12
لا نحلل النشر أبدااا أبداااا 🚫 🚫 🚫 🚫
ليالي .... (خدات تلفوونها)هي لي متعاود.. أمونااااا ياكما نعستييي ...
أمونة ..(سدات ودنيها)أي ودني يعطي لمك صمك😠
ليالي .. هههههه ديزولي حبي ..
أمونة .. مالك مفيقاني ياك لباس ياكما صاربتو مع ديك الطحبة دهناء نجي نريش ديلمها دابا
ليالي .. ههههههه ديما واجدة العيشورية😂 المهم جمعي شطايطك غداا مغانبااتووش هناا
أمونة .. كيفاش .. دغيا !؟
ليالي .. ايه ألالة .. غدا غانمشيو نشوفو شي اوطيل نجلسو فيه حتى يوجدو الوريقات ديالنا ..
أمونة .. صافي غدا على النبوري تلقاوني قدام الباب ..
ليالي .. صافي مشات الحب بونوي ..
أمونة .. بونوي حبي ..
قطعات ليالي الاتصال مع امونة و رجعات جمعات الحوايج مع ندى بعدها نعسو وكل وحدة منهم كتفكر كيفاش غاتكون حياتهم من بعد ما يمشيييو للخليج .. كل وحدة كتحلم بالطنوبيل و الفيلاا و الخدااماات و المجوهرات ....
صبح صباح جديد بأحذات جدا .. فاقت أمونة مع صياح الديك .. غسلات وجها وجمعات فراشها و بيتها .. جمعات كاع حوايجها مكياجها و اي حاجة كتخصها .. و خرجات لبيت جداها دخلات لقاتها ناعسة ..باستها فراسها ..هزات بليزتها و خرجات جلسات قدام الباب كتسنى فصحاباتها كيف العادة ..ماهي إلا دقائق حتى جاو لابسين ..مأنتكين و جارين بالزهم ..
ندى ..(تحنات باست أمونة )حبي صباح النور ..
ليالي ..(حتى هي دارت نفس الحركة ) صباحوو ..
أمونة .. صباح التووت ..فطرتو و لالا ..
ليالي .. هههههاااااي بسلااامتك كلينا الكيك و القهوة و زيدي عليها النوتيلا و البتيبان. .شنو مزال اندى حطات لنا مرات خوك ..
ندى ..نسيتي البانكيك و الكريب و مسكينة ماسخااتش بينا قالت لنا والو جلسو معاها غير حنا لي مابغينااش 😒
ليالي ... هههههههههه العفوووو تي من نيتك كتسولينا 😂
أمونة .. وامالكم ابناات الحراام مزال تاكلو هاذشي تا تگهمووو ..
ندى .. احححح من فمك لسمااء😍
ليالي .. عرفتي انا نهار ندير لباس نشري سطوك ديال النوتيلا ..
ندى ..شري معمل كااع نتي .. غا زيدو قدامي ....
أمونة .. تي فين غانمشيو هالعاار ..
ندى .. غانمشيو لشي اوطيل نجلسو فيه هاذ الأيام على ما يوجد لينا أبو بكر الوراق ..
أمونة .. أنا يا ختي داك السيد مابينزلييش من زوور مامرتاحاااش ليه..
ليالي .. واش حنا قلنا لك تزوجي بيه .. حنا غانقضيو غا غرضنا .. داك الساع خالتي و خالتك و تفرقو الخالات
أمونة .. شتي نتوما شياطين و الله
ليالي .. قالها ملاك الرحمة ..
أمونة .. زيدو ها الطوبيس جينا معاه قد قد ..
ندى ... هااااهااااااا من نيتك ابب من اليوم قولي باي باي للطوبيس .. غانشدو طااااكسي
ليالي .. ههههه باينة ليا نتي غاتفرتكي دوك زوج درياال فالمغرب هههههه
أمونة..(شيرات لطاكسي) اول مرة نكبو فالطاكسي😂
ندى .. زيدي زيدي راكبة ليموزين
شدو للبنات طاكسي عطاوه العنوان ديال الاوطيل لي بغاو يجلسو فيه .. طبعا كان فندق عادي على قد الحال .. شدو غرفة وحدة ... دخلو حطو فيها حوايجهم و خرجو يفطرو فكافي ..
#يتبع