صديقات في الخليج 1 🍂مكتملة🍂

🍂الجزء 21🍂

👑صديقات في الخليج 👑
🎉بقلم : أمونة. .ندى .. ليالي ..🎉
الجزء 21 ..
لا نحلل النشر أبدااا أبداااا 🚫 🚫 🚫 🚫
....
لبسووو لبنات حواايج كاجواال عادي ...هزو تليفووناتهم وهبطو يتسااراو في اووطيل ...فلااوه بلاصة بلاصة ...حثة حثة ...قنت قنت ....كان من نوع العصري الانيق ...فيه بيسين قبالتو مرااسى ديال استلقاء للبرونزاج ..وكان كيطل على مدينة ....بجنب ديالو حانات للسهر ..ومراكز التجميل تابعين ليه ....بالاضافة الى مطاعم ...وقهاوي ...كان بووحدو عبارة عن مدينة مكونة من ملشي لي حب لخااطر ...ولي يخطر على لبال ....
ليالي ....(كتقرص في ندى )...شوفي يختي رجاال كيحمقوو ...شووفي لحية كيف مطرااسية ودووك الحوااجب ...
ندى ...(كتشوف واحد يجي لاخور ينسيها فيه )....انا بعدا تلفت ..وتكهمت ...ناري عويناتنا كانو محروومين من هاد المخلووقات ...دخلتك عليك بالله اامونة شووفي هاد بلعمان لي جااي ...وداك صدر عندو كيف لفرااكة اخخخ....
اموونة...(قصدات المطعم )...زيدو تغدااو ازريعة القنب ...جاني جووع ....
شفت ليالي في ندى ..وهنا لبكية شاداهم ...هاحنا جاايين ...
من بعد متغداو لبنات رجعو لبيت...كل وحدة دخلات خدات دووش بقااو فيه بسواايع ...تقوول فيهم جدااام ....من بعد خرجوو عزلوو ميلبسوو ....في ملي ينزلو لعشاا حيت عارفين القضية كتكون مزوهرة ......
ندى لبسات كسيوة قصيرة مسانترية عليها فايتة المؤخرة بشوية و باليدين مشبكة من الصدر مبينة النص منوو و من النص داليدين حتى هوما ..مع صنيديلة عالية فالأبيض..وكسيسوارات بسيطة .. خاتم رقيق فالسبابة و كورميطة ديالو مع حلقات ديالو اما المكياج سموكي من العينين بالأسود .. ايلاين و ضل بالأسود و الرمادي ..لسقات الرموش ماطواالش بزااف ولسقاات عدسات فالگري و دارت كونتور بين لها تقاسيم وجهها أكثر و عكر ماط فالبوردو....
أمونة خذات غوب صيري فلبيج واصلة فوق الركبة معرية نص من صدرها و الضهر كلو عريان و فلانتينو عالي فالباج حتى هو مع مونطو خفيف حاطااه على كتافها دايرة اكسيسوارات دالسهرات فالعنق كوليي لاسق على رقبتها.. شعرها صاوباتو بالبريصة وخلاتو على راحتو أما المكيااج دارتو بحال ديال ندى من العينين سموكي بالأسود و عكرات بالبوردو ماط ..
و ليالي لبسات صاية ديال الدان فوق الركبة بالبوردو و الفتحة ديالها واصلة حد اخر الفخض مع بودي مشبك فالبلونكاسي كيبين السوتيامات فالبيج و صندالة عالية حتى هي فالباج ..مدارتش اكسيسوارات فقط حلقات خفيفة ..أنا المكياج تقريبا بحال ديال البنات حيت دارو نفس المكياج باش بيانو كيتشابهو.. اختلفات عليهم ليالي فالعكر فقط .. دارت گلوص ماط فاالكرونة.....
#يتبع 🔥