هالعيون السّود عاشقه لك يامغتره

٩

~
~
الساعه ٥:٠٠ م >
وقفت عند مدخل القريه ونزلت : لو سمحت
ناظر فيها : تفضلي
شروق : بيت وحده أسمها جميله ممكن تدلني عليه ؟ كبيره بالسن
وصف لها وركبت سيارتها وشافت سيارة ملاذ وأبتسمت : موجوده
نزلت ودقت الباب وفتحت لها وحضنتها : ملاذي
ملاذ : عيوني انتوا ادخلوا
دخلت غلا سلمت عليها ورجعت شروق لسيارتها وقفت بمكانها ملاذ : شروق ؟ ايش الاغراض ذي
شروق : الي نحتاجها
ملاذ : اوكيه بس الخضار والشبسات ايش الاكياس هذي
شروق : مليانه مليانه
ملاذ : ادخلي ادخلي شروق
ناظرت شروق فيها : اشبهم يناظرونا ؟ مخلوقات فضائيه
ضحكت ملاذ : حياتي اكلوني انا بياكلونكم انتوا وهاتي شنطتي بخش اخذ شاور
فتحت باب سيارتها : خذي يلا على ذوقي
أبتسمت ملاذ ولفت لغلا : ساعدي شروق ، باخذ شاور قامت غلا ولفت ملاذ لجميله : خالتي صراحه شروق ماقصرت وأخذت كل شي قدامها
ابتسمت جميله : ماتقصر ماتقصر
ملاذ : بدخل اخذ شاور
مشت للحمام ودخلت أول ماحست انها لحالها بكت بدون صوت ، بكت لانها تخفي حزنها وزعلها بكت لأنها ماتقدر تبكي وتبوح ولا تقدر ، تحتاج الهدوء مثل ما أخذت شاور يهدي روحها يهدي مشاعرها حتى تبكي بالخفى طلعت على ضحك البنات وأبتسمت : تاقلمتوا ؟
غلا : الله يسعدها غيرت جوي من النكد
ابتسمت ملاذ ورفعت حاجبها شروق : اي حياتي وان شاءالله خطيب ملاذ سيف يكون بخير
سكتت ملاذ وأبتسمت غلا ولفت جميله عليها وجلست ترفع المنشفه على شعرها : طيب ايش جبتوا ؟
شروق : جبت لك قهوه شوفيها والاكياس بالمطبخ مليانه تشوكلت وايسكريم كل شي ودك فيه
أبتسمت جميله تشوف ملاذ تقوم للمطبخ ولفت لها شروق : خالتي جميله
جميله : لبيه
أبتسمت شروق : ماعندك عيال ؟
جميله : عندي ، بس كلً هج لديرته مع مرته
شروق : مالهم داعي صراحه لو انا صدقيني ماخليك ومع العلم مابخليك كل اجازه لي بجيك
ناظرتها غلا : صح شروق كيف أخذتي اجازه ؟
شروق : الدكتور امين يناوب عني وبشاير موجودين يعني ومستعجله يعني كلها ٥ ايام وارجع
جميله : ماشاءالله دكتوره ؟
شروق هزت رأسها : دكتوره ، بس مين يعالج شروق ؟ اهخ بس
ضحكت غلا : وملاذ محاميه ونا محاسبه قانونيه
جميله : ماشاءالله تبارك الرحمن وخطيب ملاذ ؟
غلا : أخوي مصمم
أبتسمت جميله وطلعت ملاذ من المطبخ : وربي اخذتو كل شي كم خسرتي ؟
شروق : تفداكم وتفدا خطيبة سيف
جلست ملاذ تاكل ايسكريم تناظرها : جبتي لي عبايه ؟
شروق : جبت البيج والبني والسماويه والاسود
ملاذ : كويس جبتي اسود
شروق : ماجبت لي صراحه
ضحكت غلا : بياكلونا صح ؟
جميله ضحكت بدون رد وقامت ملاذ : بطلع انا امشي شوي
جميله : وين ؟
ملاذ : ماعرف ماعرف خالتي بس بمشي
طلعت ملاذ وقامت شروق : خذينا
ملاذ : ابي لحالي تكفين
هزت رأسها وابتسمت : طيب اوكيه نشفي شعرك طيب
ملاذ : تمام
دخلت الغرفه واخذتها وأشرت لهم وطلعت تمشي مشت وماتدري ليه مسكت رغبتها تمشي بس مشت وقفت رجولها عند بيت ابو لمى ودقت الباب وفتحت لها : ابوك رجع ؟
لمى : لا
ملاذ : ممكن لو جا تقولين لي
لمى : مين انتي وش اسمك
ملاذ : اسمي ملاذ
هزت رإسها وابتعدت ملاذ عن البيت قربت من بيت جميله وأستوقفها صوت ولفت تناظر الطفل : هلا ؟
ناظرها ياشر لها وعقدت حاجبينها ومشت بتوتر تخفيه وقفت عند البيت وفتحت لها البنت : ادخلي
ملاذ : وش السالفه ؟
طلع شايب من البيت وعقدت حاجبينها : ابوك ؟ جمد وجهها تشوف شخص منسدح مشى لها وكله جروح مشى وهيه مصدومه سيف ؟ ايام وليالي وهوه بالبيت هذا لايام وليالي تبكي خوفاً عليه مسكت قلبها وطلعوا وتقدم لها سيف : ملاذ
ماردت وهيه تناظره ماردت وهيه تشوف في شي يجذبهاا للقريه هذي في شي خلاها تترك الخبر ناظرت فيه بعيون مليانه دموع وسكتت ترجف : سيف انا سيف اسف
تقدمت له لأول مره واخطت خطوه تقدمت له وحضنته من فرحتها شدها سيف له وغمض عيونه وكأنه تشافى دواه وطبه ملاذ , ابتعدت عنه وعضت شفتها تدرك الخطأ الي سوته الخطأ الي لأول مره تسويه ملاذ : كيف ؟ انت كنت هنا ؟ انت هنا وعايش ولا اتصلت وطمنتنا انت هنا وتركتنا مشغولين عليك وخايفين ومالقينا الا سيارتك مقلوبه وجوالك ضايع ؟ ولا ارسلت لنا وطمنتنا عمي فهد ماغفت له عين وخالتي ماقدرت تنام من بكاها غلا الي تبكي من يوم تتصل ولا ترد عليها جت معي هنا عشان ندور لك عشان في امل انك عايش وانت ؟ بالبيت هذا ولا حتى من قالوا لك جت بنت تسال مافكرت ولا جا ببالك تتصل ؟
ناظرها سيف وصدت عنه تمسك راسها تقدم لها ونطق سيف : بقولك اسبابي
ملاذ : اسبابك ؟ ريحني بالله ناظرت فيه بنظرات عتب وتجاهلته تمسك وجهه والجروح الي فيه : بنادي شروق
مسك يدها سيف : لا ، ماودي احد يدري
سحبت يدها منه ومشت متجاهلته حركت لبيت جميله وأبتسمت : عايش ملاذ عايش عايش وماتتركك عضت شفتها ودقت الباب ودخلت وضحكت : بنات لقيت سيف لقيت سيف
قامت غلا وجمدت شروق مكانها وفزت : امااانه
ملاذ : وربي بنات والله لقيته
بكت غلا : وينه وينه ؟ وينه ملاذ
قامت جميله : الحمدلله الحمدلله
غلا : وينه ؟
ملاذ لفت لجميله : ببيت ابو لمى
جميله : هاو وراه ماتكلم
ملاذ : ماعرف
شروق : طيب يلا
طلعوا كلهم ومشت ملاذ مع جميله ووقفوا عند بيت ابو لمى دقت الباب ودخلوا ووقف سيف وركضت له غلا وحضنته وبكت : حيوان حيوان
سيف غمض عيونه بألم وناظرتها شروق : وخري شوي ممكن متتضرر
ناظر بملاذ الي تناظره بعتب وغمض عيونه وأبتسم سيف يتذكر حضنها وخوفها وعتابها جلست وتقدمت له شروق : علمني ايش يوجعك ؟
وقف ابو لمى وناظرته جميله : انتظر انتظر ياعايض البنت دكتوره
هز رأسه وناظرت ملاذ بلمى الي واقفه ولابسه نقاب وعضت شفتها بقهر ورجعت تناظر سيف من بعيد ناظرتها جميله : تقدمي لخطيبك ملاذ
ملاذ ناظرتها وسكتت بصدمه وضحكت غلا وناظرها سيف وعرف انها كذبت عليهم انها خطيبته : تعالي
هزت رأسها بالنفي وناظرته شروق : سيف اموتك لو تتحرك
ضحك بالم وعضت شفتها ملاذ : ليش كذبت علينا ؟ ليش فهمني سيف
شروق : ممكن تسكتون ؟
هزت رأسها ملاذ وأبتسمت بأمتنان ومسكت يدها جميله وشدت عليها بفرحه ناظرته شروق : طيب هنا تحس بالم ؟
هز رأسه وسكتت شروق : لازم مستشفى سيف وليش رافض الفكره ذي والشرطه بكل مكان
غلا : حتى العميد وعزام الكل سيف
ضحك سيف : لهدرجه انا غالي ؟
ناظرته ملاذ ورفعت حاجبها وصدت عنه تشوف لمى تناظر فيها وصدت بعيونها عنه وضربته غلا : حيوان انت اغلى من هالعيون
سيف : اغلى من خالد ؟
ضحكت بفرحه : عينين براس
ابتسم يناظر فيها ولف لشروق : قول ! ليش متخبي هنا ؟
سيف : طيب انا الحين فيني شي ؟
شروق : جسمك كله كويس ومافي كسور بس الجروح الي براسك تحتاج تعقيم وتنظيف بندق على عزام وعمي وابوي وخالتي والكل نطمنهم انك عايش وتنحل الامور
ولفت شروق لابو لمى : شكراً منجد عمي لانك ساعدته
هز رأسه وجلست ملاذ : ايوه سيد سيف ؟ تكلم بسرعه
ناظرها سيف وجلس بأعتدال : رحت البحر اخلص لي كم شغله ومشيت لمن كنت بنص الطريق دورت جوالي بدق على عزام يلحقني على مكاننا ولا لقيته رفعت عيوني وشفت سياره جايه ولف علي وناظرت بوجهه ولفيت عنه وأنصدمت انه متلثم وقاصد موتي قاصد اني اسوي حادث
ناظرته ملاذ بصدمه : تستهبل ؟
ناظرها سيف : والله انقلبت سيارتي وبعدها ما اذكر شي
ابو لمى : ونا راجع بطريقي للقريه شفت السياره ونزلت ولقيته طايح بالارض جنب السياره تاكدت انه عايش والمسافه بعيده أخذته وجيت هنا وعالجته
عضت شفتها غلا : ليش ما اتصلت طيب ؟ انت عارف عشانك انت قومنا مراكز الشرطه ؟ عشانك انت كلنا ماغفت لنا عين ؟ عزام شروق انا ملاذ امي ابوي الكل الكل سيف حتى عمي سعود وهوه متقاعد اتصل على العميد واتصل على الفريق ماتركناك واحنا ندور لك ؟ أشرت على ملاذ وعضت شفتها تناظرها : تدري انها من اول مختفيه تدور عليك عارف انو ماغفت لها عين ؟ تركت قضايا وتركت وراها شغلها عشانك انت ووقفته عشانك انت وتركت الخبر وتدور عليك وناظرت شروق وأشرت عليها ورجعت تناظر سيف بعتاب : تركت وظيفتها تركت شخص فايق من الغيبوبه هيه تراجع حالته تركت ناس يحتاجون شروق يحتاجون الدكتوره شروق وعزام ؟ ترك كل وظايفه وكل الملفات الي ماسكها عشانك سيف وانت ؟ فهمني عطني سبب واحد يخليك ماتتصل علينا وتطمنا
سيف : ابي اعرف مين هذا الشخص عشان كذا ماتصلت
غلا : ايش يعني سيف احنا بنقول للشخص هذا تعال اقتل سيف ؟
هز رأسه بالنفي : افهميني تكفين
ملاذ : مين هذا الشخص اصلاً ؟ وليش قاصد يلف عليك ومتلثم ؟ وليش لمن جيت ماتكلمت ؟
سيف : لانه جا شخص يسال
ملاذ : شخص ؟
سيف : شخص ، ولا اعرف من هذا
عضت شفتها تناظر فيه : وتوقعت انهم ارسلوا بنت ؟
سيف : قلت يمكن ، لان الشخص هذا مايخاف الله وقاصد موتي
ملاذ : متلثم وقاصد يلف عليك ؟ لو اشوفه بذبحه
هز رأسه واكتافه بعدم المعرفه وتنهدت : اعصر مخك بليز سيف وقامت : بتصل عليهم واطلب يجون للقريه بدون اوضح انك موجود اوكيه ؟
هز رأسه وناداها سيف : أمي أمي ملاذ تكفين ابيها
هزت رأسها ورجعت تحضنه غلا : آهخ سيف ، لو صار لك شي ماكنت بعرف اعيش
أبتسم يمسح على ظهرها ولف بعيونه يناظر مكان ملاذ مكانها وهيه تكلم وتقفل وترجع تتصل عقد حاجبينه يشوفها تتهاوش وعض شفته يحاول يسمعها : عزام ؟ تعال وانت ساكت ضروري مره
عزام : ياخي وش تبغين
ملاذ : في شي حلو هنا ينتظرنا بس ماقدر اقولك بليز تعال
عزام : طيب احد بيجي ؟
ملاذ : كلهم جاينن
قفل عزام منها وأبتسم بفرحه بأحساس انه سيف ، رجعت لهم وضحكت بفرحه : بيجي موكب
ضحكت جميله : هذولا وانتوا سيارتين و٣ بنات مستغربين هالسيارات وشلون لو اكثر
غلا : سيارة ابوي وامي وسيارة عمي وعمتي وسيارة عزام وممكن النشبه راشد معاه
ملاذ : صراحه يعني ماودي اتكلم بس يغث
سيف : وش مسوي ؟
ملاذ : طلعت من مكان حادث سيارتك ووقفني بنص الطريق يقول الرائد عزام م اعطانا اوامر ؟ حياتي ترا حادث مو مسرح جريمه
شروق ضحكت بتسليك : حياتي اسمعي مصيبتي
ملاذ : آهخ وش صاير ؟
شروق ناظرت سيف : صديقك عزام لو اشوفه ذبحته
سيف : افا ، ليش ؟
شروق : اتصل علي ولا رديت بعدين رجعت اتصل من شفت اتصاله ويرفع صوته علي ويقول لي خير ؟ المصيبه هوه المتصل
ضحكت ملاذ : مصيبتي اهون
ضحك الكل وسكتت شروق لثواني تشوف نظرات ابو لمى ولمى الي جالسه تقهويه عضت شفتها ملاذ وناظرت سيف : طيب سيف ناخذك لبيت خالتي ؟
سيف : من هيه ؟
أشرت عليها ملاذ وأبتسم سيف وهز رأسه : لا ، خلوني هنا
صدت عنه ملاذ وناظرتها جميله : خليك مع خطيبك انتي والبنات يرجعون معي
ناظرتها بصدمه : ايش ؟ لا خالتي ماله لزوم اخته هنا
غلا بتوتر : اي خالتي انا موجوده
جميله : اتركوا خطيبته هنا
عضت شفتها تناظر فيه وأبتسم يناظرها بأنتصار وصدت عنه مقهوره : بتجي خالتي باقي
سيف : يجون ، وعَمي وامي منال
غلا : اوكيه نجلس عندك لين يجون مانقدر نخليك
ناظرتها شروق ولفت تناظر الشايب : عادي نجلس ؟
هز رأسه وابتسم : البيت بيتكم
ملاذ : اوكيه شكراً
دخلوا المجلس ينتظرون وصولهم وانسدح سيف بتعب
غيرت وجهتها ملاذ ومشت للمى : عادي اسوي قهوه ؟
ناظرتها لمى : بسويها أنا
ملاذ : ماودي اتعبك انا بسويها
لمى : لا ، أنتي ضيفه ارتاحي
أبتسمت لها : شكراً ومعليش على الأزعاج
هزت راسها وخرجت ملاذ تمشي لهم
~
عزام : اذا وصلت ولقيته بتصل عليكم تلغون البحث
راشد : الاسباب طال عمرك ؟
عزام : لاتعطون احد سبب انا قريب منها
راشد : طال عمرك أنتبه
عزام : والله راشد اني مادري ليش مسرع ، متلهف له اشتقت له الكلب متاكد متاكد
راشد : باذن الله طال عمرك
قفل عزام وأبتسم يشوفهم ونزل عند مدخل القريه : عَمي
فهد : وش تسوي هنا ؟ نادوك مثلنا ؟
عزام : والله حاس حاس ان سيف موجود فيها
فهد : باذن الله باذن الله
نزل سعود يتصل على ملاذ : عيوني
سعود : وينكم ؟
ملاذ : أسال ابوي عن بيت ابو لمى وبيدلونك
قفل سعود ومشى ووقف عند اول شخص ووصف لك ولف لهم : الحقوني
ركب سيارته ودخلوا ولا لمحوا سيارة ملاذ وشروق وعقد حاجبينه وقفت ملاذ عند الباب وسمعت صوت السيارات وضحكت تلف لهم : وصلوا
فتحت الباب وحضنت ابوها ودخلوا ناظرها عزام يركض : وين وينه ؟ وين سيف؟؟
اشرت له ومشى عزام وناظره منسدح والجروح تملي وجهه تقدم له وضحك بعلو صوته : اقسم يالله اني داري داري ماتخليني داري ماتتركني ياخوي دارري
ضحك سيف يضرب على ظهره بفرحه وناظر عمه واقف وأبتسم ابتعد عزام عن حضنه وتقدمت له نوره وبكت تحضنه : وينك يامي وينك ؟ خوفتنا خوفتنا
سيف : طيب طيب لاتشيلي هم
سعود : أبرك الساعات شوفتك ياسيف حمدلله على سلامتك
عضت شفتها ملاذ تشوفهم وناظرت بسيف الي يناظر فيها ونظراتها عتب قامت نوره وقف سيف وحضن فهد وابتعد عنه وتقدم لسعود وأبتسموا براحه ولف فهد لابو لمى : شكراً لك والله مانوفيك حقك
ابو لمى : ماسويت شي والحمدلله على سلامته والله يحفظه لكم
أبتسم سيف بأمتنان له وجلسوا كلهم وتقدم عزام له : ليه سيف ؟ أيام ندور عليك
غلا : أسمعوا السالفه كويس
جلس سيف يحكي لهم التفاصيل من قفل من عزام لين البحر ومشى بطريقه لمكانهم وختمها : والله اني مادري مين هذا ماسويت لاحد شي لدرجه انهم يذبحوني حالي حال نفسي مين هالشخص الي رسم عداوه بيننا وماعرفه
شد على قبضة يده عزام : واختار الطريق الصح !
فهد : مافيه كاميرات ولا شي تسجل ؟
عزام : هالطريق مافيه ولا نقطه حتى
سعود : لاحول ولا قوة الا بالله
سيف : عشان كذا ياعمي بجلس هنا لأيام ونشوف
فهد : بتتخبى ؟
سيف : ماني متخبي ياعمي بس ودي اعرف مين هالشخص وناظر بملاذ : وأعذريني ملاذ
رفعت حاجبنها وناظرت فيه : على مكتبي ؟
هز رأسه وتأففت : منجدك تفكر بمكتبي ؟ خلاص العمال بيسون اللازم
سيف : برسم من هنا وانتي تعالي خذيها
هزت رأسها وناظرت ابوها : اوكيه ؟
ضحك سعود يهز رأسه وابتسمت ملاذ : شرايكم تقومون معاي ؟ ازعجنا الرجال وبنته بما فيه الكفايه
سعود : مافيه هنا فنادق ؟
شروق : ياحسرتي ابوي للاسف لا
سعود : ماودنا نزعجك يابو لمى بس في بيت فاضي ؟
سيف : مالها داعي تطمنتوا علي خلاص ارجعوا
مشت ملاذ والبنات بأتجاه بيت جميله ووقفها صوت حرمه : جايين تخطبون ؟
ملاذ : بسم الله ، نخطب خالتي جميله ؟
ضحكت شروق : ثقيلة دم
رفعت حاجبها وناظرتها : تخطبون لمى بنت عايض
هزت اكتفاها بعدم المعرفه ومشت ووقفها صوت منال : وشفيك يامي مارديتي عليها ؟
ملاذ : امي ملقوفه وقفتني من قبل تسال والحين بعد
منال : الله يهديك عامليها على قد عقلها
حاوطتها بذراعها ملاذ تبوسه وأبتسمت منال ودقت الباب وفتحت جميله : ياهلا بأم ملاذ وعمة ملاذ
شروق : ليش خالتي ؟ خليها عمة شروق على الاقل
غلا : ولا أم غلا
ضحكت ملاذ : لاحول الله
جميله أبتسمت تدخلهم ودخلوا وقامت ملاذ وضحكت منال : بنتي تهلي وترحب فينا
جميله : اسم الله على بناتكم ذهب ذهب
شروق : شفتي أمي ؟
منال : أدري ان مافي مثلكم يابنتي ادري
ضحكت شروق : أعشقها
جلست ملاذ ولفت لها شروق : امي متى ترجعون ؟
منال : والله مادري
نوره : ماودي أترك سيف وأمشي
منال : أعمامه موجودين يانوره
ملاذ : لا أمي اصلاً ماخذين اجازه كلنا انا وشروق وغلا معنا نجلس عنده عادي ونقنعه يجي
منال : وش له تقعدون يابنتي
شروق : أمي تكفين تعبت من الخبر
ناظرتها ملاذ : تعبتي ؟ وسفرات البحرين والكويت
ضحكت شروق : صحباتي غير أنتوا
هزت رأسها ملاذ وناظرتها وابتسمت منال : طيب خلاص
قامت ملاذ تحضنها : ماترد لنا طلب
ضحكت غلا تناظرهم وقامت ملاذ للمطبخ ورجعت : سنيكرز أمي
اخذتها منال وابتسمت جميله تناظرهم ولفت شروق لجميله : خالتي سفراتي للبحرين مستحيل تجي مثل هذي
ملاذ : صدفه
شروق : مره كل شي يهبل
ضحكت ملاذ تناظرها ومسكت راسها ملاذ بتفكير : الحين صدق وين ننام ؟
شروق : احنا معروف بس ابوي وعمي ؟
جميله : ببيت ابو لمى مابيقصر
ملاذ : غريبه خالتي عادي ؟ لان من نظراته لنا صراحه واضح مو مرتاح لنا
شروق : وانا لاحظت كمان
غلا : بيتفاهمون
ملاذ : ان شاءالله
بعد وقت من السوالف دخلت ملاذ الغرفه وانسدحت بتعب ناظرتها شروق : ملاذ
لفت لها ملاذ : هلا
شروق : ليش قلتي انك خطيبة سيف ؟
ملاذ : ماعرف
شروق : انتي عارفه ايش لو سمعو امي وابوي ؟
ملاذ : عشان كذا وذي يحركون قبل يسمعون ، عادي الموضوع بقول اضطريت بس !
شروق : مو عادي
تنهدت ملاذ تناظرها بدون رد وقامت تناظرها : سويت شي
شروق : ناغزني قلبي اصلاً
ضحكت بتوتر : لا ، بس حضنت سيف اول ماشفته
شهقت بصدمه : امانه
ملاذ : عارفه غلط والله غلط بس ماعرف ردة فعل
شروق : تستهبلين ملاذ ؟
ملاذ : لا
شروق : ليش تحضنينه ؟ مو خطيبك ترا ولا زوجك
ملاذ : عارفه عارفه شروق بس افهميني
ناظرتها شروق بدون رد وكملت ملاذ : ماعرف ايش حسيت بس كنت احتاج احتاج أحضنه بللت شفايفها تناظر شروق : خطأ وعارفه اني أخطئت لأول مره
تنهدت شروق تناظرها : تحبينه وتعشقينه بس مو حلالك تحضنينه
ملاذ : عارفه
شروق : عارفه خطأك ، وانتي اكبر مني واعلم
ملاذ : فيني خوف ، خوف أني اخسره من جديد خوف يروح مني بلحظه مثل ما أختفى بلحظه
شروق : مره شاغل بالي موضوعه
ملاذ : مين ؟ مين الي بيأذيه مين مين
شروق : غلط المفروض يطلع
ملاذ : يطلع ؟ شروق اذا مانجح بيرجع يسوي له حادث مره ثانيه بيرجع يأذيه واضح لي ما يأذي احد كيف الشخص هذا من وين طلع ؟
شروق : ممكن من عمي ؟
ملاذ : شروق تكفين ماتوا وهوه صغير مين بياخذ أنتقامه من ولد صغير مايعرف حتى اهله
شروق : صح ، بس مانعرف ممكن ناسي موضوع قديم
تنهدت ملاذ وغمضت عيونها تحاول تنام لفت لشروق الي تستعد للنوم وغلا الي دخلت تنام قامت بتعب تشوف أمها ونوره نايمين وجلست بالصاله تناظر الفراغ أتسع ثغرها بابتسامه تسمع أصوات الرعد واخذت حجابها وعبايتها وطلعت ، فتحت الباب وأبتسمت وقفت قدام الباب تشوف سيارتها وتذكرت جروح سيف تقدمت لها وعضت شفتها بقهر أنها تناست جروحه تماماً اخذت الكيس ومشت للبيت ابو لمى وفتح الباب عزام وناظرته ملاذ : مانمت ؟
عزام : تدقين الباب اكيد بصحى
ملاذ : مافيني صبر ، وين سيف ؟
عزام : اعوذبالله ووقتك الغلط وش تبغين
ماردت ملاذ على سؤاله : وينه نايم ؟
عزام : والله مادري عنكم انتوا دخل عزام ومشت بخطوات هاديه شافت ابوها وفهد نايمين ولفت بعيونها تناظر سيف وهمست : سيف
لف بعيونه لها وعقد حاجبينه وقام : ملاذ ؟
رفعت الكيس بهدوء : مرهم
مشى لها وابتعدت شوي عن المجلس : ماقدرت اصبر صراحه خذ الحين وحط لك منه على جروحك
سيف : شروق بخليها تحط لي بكره
ملاذ : الي يريحك سويت الي علي
سيف : بتروحين ؟
ناظرته ملاذ : اجل ؟
سكتت سيف يناظرها ونطقت ملاذ : غلط اني اجلس هنا
سيف : خطيبتي انتي
ناظرته وضحكت : صدقت مثلهم ؟
سيف : صدقت ، لاني يمكن ودي يجي هاليوم؟
سكتت بصدمه تناظر فيه وصدت تشتت نظرها ونطق سيف : قلتيها كذا بس ؟
ملاذ : عشان مايفهمون غلط ، بنت لحالها للقريه وتدور
سيف سكتت وابتعدت ملاذ : لاتنسى المرهم باي
ضحك سيف من يشوفها ابتعدت ومسكت ملاذ قلبها : يحبني ؟ آهخ
وقفت وهيه تستمتع بأصوات الرعد ودخلت من حست بأنها بتمطر جلست بالصاله تتذكر كلامه وعضت شفتها من لاحظت انها لحاله قامت : وش هالحركات ملاذ ؟ صحصحي خير ، دخلت الغرفه تشوف غلا وشروق نايمين وانسدحت تغمض عيونها وفزت بخوف تسمع صوت الرعد القوي ناظرت بغلا : مت؟
ضحكت تهز راسها : ارجعي ارجعي
رجعت تنام وضحكت ملاذ ترجع تمسك قلبها وتسمي سمعت صوت رسالة جوالها وفتحت على رسالة سيف : نمتي ؟
شافها قرتها بدون رد ورجع يكتب : جبت لك قهوه
ناظرت ملاذ بصدمه بالرساله : شلون بالقريه وجايب لها قهوه ؟ قرت رسالته الاخيره وقامت تشوفها عند الباب بللت شفايفها تاخذها وابتسمت تشوف الكرت : ماهنتي عندي جايه كل هالمسافه عشاني ولا شربتي قهوه "
ضحكت ترجع تقرااه واخذت القهوه تشربهاا ودخلت وفتحت جوالها : شلون ؟
سيف : بالعافيه ، وخلي شلون الحين واشربيها
ملاذ : شكراً على القهوه
سيف : بلعافيه
ردت عليه وقفلت جوالها تشرب منها وتنهدت براحه ، ايام وايام بدون قهوه تعودت كل صباح وعصر قهوتها بيدها تركت الخبر مدينتها ، عشانه عشان سيف دخلت القريه بأمل انه فيها وسيف بكامل صحته قدامها وكل الي تمنته تحقق ، ابتسمت تحط الكرت بشنطتها وفتحت جوالها من تذكرت القضيه الي ماسكتها ارسلت لعزام وقفلت جوالها خلصت قهوتها وغمضت عيونها تحاول تنام
~
من دخل البيت مشى باتجاه غرفته ودخل اخذ جواله من اتصال ورد : هلا محمد
محمد : ماجيت العياده اليوم ولا امس ؟
سالم : تعبان
سمع كلام محمد وقفل منه ولف من انفتح الباب ودخلت اشواق : مو رايق لك وش تبغين
اشواق : فاضي بكره ؟
سالم : لا
اشواق : امانه سالم ضروري
سالم : وش بغيتي
اشواق : بتطوع مع صحباتي
سالم : لا ، اطلعي برا
جلست اشواق : تكفى سالم توديني
سالم : ماني فاضي انا
اشواق : ابوي ماوافق لي الا انت توديني
سالم : تصرفي انا قلت لا
ناظرت فيه بقهر وطلعت من غرفتها دخلت عند اريج وجلست تهز رجلها بتوتر لفت لها تشوفها تضحك وناظرت فيها اشواق وتقدمت لها اريج : تخيلي ملاذ والبنات وين ؟
اشواق : بجهنم ، مايهمني
ناظرتها اريج ولفت عنها تصد وتقدمت اشواق : وين ؟
اريج : مو مايهمك ؟
اشواق : قولي !
اريج : ماعرف شفت سنابات لغلا وكانهم بقريه
ضحكت اشواق : بقريه ؟ هذا وهم اغنياء
اريج : ماشاءالله صراحه ما الومهم راحوا كل مكان
اشواق : القريه تعرفين اسمها ؟
اريج : لا ، وحتى غلا مصوره عشوائي يعني مو واضح مكانهم بس مثل القريه
هزت رأسها اشواق وفتحت جوالها تفكر
~
صباح يوم جديد >
فتحت عيونها على ازعاج وقامت تشوف غلا واقفه : خير انتي من صبح الله واقفه على راسي
غلا رفعت كوب القهوه : ايش هذا ؟
ضحكت شروق : وربي نفس لين وتركي اذا اكلنا شي بدون علمهم
ضحكت ملاذ : قهوه ذي
غلا : صدق والله ؟
ملاذ قامت : يوه غلا خليني اصحصح وهاوشي
غلا : لا يعني السؤال كيف جبتيها بهالقريه ؟
ملاذ ناظرت فيها : ماعرف اسألي سيف يجاوبك مشت وطلعت وناظرت غلا بشروق بصدمه وطلعوا وراها ، مشت ملاذ وهيه تحضن امها من ورا دخلت الحمام وطلعت وهيه تجلس : ايش الفطور هذا
أبتسمت جميله : بالعافيه
منال : يعطيك العافيه ماقصرتي
نوره : ابدوا وسموا وين غلا وشروق ؟
لفت ملاذ تاشر لها انهم وراها : طبعاً لازم دعوه
غلا : يلا
رفعت ملاذ عيونها لغلا : خلوها لو تحس بالجوع جلست
ضحكت شروق تجلس وناظرت غلا بملاذ : صح
لفت ملاذ لامها : راجعين ؟
منال : والله مادري عن ابوك للحين ماشفته
شروق : ياعزتي للمى صراحه
جميله : بلعكس ست بيت وشايله البيت وشايله ابوها ماتقصر
شروق : ماقلت شي خالتي بلعكس بس قصدي تتعب
ضحكت ملاذ على ملامحها ولفت لها نوره : اسم الله الروقان اليوم
منال : الله لايغير علينا
ملاذ : اللهم امين امين
غلا : نكلم ابوي الحين أمي ؟
لفت لها نوره : نكلمه
شروق : حياتي اقناع سيف عند حفيدات بندر
ملاذ : ونعم ونعم
ضحكت جميله عليهم وقامت ملاذ : شروق روحي شوفي جروح سيف ولفت لامها : واحنا نروح نكلمهم ترجعون ؟
نوره : والله خاطري اجلس عنده واهتم فيه
غلا : قلبي قلبي انا الي تخاف بس لاتشيلي هم دكتورتنا موجوده ومحاميتنا موجوده ورائدنا موجود
ضحكت شروق : مناصب مناصب
ملاذ : مارح يصير له شي خالتي وغلا موجوده
توترت شروق تلف لجميله خوفاً من انها تتكلم عن خطبة ملاذ وسيف وتقدمت : خلاص يلا
ملاذ : يلا روحوا وبنسبقكم
منال لفت لجميله : مابنضايقهم ؟
جميله : لا يأم ملاذ
ضحكت ملاذ : شفتي أمي ؟ أم ملاذ انتي امي انتي
ابتسمت منال وناظرتهم شروق : يوه مابتحملكم بس صراحه اعشقكم مشت تدخل الغرفه واخذت ملابسها تبدل ومشت ملاذ تنتظرها بدلت ملابسها واخذت عبايتها وضحكت شروق : يلا يابلو غرقيهم
ملاذ : اعشق هاللون كويس جبتيه
غلا : مره السماوي
ملاذ : يلا نمشي
شروق : خذي نظارتك لاتصدعين من الشمس
ملاذ : تعودت تعودت الله وكيلك
شروق : يلا
طلعوا كلهم من وصلوا دقت الباب ملاذ ودخلت وابتسمت : ياصباح الخير
ناظرهم فهد وجلسوا ولفت بعيونها : وين ابو ملاذ ؟
ضحك سعود وقامت تتقدم تحضنه : وحشتني
ابتسم سعود وابتعدت عنه : ترجعون اليوم ؟
فهد : وراه مستعجلين على الرجعه ؟
غلا : ابوي ارجعوا انتوا واحنا نقعد مع سيف يومين ووراكم
فهد : ماني تاركهم بديره مانعرف فيها احد ؟
ملاذ : يوه عمي على اساس لمن نسافر البحرين والكيوت نعرف ناس هناك ؟
فهد : فيه فرق
سعود : اتركهم يافهد
أبتسمت بأمتنان تناظر فيه ملاذ والتفت لعمها : سيف وعزام معانا لاتشيل هم
عزام : قررتوا اجلس ؟ الحمدلله
ضحك سيف وناظرهم : لا روحوا كلكم وعزام يجلس عندي
شروق : ما اقدر انا عندي اجازه خذيتها وصراحه مابي الخبر
ملاذ : غريبه
عزام : الا ارجعوا ازين انا معه
شروق : انا قلت لا !
ناظر فيه سيف وهمس : تكرهك
توسعت عيونه بصدمه : وش سويت ؟
سيف : راجع حساباتك اخوي
عزام : ياخي ماذكر وش سويت صدق علمني
سيف : أتصال ؟
تذكر عزام : اسالك بالله ؟
سيف : وهيه صادقه تتصل عليها وترجع تدق عليك وترفع صوتك ؟ ما الومها
عزام : والله المفروض تعذرني
سيف : الله الله وليه ؟
عزام : لاني كنت ادور عليك وخايف عليك وادق عليك فجاءه جوالك ضايع فجاءه سيف اختفى
سيف : حتى ولو هيه ماتدري
عزام : اسحب عليها يرجال مالي خلق
ناظره سيف من طرف عين : احسن
ضحك عزام يناظر فيه : ادري انها بنت عمتك معليش حقك علي ونا اخوك دق له تحيه وضحك سيف وناظر بشروق الي تناظر فيه وعض شفته ومشى يصد عنها وطلع من البيت
~

~