هالعيون السّود عاشقه لك يامغتره

١٢

~
~
مرت الأيام عليهم بالسلام ، يوم الخميس بالشاليه >
نزلت من الدرج ترفع شعرها ، فستانها الأورنج القصير لحد الساق مفتوح الظهر والأكتاف جلست وهيه تاكل بطيخ : خميس وجمعه وسبت كلها بالبحر ؟
شروق : مره مستانسه بنات
أبتسمت ملاذ تمشي مع سيف واخذته بيدها ونزلته على طرف الشاطئ ضحكت وهيه تمشي معاه بخطواات هادئه للموج وحرارة الشمس جمال البحر ، مشت معاه بأتجاه البحر وصرخت سجى : تكفين ملاذ
ضحكت ملاذ : يوه سجى ! مابقتله بيدي
مشت سجى وجلست على الرمل وضحكت ملاذ : مو لهدرجه ؟
لفت لأمها : انتبهي عليكم
اشرت على خشمها ومشت معاه تبلّل طرف فستانها وتبلل سيف وضحكت وهيه تشيله : عشقي
سجى : ملاذ ملاذ تكفين
ناظرتها ملاذ : سجى أعرف اسبح !
سجى : مارتحت
جلست شروق جنبها : خليه
سيف : ايوه ماما خليني
ضحكت ملاذ تبوسه : الي بعده يلا
تمسك تركي بفستان سجى وضحكت شروق : يالرخمه
مشت ملاذ وبيدها سيف رفعت رأسها تستمع بصوت البحر وأصوات وحسّ وضحك عائلتها ، تبلل فستانها وتبلل سيف لفت لسجى : تبدلين له ؟
ملاذ : اوكيه وين ملابسه ؟
سجى : بسيارة فيصل باقي
ملاذ : في احد ولا راحوا ؟
شروق : لا لا مافي احد
هزت رأسها واخذت عبايتها وحجابها ومشت بخطوات سريعه تفتح السياره وتاخذ منها الشنطه الصغيره قفلتها ومشت جَمد وجهها تشوف الظل الي وراها الي واقف التفتت بسرعه ولانت ملامحها تشوف سيف واقف ، فستانها الأورنج القصير الواضح من عبايتها المفتوحه  سمارها وللون بشرتها الي تغير من حطت التان وشعرها الواضح صد عنها ومشت ملاذ ومسكت قلبها بخوف : ياربي
أبتسمت تتذكر شكله نظارته شورته وقميصه المفتوح من فوق عضت شفتها تمشي وفصخت عبايتها : سيف
ناظرها سيف وغمزت له : نسبح ؟
هز رأسه سيف واخذته ملاذ بيدها ودخلت بالموج ، مشت بخطوااتها للبحر وبيدها سيف وضحكت من تشوف ملامح الصدمه بوجيههم : بأمانتي
صرخت سجى برعب : تكفين ملاذ
ضحكت شروق : اص ، والله تسبح سجى
دخلت وبيدها سيف ، ضحكه وأستمتاعه بصغر سنه بعُمر الـ ٥ سنوات دخلت بوسط الموج بوسط حرارة الشمس مشت تسبح وغمضت عيونها تحس بحراررة الشمس وملوحة البحر بعيونها تحرقها ، مسكت سيف بيده تسبح معااه تحت أنظارهم ناظرتها شروق تمشي للبحر : خلاص اطلعي
ضحكت ملاذ : مستمع سيف ؟
صرخ بأعلى صوته : ايه
أبتسمت تناظر فيهم : تلوموني ؟ اعشق المشاكس هذا
ضحكت سجى وجلست بأسف : تعبت منكم
خرجت ملاذ من البحر واخذته بحضنها : قلت لك بأمانتي
ابتسمت ملاذ تمشي وصرخت منال : وش هذا يابنتي
ضحكت نوره من شكل ملاذ وشكل سيف الي بيدها : ماقويت ما أسبح
دخلت شروق مبلله وناظرتها بصدمه ملاذ : امداك !
شروق بعصبيه : الكلبه غلا دفتني بنهار
ضحكت ملاذ من ضحك غلا الي تمشي وراها وتضحك وهيه مبلله وهزت رأسها باسف منال : وش هالحاله الي انتم فيها
ملاذ : الحمدلله انا وسيوفي استثناء ، مشت تاخذ شنطته  وطلعت مع الدرج أخذت لسيف شاور وبدلت ملابسه ودخلت تاخذ لها شاور  أبتسمت بوسط المويه تتذكر شكله وعقدت حاجبينها تتذكر عقدة حواجبه وعصبيته ونظراته هزت رأسها بالنفي : يوه ملاذ
من خرجت أخذت ملابسها وجلست تجفف شعرها بدأت تحط ميكب وتتجهز ودخلت شروق تاخذ شاور وأبتسمت من شكلها وعصبيتها ودخلت غلا : أموتك لو جلستي على السرير مبلله
ضحكت غلا : باخذ شاور
هزت رأسها ب طيب ومشت غلا تاخذ لها ملابسها ،
من خلصت طلعت شروق تجفف شعرها وقامت ملاذ تدور لها فستان مررت يدها على فستانها الأزرق وأبتسمت شروق : تلبسينه ؟
ماردت ملاذ تناظره ولفت لشروق : هذا ماتذكرينه ؟
عقدت حاجبينها شروق وأبتسمت ملاذ تمسكه بيدها تمنع دموعها وغصتها : هدية فهد ، سفرة فرنسا
تلاشت أبتسامة شروق ولفت لها ملاذ : ماتذكرين ؟
هزت رأسها بالنفي : لا ، ما أذكر
ملاذ : يوه شروق والفستان الأصفر ؟
شروق : هذاك اليوم ؟
ملاذ : اي يغبيه
ضحكت شروق : ماتذكرت ، كان يقول لك يزهى عليك الأصفر أشرقي ياشروق
أبتسمت ملاذ وهمست : الله يرحمك ياحبيبي
تنهدت ومشت تدخل تلبس الفستان خرجت شافت شروق لابسه الأصفر : أسم على مُسمى يعني ؟
ضحكت شروق تسحب ملاذ من يدها ووقفت بجانبها ملاذ ، وقفت عند المرايه ومسكت جوالها تصور صورة الأخوات ، شروق وملاذ خصرها وجسمها الرياضي فستانها الأزرق الماسك على جسمها الرياضي ، فستان شروق الأصفر المُنير المُبهج وكأنها تاخذ من اسمها نصيب في كل شي حولها ، تشرق مثل أسمها
أبتسمت تتأمل الصوره : تهبل
شروق : التان على الأزرق عشق
ملاذ : أموت أموت على الأزرق
ضحكت شروق : يارب زوج يعشق الأزرق زيها
ناظرتها ملاذ بغيض وتلاشت أبتسامة شروق : معليش نسيت
ضربتها ملاذ ومشت تنزل معاها صفرت سجى وصرخت غلا : لا تكفين أكره التفصير
سجى :واو قيرلز
غلا : هذي وحتى هيه بالبحر تبغى تغرق الناس
شروق : تغرقكم بجمالها وتشرق عليكم شروق بالأصفر
ضحكت ملاذ عليها ولفت بنظرها تدور على سيف : وينه ؟
سجى : مختفي
شهقت غلا : متفقين انتي وسيف ؟ عشان كذا لبستيه أزرق
تذكرت ملاذ لبس سيف أختارت له الشورت الأزرق والقميص الأبيض ضحكت بذهول : والله صدفه
ضحكت سجى : ماركزت يخرب بيتك والتركيز
شروق : حياتي هذا عشقها
ملاذ : أموت عليه يناس
انحنت ملاذ لها من نطقت : ولين ؟
أبتسمت تقربها منها وتبوسها : اموت عليك انتي
تقدمت لين تبوسها من خدها وضحكت سجى : ميكبك صار كله تشوكلت
أبتسمت ملاذ ترمي لها بوسه : فداها
~
بالجهه الثانيه من الشاليهات >
جالس على طرف الشاطئ بالرمل ، مشى له عزام وجلس : وش عندك هنا ؟
سيف : أهوجس
عزام : آهخ من الهواجيس
مارد سيف يسمع صوت البحر ، هدوئه وعذوبة ملوحته كله تفكير وأسئله يتذكر كلام عزام توصياته وتحذيره خوفه وقلقه ورعّبه يعيش أسوء أيام حياته يتذكر صدى صوتها ضحكها أبتسامتها ونُطقها بالصريح إي احبه غمض عيونه بتعب وتأمله عزام تامل شكله حاله وتفكيره كله خذلان يحسّ كل شيء يبكي فيه الا دموعه
لف بأنظاره يشوف سيف وعزام جالسين يسكنهم الصمت يتأملون البحر مشى بأتجاههم : ولد
ناظرو فيه وأبتسم يرمي الكوره : يلا
عزام : يوه فيصل وش جوك بهالشمس
فيصل : جدول
قام سيف يتجاهل شعوره بالوحده يتجاهل شعوره بالخذلان ومسكها : بس احنا ؟
فيصل : أكيد لا ، لف بعيونه يدور عليهم وضحك يتأملهم متوجهين لهم : عندك سعود وفهد
ضحك سيف غصب عنه : أقولك والله جدول
ضحك عزام يشوف سعود وفهد بالشورت وضحك : العب يرجال طالعين بالشورت احسن مني
ركض له فهد وضحك عزام يشرد منه : تكفى والله أمزح
سعود : كله من فيصل
ناظرهم فيصل عيونه تدمع من ضحكه : هذا جدولي
سيف : حسبي الله على بليسك يالحيوان ، لف بعيونه يناظرهم : تكفون ماخذكم جدول الكلب
مشى له سعود يضربه وضحك بعلو صوته : آهخ ميتتتت اقسم بالله بطني
ضحك سيف وتقدم له : كل تبن قم قم الله يقلعك
اخذ الكوره سيف من خلصوا لعب وبلع ريقه عزام : وشلون بفوز عليكم ؟ والله عيب انا الشايب
هز رأسه فهد ولف له سيف : أحشم نفسك يورع عَمي شباب
ضحك فهد غصب عنه : ياسيف اتركه
فيصل : صادق ياعَمي وراه يقول لكم شيبان ؟
ضحك سيف من نظرات فيصل وضحكوا كلهم مشى سيف بأتجاه البحر وضحك فيصل بخبث مشى له ودفه شهق سيف بصدمه ولف على فيصل بوعيد وضحك بعلو صوته من دفه عزام : انتقم لك
ضحك سيف يعزز له فصخ تشيرته عزام ورماه ومشى يغطس بالبحر : عشان مايغدرون فيني
ضحك سيف بأنتصار : احسن ياكلب
مشى بخطواته بالبحر والموج يتقدم يسبح تقدموا فهد وسعود جالسين بوسط الرمل وأبتسم سيف يسبح وضحك يشوف مضاربة عزام وفيصل بموية البحر غطس سيف كله تفكير بملاذ ، تذكر شكلها بفستانها أطراف شعرها المبلوله وفستانها الغرقان ، تذكر رمشتها من هدب عينها المبلول وشكلها بالأورنج وسمار لونها بالتان ماكان مُجرد فستان وهدب عينها وأطراف شعر غرقانه ، غرق سيف ببحر ملاذ ببجر غموضها وعُمقه تفاصيلها تبهره وتجذبه ضحكتها صوتها الرقيّق الناعم نطقها لأول مره يسمع اسمه من ثغرها ، رفع شعره عن وجهه وتنفس يحس أنه أرتاح من بحَر أفكاره غرقان ولا له طوق نجاه غرقان بعُمق حبها تلاشت أبتسامته لثواني من تذكر ، تذكر الأسوء وأحتمالية حُبها لشخص غيره تنهد بتعب من الطاري ومشى مادري ليه توجهه لعَمه الي جالس بس مشى له : عَمي
لف له سعود وأبتسم : هلا أبوي
بلع ريقه سيف ولانت ملامحه من الكلمه ناظر فيه لثواني وصد للبحر من نطق : وش صار بينك وبين عيسى ؟
تلاشت أبتسامة سعود وبلع ريقه يشوف ردة فعله : ما كان ودي أخرب الجو بالطاري بس ودي ياعَمي تعلمني
مارد سعود وقام : لا تجيبب الطاري ياسيف ، أترك الموضوع
هز رأسه ب طيب يشوف عَمه يمشي صد يناظر عزام وسيف الي يسبحون وقام متوجه لهم وغطس بالبحر بالموج وبملوحة الموج ، رجع وغطس ببحر أفكاره بغموضه وعُمقه بماضيه وحاضره ومُستقبله ملاذ ، كل مشاعره خوف قلق توتر وده يعرف الحقيقه من ثغرها يسمعها بأذنه ويشوف نطقها لحبه من ثغرها وقدام عيونه ، عض شفته يسبح يحاول يتجاهل كل أفكاره خذلانه خوفه وقلقه وتوتره ماتمنى بيوم يعيش فوضوية مشاعره ليه يحس أنها تبيه وبنفس الوقت ماتبيه ؟ ليه يحس بأنها تحبه وهيه ماتحبه؟ خرج من البحر بضيق : كل اسئلتي ليه ليه ومالها جواب ؟ أهخ
أخذ بكت الدخان يطلع زيقارته وجلس بجانبه عزام
~
تمشي بهدوء تسمع أصوات الأمواج والظلام مستمتعه بأكثر لحظه تَحبها ، ليل وبحر وقمرا تتأمل النجوم والغيوم حول القمر صوت الهدوء الساعه ١٢ ولا تسمع الا صوت صدى تفكيرها ، أبتسمت تسمع حسّهم : هيفين
ناظرتها ملاذ : يوه شروق وانتي ؟
ضحكت غلا : جاز لها
ملاذ : ايش هذا ؟
رفعت شروق الكيس وأبتسمت : ايسكريم
أبتسمت ملاذ : هذا المطلوب
غلا : شفت انك مستمتعه لحالك قلت اجي أخرب
ضحكت ملاذ تجلس : وهذا معاك ؟ مسامحتك
غلا : كلبه
أخذت الايسكريم وابتسمت : ڤانيلا ومانجو ؟ عشقي
شروق : صايده جوك
غلا : والله صدفه
شروق : تشوكلت وبس
ملاذ : أنتي ؟ عّلك وبس
ضحكت شروق : آهخ ذكرتيني والله ماعندي
ملاذ : الله المستعان
غلا : يوه شروق ، يلوع الكبد تحبينه ليه
شروق : ماعرف بس أعشقه
أبتسمت ملاذ تاكل بهدوء : الاكياس الثانيه ايش فيها ؟
شروق : نسيتي سيف ولين وتركي والأم ؟
ضحكت غلا تاخذها بيدها ولفت ملاذ لشروق : متى تداومين ؟
شروق : من هنا للمستشفى ومن المستشفى للشاليه
ملاذ : مافي اجازه ؟
شروق : ما أقدر أخذ لو فيه باخذ ٥ سنين
ضحكت ملاذ : بكره ضي عندها موعد بس ماعرف عند مين
شروق : بتجين معاها ؟
ملاذ : طلبتني ومارديتها
جلست غلا تاخذ الأيسكريم تاكل ونطقت شروق : بس تعب تروحين تاخذينها
هزت رأسها بالنفي : لا ، بسيارتها ونا سيارتي
غلا : ضي صح ؟
ناظرتهم شروق : اخر من يعلم شروق ؟
ماردت ملاذ ومشت للبحر وجمد وجهه شروق وغلا : ملاذ !
ناظرتهم وأبتسمت تمشي : بسبح
قامت غلا برعب : تكفين ملاذ ليلل !
غطست تسبح متجاهله كلامهم ومشت وراها شروق : أنا بعد
غلا : مجانين انتوا ؟
شروق : هيا ، نستمتع
ضحكت ملاذ : يلا مافي ون تو بسرعه
أبتسمت غلا تمشي وضحكت شروق وغطسوا يسبحون مشت منال تسمع أزعاجهم وعقدت حاجبينها ماتشوف الا اغراضهم وهمست : شروق ملاذ ؟
خرجت ملاذ من البحر ومسكت قلبها منال : ملاذ ؟
ضحكت بعلو صوتها : بلحمها وشحمها سّمي
منال : يقلع بلسيك ياملاذ وش تسوين ؟
ضحكت تشوف صدمتها من خرجت شروق وغلا : نستمتع
مشت بخطوات للشاطئ : وبهاليل والظلام تستمتعون ؟
ملاذ : نور حَرم سعود وأم ملاذ يكفي
أبتسمت منال تخفي ضحكتها : أمشي انتي وياها
شروق : أمي ، شوفي القمر والجو رهيب
منال : حلاته بالفجر ، ياويلكم لو ماتطلعون
ضحكت ملاذ : هدديني أنا لأني أنا حمستهم
مشت غلا وخرجت من البحر : أنا أعفيني لأني خرجت
ضحكت شروق : كلبه
ناظرتهم غلا : والله أطفال
ملاذ : لا هذي كلبه منجد
ضحكت غلا تمسك كتوفها ببروده : والله برد
غطست ملاذ ورفعت يدها منال على خصرها : ملاذ
ماردت وهيه تسبح وضحكت شروق تخرج : أعفيني
مشت منال كلها خوف عليها من ظلمة البحر : أمي ملاذ
أبتسمت ملاذ تسمع المُناداه الي تحبها وخرجت تمشي بهدوء وترفع شعرها المُتناثر عن وجهها : سّمي
ضربتها بخفه : ليه تقلقيني ؟
تقدمت تبوسها : أعشقك
ضحكت شروق : الحين كيف ندخل غرقانين ؟
ناظرت ملاذ بغلا : أنتي مو بس فكك يرجف أدخلي
غلا : برّد موت
تقدمت لها ملاذ ودخلوا الشاليه ، مشت بخطوات هادئه طالعه مع الدرج وأخذت ملابسها تاخذ لها شاور
~
صباح اليوم الجديد بالشاليه >
قامت وأخذت زيتون وأكلتها : أنا خارجه
منال : أنتبهي لكم
مشت بأتجاه سيارتها وحركت خارجه من الشاليه واخذت جوالها تتصل على ضي من ردت : وصلتي ؟
ضي : قريبه من المستشفى
ملاذ : اوكيه انا مسافة طريق عندك
ضي : جبتي الأوراق ؟
ناظرت بشنطتها وسحبتها ودورت للأوراق رفعت عيونها للطريق وجمد وجهها تصرخ وتلف سيارتها برعببب رجفت يدها متجاهله صراخ ضي وخوفها ووقوف السيارات المُفاجئه رفعت رأسها تتحسس الألم والدم ونزلت بخطوات وجمد وجهها تشوفه ومشت له بصوت يرجف : ا ا ا انت عايش ؟
مارد مغشي عليه ومشت تفتح باب سيارتها  ولفت للي واقفين تناظرهم ومشوا وأستوقفها صوت شخص : الاسعاف بالطريق
ناظرته وهزت رأسها : ركبوه وكبوه سيارتي بوديه انا
فتحت الباب وحركت سيارتها بأقصى سرعه رفعت عيونها تناظره بالمرايه : أسفه أسفه والله ماشفتك أسفه
اخذت جوالها تسمع صوت ضي تبكي : مافيني شيء ضي بس قولي للشروق اني صدمت أحد قولي لها  تكفين قولي لها تصرفي ماعرف
قفلت منها من وصلت المستشفى وصرخت بأعلى صوتها : ساعدوني
مشوا لها المُمرضات ومسكتها شروق ترجف : عايش ؟
هزت اكتافها بعدم المعرفه شافتهم يدخلون ضي وشروق والمُمرضات ومسكت راسها : يارب يارب لا لا 
مشت للكرسي وجلست ترجف مسكت رأسها واخذت جوالها بكت بخوف ورعب تغطي وجهها بكفوفها : لايصير له شي لا يصير له شي
مسكت رأسها بخوف ودمعت عيونها : طفل صغير يارب لايصير له شي ، نزلت دمعتهاا وأخذت المويه تشرب منها بيد ترجف وعقدت حاجبينها تشوف الي قدامها ، كانت فعلاً تحتاجه وتحتاج وجوده وكأنه يعرف أنها تبيه كانت تناظره ولانت ملامحها تستنجد فيه وكأنها تحتاج أحد ، لفت بعيونها ولا شافت أحد ضي وشروق بلعت ريقها تشوفه يتقدم لها ومسحت دموعها بخوف : سيف
تقدم لها عاقد حاجبينه بخوف : وش صاير ؟
عزام : بسم الله الرحمن الرحيم يبنت وش فيك ؟
ملاد : صدمت صدمت واحد سيف
جمد وجهه سيف ولف لعزام ومشى عزام : بشوف وأجيكم
جلس على ركبته : عايش ؟
ماردت ملاذ وهزت أكتافها : ماعرف ، خذيته خذيته معي مايتحرك والله مايتحرك
مسك رأسه لثواني وناظرها : طيب ، خليك هنا
ناظرته ملاذ وكأنها تطلب ما يخليها ، يفهمها ويعرف كل نظره لها بس مشى مشى يصد عنها وقف بنص الطريق والتفت ، طاحت عيونها بعيونه يشوف اللمعه لمعة عيونها الدمعه ووقفت ملاذ ومشت له : لا تخليني
عض شفته سيف وتقدمت معاه وتراجعت بخوف : أخاف أخاف يموت والله
ناظرها سيف ومسك كفوفها الي ماسكتها على رأسها : ملاذ ملاذ
ماردت ترجف ورفع يده يمسك كفوفها يلمها له وجلست ملاذ على الكرسي وناظرته : مابيصير له شي
ماردت ملاذ تناظر كفوفهم وعض شفته سيف ماوده يقسى ويتركها ويصد عنها ، يحبها ولا ينكر ويحمد ربه أن عزام اخذه معاه عشان موعد حاتم بللت شفايفها تناظره وقامت مع سيف : نروح نشوف
سحب يده من كفوفها ومسكتها ملاذ ومشت وراه ولمحتها شروق ومشت تحضنها : وينك أنتي ؟
ملاذ : كنت برا
ضي : اتصل ولا تردين ليه ؟
ناظرت شروق بسيف وعقدت حاجبنيها : وش تسوي هننا ؟
سيف : جاي مع عزام وشفت ملاذ برا لحالها ، كيف قولي ؟ الولد بخير
شروق : الحمدلله مافيه ضرر كسور خفيفه
ملاذ : وينه أبي اشوفه
شروق : شوي أهله عنده
حضنتها ضي وعضت شفتها ملاذ تسمح على ظهرها : خفت
ضي : ماصار شيء ، الحمدلله
وقف عزام بجانب سيف وتطمن عليه ولف لشروق : كم عمره ؟
شروق : تحقق ؟
ناظرتها ملاذ بصدمه وتذكرت شروق انه رائد : ١٣ سنه
شهقت ملاذ بخوف وناظرها سيف يطمنها ولف لها : طيب اهله وشلون ؟
سيف : ملاذ عزام بياخذ أقوالك وأقواله
شروق : وش بيصير ؟
عزام : مارح يصير شيء مو تقولين طلع بوجهك ؟
ملاذ : بس غلطانه انا ما أنتبهت للطريق
ضي : بسيطه ، بكره زوريه واعتذري منهم ووضحي موقفك لأهله
هزت رأسها ولفت لها شروق : روحي مكتبي
مشت ملاذ بدون رد وفتحت الباب جلست على الكرسي وبكت بصمت مسكت رأسها تحس بالالم تتذكر كل التفاصيل رفعت عيونها تشوف الباب ينفتح ودخل منه سيف ناظرها ثواني وقامت ملاذ تقدمت له ورفعت يدها وحضنته لانت ملامح سيف من سمعها تبكي بخوف وتوتر عاشته لحالها ، خوف أنها تقتل نفس صغيره بعُمر ١٣ سنه خوف انهم يعيشون ويذوقون شعور الفقد وملاذ السبب رفع يده سيف وحضنها وشدت ملاذ وكأنها تطلب الأمان والراحه وكلها بحضنه ، بحضن سيف مسح على ظهرها بحنيه : ما صار له شي لا تبكين
سكتت لثواني ملاذ : خفت ، خفت أني اصير قاتله ويعيشون شعور الفقد الوجع والألم الي انا اعيشه باللحظه هذي كنت بخليهم يعيشونه
سيف : لاتفكرين كذا ، الحمدلله طيب وبخير
ملاذ : بس كان ممكن يصير
مارد سيف وابتعدت ملاذ عن حضنه : أسفه
مارد سيف يناظر عيونها الحَمراء المبلله من دموعها  رجفة شفايفها ، ابتعدت عنه ومشت تخرج من مكتب شروق ورجع ظهره سيف على الباب : كل مالها تقرب مني وتطلب الأمان مني هذي ياسيف ماتحبك ؟
عض على شفته ومسح رأسه بتعب يتذكر شكلها دموعها خوفها أستنجادها فيه ونُطقها بكلمة لاتخليني ، كانت فعلاً كفيله بأن سيف مستحيل يبتعد عنها أيقن أنها تطلب أمانه وراحته بحضنه بلع ريقه يتحسس مكان كفوفها مكان شدة يدها عليه ولا ودها تفلته تنهد ومشى يفتح الباب خارج
~