هالعيون السّود عاشقه لك يامغتره

٤١

~
~
دخل خالد الغرفه يناظر مشاعل جالسه وتغير وجهه لملامح الضيق وناظرته تتقدم له : شفيك ؟
جلس خالد على طرف السرير يناظر فيها وصد يقوم يغير مكانه وجلس وجلست بجانبه مشاعل : شفيك خالد !
خالد : ملاذ وسيف من جديد ومشاكل جديده
مشاعل : يالله مشاكلهم ماتخلص !
خالد : للأسف وملاذ ببيت أهلها وسيف بيسافر
رفعت حاجبها مشاعل تناظره : المشكله كبيره !
هز رأسه بدون رد وتنهدت مشاعل تناظره : تنحل
هز رأسه يناظرها ووقف يناظر ملامحها بإنعكاس المرايه وأبتسمت مشاعل من لمحت خالد شاف أبتسامتها جمد وجهها بربكه وتوتر وناظرته : شفيك تناظرني بالمرايه
ضحكت تشتت الوضع وأبتسم خالد لها بتسليك يخرج من الغرفه نزل تحت يناظرهم جالسين وعض شفته من نقاشهم حول موضوع أروى وناظر فهد بخالد بتفكير من الخطه الي بباله وصد يناظر غلا الي تمشي خارجه : هذي متى تعقل ؟
فهد : ياغلا غطي شعرك
غلا : أبوي هالمره قررت أترك شعري يطير من الهوا وجمال الشتاء ياخذ شعري شويه تنفس
ناظرتها نوره ورفع حاجبه خالد : تستهبلين ؟
ضحكت غلا تناظرهم : طبعاً أستهبل
أشرت لهم بيدها : يلا سيو
ركبت سيارتها تحركها وأبتسمت تمشي للمكتب سيف ونزلت بيدها القهوتين وقفت عند المصعد ودخلت تناظر بالقهوه وعداد الأرقام قدامها لين دخلت تمشي وناظرتها الموظفه : عفواً وين
غلا : حياتي إنتي بتشوفيني كثير ، أنا أخت سيف أحفظي ملامحي بليز
ناظرتها الموظفه وضحكت غلا : شعري طويل لونه أسود وصحيح جسمي حلو مابتشوفينه من العبايه ووجهي بشوش وروحي حلوه
رفعت حاجبها الموظفه تناظرها وتأففت غلا تمشي : طبعاً أكيد أنتوا نفسيات وعندكم شريك خبيث
جمد وجهها من تشوف الي قدامها ومشى لها متكتف : أكيد الخبيث سيف مو أنا
بلعت ريقها تشد على شنطتها : أكيد من أذنك الكبيره هذي بتسمع نيتي حتى
أبتسم يكتم ضحكته يناظرها وخزته تمشي تدخل مكتب سيف وناظرت حولها تشوفه خالي تماماً منه ولفت له : وين سيف ؟
هتان : شدعوه ماكلمتيه
غلا : صدق وين سيف لمين جايبه القهوه ذي ؟
هتان : هاتي بشربها
غلا : يعني أذنك كبيره وتسمعني وماتبغى توفر قهوتي ؟
ضحك هتان يناظرها : يعني باقي تتنمرين !
سكتت غلا بإحراج تناظره وأبتسمت : شدعوه مو تنمر أبد
هتان : تعطيني القهوه ؟
غلا : سيف وين ؟
هتان : راح عنده شغل وجاي
تنهدت غلا تناظره ومدّت كوب القهوه تعطيه : بلعافيه
أخذه هتان يشرب منه وناظرته غلا تشرب من قهوتها : بيطول؟
هتان : بيروح يشوف ڤيلا عميل لنا وبعدها بيرجع هنا
تنهدت غلا تتكتف : يعني بيطول ؟
هتان : إذا وراك شيء روحي وإذا لا أنتظريه
هزت رأسها غلا ومشى هتان يخرج من عندها وتنهدت تقوم تناظر حول الغرفه وجلست على كرسي مكتبه ناظرت برواز الصوره الموجود أمامها يد سيف وملاذ والخواتم وكانت بوقت كتب كتابهم أبتسمت تسحبها تناظر فيها وتتأملها متعجبه مبسوطه من حُب سيف لملاذ وحُبهم لبعض كيف حُب طفوله لسنين وسنين ٣٠ سنه من عُمر سيف و٢٧ سنه من عُمر ملاذ وحتى بحياتها الجديده وسنة عُمرها الجديده بوجود سيف بأحتفاله معاها بكامل إحساسه وشعوره وجوارحه من مسكة يده الحنونه لين كلامه وحركاته معاها
أبتسمت غلا تتركها على الطاوله وتنهدت بطفش تخرج من المكتب حاضنه قهوتها بيدها الثنتين تناظر حولها ضجيج الموظفين وكثرتهم وحتى المبنى الوسيع لشركتهم مشت تخرج تناظرهم بطفش ورجعت تمشي تناظره تشوف هتان متقدم لها : أخت سيف
ناظرته غلا تشرب من قهوتها : شريك سيف
أبتسم هتان يناظرها وعقدة حاجبينها غلا من ريحة الدخان الي تفوح منه وأبتعدت عنه بخطوات ونطقت : تدخن ؟
هتان : أدخن
هزت رأسها غلا بدون رد تدخل غرفة سيف وجلست على كرسي المكتب تناظره ودخل هتان يجلس : تنزعجين من ريحته ؟
غلا : أنزعج ، وأنت تلحقني بريحتك دخان تفوح
ناظرها هتان يكتم ضحكته ونطقت غلا : فواحه فواحه
ضحك غصب عنه يناظرها وضحكت غلا من ضحكته وقام هتان : نعتذر ، ثواني وأجيك
هزت رأسها غلا بدون رد يمشي وأخذت جوالها تتصل على سيف ولا رد وتنهدت ترجع ظهرها على الكرسي تناظر حولها لين دخل هتان بتشيرت جديد ونطقت غلا : اوكيه أنتوا شركة تصميم بس مو يعني عندكم دولاب ملابس وتبدلون !
هتان : صراحه أنا أخذ عشان لو صار شيء وتعسرت أموري أو أنكبت قهوه عليه يكون عندي بدّل
غلا : عارف شغلك كويس
هتان : أكيد ، وش تشتغلين غلا ؟
غلا : ما أشتغل بس عندي مكتب
عقد حجاجه يناظرها : عندك مكتب بس ماتشتغلين ؟
ضحكت غلا بخفوت تناظره : يعني بمكتب المحاماه ، ملاذ بنت سعود وتكون بنت عمي بنفس الوقت وزوجة أخوي سيف وعندي مكتب هناك
هز رأسه هتان ونطقت غلا : محاسبه قانونيه
هتان : متزوجه ؟
ناظرته بصدمه من سؤاله بدون رد وشد على كفوفه هتان يناظرها وأبتسمت بخفوت : لا
هز رأسه هتان وصدت غلا تناظر صورة الملوك قدامها ونطق هتان يكسر الصمت : أنا متزوج
جمد وجهها تسمعه وناظرته بذهول ونطق : بس كنت
رمشت بصدمه تناظره وضحك هتان : شفيك ؟
غلا : يعني متزوج؟
هتان : لا لا بس كنت متزوج الحين مّطلق أنا
هزت رأسها غلا وأخذت قهوتها تمشي وناظرت فيه : أستاذن
مشت بس أستوقفها صوت هتان : شنطتك
لفت تناظر الشنطه بربكه وتوتر وأخذتها ونطق هتان يرفع القهوه : شكراً ، حيّاك الله بأي وقت
هزت رأسها له وأبتسمت بربكه بدون رد وضحك هتان من يشوف أنعكاسه بالمرايه ويناظر بوجهه والتشيرت الي تغير عشانها وقف يناظره من بعيد ومشى له : تدخل وتخرج وتروح تغير التشيرت وتجي وش هالحركات والفعاليات الله الله
ضحك بخفوت هتان يناظره ونطق : علامك حُب جديد !
ناظره هتان وأبتسم بدون رد وضحك : قول
تقدم له هتان وضحك : مادري بس عاجبتني البنت
ضحك يناظره يهز رأسه وضحك من ضحكته : والله عاجبتني
حك جبينه بتوتر : قول عندنا عرس قريب
هتان : سلامات البنت تضحك علي تبغاني أتزوجها ؟
ضحك يناظره وضحك هتان : أقسم بالله متنمره تضحك على أذني وتقول طبيعي تسمع وأذنك بهالحجم!
مسك فمه يمنع ضحكته وصوته العالي وضحك هتان : تتنمر حتى أنت ؟