~
~
جلست تناظر الفراغ لثواني وناظرت بجوالها الي يتصل وتنهدت تاخذه : هلا ؟
عزام : زوجتي
ناظرت شروق بالرقم ومسكت رأسها : مين اعطاك رقمي بسرعه ؟
ضحك عزام : ماتقدرين تعرفين لاني مابعلمك
شروق : طيب ليش داق ؟
عزام : بكره فطورك علي
رفعت حاجبنها : أنا مشغوله
عزام : تجهزي على الساعه ٩
رجعت رأسها للخلف وتنهدت : أنا جبت لي بلوه
ضحك عزام : احلى بلوه بحياتك
قفلت شروق منه بغيض ورجع يتصل ترمي جوالها : ياربي
دخلت عليها ملاذ وناظرتها شروق وعقدت حاجبينها : أشبك ؟
شروق : عزام اتصل
ملاذ : اي وليش وجهك مصفر ؟
شروق : عازمني
ناظرتها ملاذ وأبتسمت : كويس
شروق : آهخ بلوه هالأدمي
ملاذ : أعطيه فرصه لك ولعزام ماتدرين يمكن تحبينه ؟
شروق : أعطيته وجالسه أشوف
ملاذ : تشوفين برفضك ؟
ناظرتها شروق ورفعت حاجبها ملاذ : أطلعي معاه شروق أوكيه أنا مو جالسه أقولك تغزلي فيه عشان تناظريني كذا
صدت شروق عنها وتنهدت ملاذ : شوفي تصرفاته كلامه حركاته أسلوبه حتى معاك شلون
شروق : طاح عندي من شافني اصلاً
ملاذ : لو ما أعجب با أختي بيعجب فمين ؟
ضحكت شروق : أريج
ملاذ : حب طفوله ما أتوقع لسى تبيه
شروق : متقطعه عليه البنت وماتتوقعين ؟
ناظرتها ملاذ وفزت شروق تضحك : ثواني
ناظرتها ملاذ وقامت شروق تنزل تشوف منال وسعود جالسين وأبتسمت : أبوي أمي
ناظر فيصل وصفق : العروسه ما نامت
ناظرته شروق : شرايكم أعزمكم بكره الصبح على الفطور ؟
توسعت عيون ملاذ بذهول وأبتسمت شروق : بخاطري من زمان ما فطرنا سوا
سجى : وش أسوي معهم ؟
شروق : أكيد ناخذهم سجى ، بكلم عمي فهد وأن شاءالله تزين
ضحك فيصل : باقي الفرع الأساسي
ناظرته ملاذ وضحكت تناظر بشروق : لازم
شروق : نسوي له سبرايز ؟
كتمت ضحكتها ملاذ تناظرها بذهول وناظرت بسعود من قال : مانرد لك طلب
شروق : اوكيه تكلم عمي ولا أنا ؟
منال : يكلمه هوه ويبلغه يبنتي
مشت شروق وأبتسمت ملاذ ترمي بوسه لسيف ومشت تطلع معاها أنسدحت على السرير وضحكت ملاذ تناظرها : وش سويتي ؟
شروق : والله توهقت وش بسوي معه
ناظرتها ملاذ بذهول وضحكت : طلعي عينه
شروق : حيوان اصلاً في ماضيه أريج يعني أنه يجذب البنات
ملاذ : ماضي ياشروق بعدين شيء طفولي يعني ماله داعي
شروق : طفولي ؟ لا تلعبين علي ملاذ واضحه البنت تبيه اصلاً ومانسته من الطفوله إنتي نسيتي سيف ؟ بلعكس يحبك وإنتي تحبينه من الطفوله
ملاذ : بس من الطرفين وكلنا نحب بعض ، عزام مايحبها
ناظرتها شروق : ماندري يمكن يحبها
ملاذ : طيب ليش تقدم لك إنتي مو لها ؟
شروق : جذبته يمكن أنا
ضحكت ملاذ : ممكن
~
صباح اليوم الجديد الساعه ٩:٠٠ >
نزلت من الدرج تشوفهم وأبتسمت : جاهزين ؟
ناظرها سعود وأبتسم : كلمت عمك ووافق جايين
أبتسمت بوأسع ثغرها : بنتونس
ناظرتها ملاذ وهمست : أخاف تتوهقين مع عزام
شروق : مابيسوي شيء
ضحك فيصل يناظرهم : جا عزام
بلعت ريقها ملاذ وأبتسم فيصل وسعود وشروق يمشون له وأبتسمت شروق : عزام
فيصل : حياك الله
ناظرهم عزام وأبتسم سعود يناظرها : تروحين مع عزام ولا بسيارتك ؟
شروق : لا أبوي ماودنا زحمة سيارات بروح معكم
عزام : أفا تجين معي وناظر بعمه : رايحين مكان ؟
ناظرها فيصل وأبتسمت شروق : شدعوه عزام مو أنا قلت لك أمس ؟ بنروح كلنا نفطر الصبح إذا بتجي تعال
توسعت عيونه عزام يناظرها بذهول وضحك : أيه ناسي ناسي لا تجي معي
ناظرته تضحك على ردة فعله : اوكيه
عزام : كلمتي سيف ؟
منال : هاو وراه تكلمه شروق وزوجته هنا ؟
ضحكت ملاذ تناظر سيارة سيف : جا
نزل سيف يسلم عليهم وأبتسم يناظر عمه : ودي أخذ ملاذ معي ياعمي
فيصل : لا لا
ناظره سيف : أقول كل تبن شرايك ياعمي ؟
ضحكت ملاذ تناظر بأبوها وضحك سعود : تروح تروح
أبتسمت ملاذ تناظره وضحكت تمشي معاه ناظرت بشروق الي تركب سيارة عزام وناظرها يحرك : ماشاءالله كلمتيني وأنا ناسي ؟
ضحكت شروق تناظر فيه : كذبتك مو كذبتي
عزام : توهقت !
شروق : شدعوه فطور عائلي رهيب بتحبه
ناظرها عزام ورفع حاجبه : حلو يعني النظام كذا يمشي
ناظرته شروق : أي نظام ؟
ناظرها عزام وصد يحرك وأبتسمت : توديني المستشفى؟
عزام : أوامر ثانيه ؟
ضحكت شروق من تتذكر : توديني ولا أطلب سياره ؟
عزام : خير خير وأنا هنا وش أسوي ؟
شروق : ما أعطيتني كلمه عاد
عزام : أوديك غصب عني
ناظرته شروق رافعه حاجبها : لا حياتي مو غصب أنا سالتك وأنت قلت اوكيه وين الغصب ؟
عزام : طيب خلاص
شروق : بليز عزام أبي قهوه
هز رأسه ب طيب يمشي لين يوقف ونزلت شروق وناظرها عزام : خير على وين ؟
نزلت شروق تقفل الباب وناظرها عزام ينزل وأبتسمت : باخذ قهوتي أجيب لك شيء معي ؟
تنهد يستغفر وأبتسمت شروق تمشي معاه تطلب قهوتها تتنتظر وعقدت حاجبينها تشوفه : خير وين تناظر ؟
لفت بعيونها تشوف أريج وجمد وجهها بصدمه تناظره : ياشيخ ؟
ناظرها عزام يمسك يدها وناظرته ترفع حاجبها : صح مو متزوجين عن حب بس قسم بالله ياعزام لو اشوف عيونك يمين يسار وأنا معك أطلعها لك تفهم ؟ تبي تسوي أي شيء لا أشوفه أنا وهذا العلم جاك
عزام : يابنت الحلال والله إني أناظر مصدوم
ضحكت شروق : تستهبل مصدوم أنك شايف حب طفولتك ؟
عزام : يابنتي أسمعني
ناظرته شروق وأبتسمت للبارستا : تسلمين
مشت تخرج تركب السياره ومشى وراها عزام يناظرها تشرب من قهوتها : تغارين علي ؟
شروق : أغار عليك ؟ ميته ميته
ضحك عزام من عصبيتها وناظرته شروق بحده : أنكتم
بلع ريقه بصدمه من جديتها يحرك السياره وناظرها : كيف قدرت تخرج يعني وأهلها مايخلونهم يخرجون ؟
ناظرته شروق ورفعت حاجبها : أرجع أسالها !
أبتسم عزام : والله إني ناظرتها كذا بس مصدوم لو أبيها ليش أختارك يعني ؟
صدت عنه شروق تشرب من قهوتها تتجاهله : أيش خلاني أجي معاك وأشوف الضيق ؟
عزام : أفا جبت لك الضيق من سالفتها ؟
ناظرته شروق تصد تشرب من قهوتها وسحبها عزام منها وناظرته شروق : خير ؟
اخذت قهوتها منه وتافف عزام : لاتسوين كذا
شروق : لاتلعب دور الزوج الحين
عزام : زوجك أنا مو العب هذا واقع وأفهميه
ناظرته شروق ووقف عزام : فهمتي ؟ انا لو أبي أريج أخترتها
شروق : أتمنى ماتفسر الموقف من راسك
عزام : اشوف الغيره انا
ناظرته شروق رافعه حاجبها : ماتسوي أي شيء قدامي فهمت ؟ لا تلتفت يمين يسار لأني بكسر رأسك وعيونك الي تناظر تفسره غيره والي تبي هذا كلامي وأنا شروق اوكيه ؟
ناظرها عزام مبتسم من عصبيتها يحرك يناظر بالمطعم من وصل ينزل وناظره فيصل : علامكم تاخرتوا ؟
ضحك عزام : صار هواش غيره
ناظرته شروق بصدمه ومشت تصد عنه تدخل وأبتسمت تشوفهم : العروسه
ابتسمت شروق : حمدلله مارديتوني
نوره : أفا ، نرد طلب للعروسه ؟
أبتسمت ملاذ تناظرها ونطقت غلا : وين طولتي ؟
شروق : أخذت لي قهوه
من جا الفطور بدت تاكل وتناظر بالأكل وصحنها بهدوء كِلها تساؤل ، ليش ماتقدم لها ؟ وليش تقدم لي ؟ ليش يناظر ليها وليش يبرر لي ؟ تنهدت وناظرتها ملاذ : خير اشبك ؟ وش صار معاه
شروق : بقولك بعدين خليني افطر
ملاذ : تلعبين إنتي مو جالسه تاكلين
رفعت حاجبها شروق تاكل تناظر بعزام الي يناظر فيها وصدت بعيونها عنه وناظرت منال : أمي تكفين
ناظرتها منال : هلا أمي ؟
شروق : خذوني معكم لا تخلوني مع عزام
منال : وش صار يابنتي ؟
شروق : وترني الموضوع
ناظرتها ملاذ وهمست تقرب منها : إذا زعلك بموضوع ليش تجين معانا ؟ روحي معاه وأدخلي وخشي بعيونه مالك داعي ماتطلعينها
منال : زوجك وتتعودين عليه مع الوقت ترجعين معاه
ناظرت شروق بملاذ وأبتسمت ملاذ من خلصت فطور : أنا خلصت ولازم أرجع عشان أروح لمكتبي
منال : وش بتسوين مع مين ؟
ملاذ : بطلب سياره او بشوف سييف إذا خلص فطور
هزت رأسها تناظر بسيف الي جالس يسولف يضحك وأبتسمت له من بعيد ، ناظرها تناظر فيه واقفه وتقدم لها : حلو النظر لك
أبتسمت ملاذ وناظرها سيف : وين رايحه ؟
ملاذ : ودي أرجع صراحه البيت أبي أجهز واروح المكتب من بدري
سيف : حاضر حاضر الأن
مد كفه وناظرت ملاذ بسعود وأشرت له تمشي خارجه من المطعم لفت لسيف : تعال باخذ قهوه
هز رأسه تمشي معاه تنتظر قهوتها لين أخذتها ، ركبت السياره وأبتسم سيف : زواجنا بعد شهر ؟
ملاذ : اوكيه بجهز كل شيء
سيف : موافقه يعني ؟
ضحكت ملاذ تناظره : لو ما وافقت بتوهق بنشبتك لي الأجمل إني أوافق من رأسي بدون وجع راس
ناظرها سيف وضحك يمد كفه : أحب الي يفهمني
ملاذ : وأحب الي يتعبني
أبتسم سيف لين وصلت ونزل معاها ولفت له : ببدل وأجيك
هز رأسه ب طيب ينتظرها من خلصت نزلت مع الدرج تدور بعيونها عليه تقدمت ملاذ تشوفه وأقف عند المسبح مبتسم من يشوفها تقدم لها يحاوطها من خصرها وأبتعدت ملاذ تمشي : بيشوفونا
ضحك سيف يسحبها من يدها لحد ماصارت قريبه منه : زوجتي ، حلالي ، مافي أحد بيقول شيء وأنتي لي
أبتسمت بخفوت ملاذ تناظره يسحبها مع خصرها أكثر له وضحكت ملاذ لحد مابانات غمازتها وضحك سيف : أرقصك؟
ملاذ : نطيح بالمسبح سوا ؟
سيف : لا
ناظرته ملاذ وأبتسم سيف يسحبها له تتمايل وضحكت ملاذ ترجع رأسها للخلف وضحك سيف يرفعها وأبتسمت تتمايل معاه ويدها بيده ترقص : لاتتركني سيف
أبتسم سيف : عندي جُمله أحلى
ناظرته ملاذ بأنصات وأبتسم سيف : إنتي لا تتركنيني
أبتسمت ملاذ تعض شفتها : مارح أتركك
ناظرها سيف وأبتسم من ضحكتها بدون رد
وقفت ملاذ تبعد شعرها عن وجهها أبتسمت تحس بذراعينه على خصرها ورفعت كفها على شعره وأبتسمت بدون رد ناظر عيونها لثواني سيف : لو أغلط تسامحيني؟
ناظرته ملاذ عاقده حاجبينها وتقدم لثغرها ، جمد وجهه ملاذ بصدمه تحسه يقبل ثغرها أبتسمت مابين قُبلاته لها تحس فيه تستشعر حلاة قربه منها لأول مره تحس أنها نالت قربه ووصله كانت تحس فيه يشد وجهها لوجهه يسحبها له تجذبه تغريه مُثيره مثل المطر يروي ضماها تحلف يمين أن دقات قلبها يسمعها وشعورها يوصل له بدون تعب منها وكلام تحس فيه نالته ، وصلها كان أصعب وبعيد ببعد السحاب واليوم ملاذ بين يده ذاق أول حضن حضنها وأول مسكة يد شعور الغيره والخوف والخساره والفقد ذاقه منها كل الي وده واليوم نالها وتقدم لها بدون يمنع نفسه أنها مو حلاله مكتفي فيها ولا وده بغيرها حبيبته زوجته نصيبه قدر مكتوب له ، العُمر ملاذ موج البحر ملاذ وكُل المدى ملاذ ، أبتعدت عنه تناظر فيه بذهول وتنهد سيف يناظرها يرفع كفوفه لوجهها : إنتي مالكه قلبي من أقساه لأدناه ، أنا قلبي بين يدك وأنا لك أحبك ملاذ أحبك يأجمل نصيب وقدر أنكتب لي وحبيته وأنزرعتي بوسط قلبي وشراييني أحبك يا أجمل من خلق ربي بهالكون إنتي
أبتسمت ملاذ تناظره بدون رد وأبتعد سيف يمسك كفوفها لكفوفه وناظرها يبوسها ورجع يناظر فيها : أحبك تكلمي معاي عاتبيني إذا غلطت
ملاذ : إذا غلطت أعاتبك بس ماغلطت معاي ، ملاذ تعشقك
أبتسم سيف وأبتسمت ملاذ من ضحكته شافت السيارات وأبتعدت عنه ولف لها سيف : ترانا متزوجين
ماردت ملاذ بربكه تناظر في أهلها وتقدم فيصل : مرابط ببيتنا ؟
ضحك سيف : مكاني وبيتي هِنا بوجودها
أبتسمت ملاذ تناظره وضحك فيصل : أثقل يورع
عض شفته سيف يخفي أبتسامته وربكته وناظرتهم : شروق وين ؟
منال : بدوامها
هزت رأسها ملاذ تركب سيارتها وصدت تمشي تحرك السياره رفعت عيونها للمرايه تتحس أثر قبلاته أبتسمت تتامل شكلها وتتذكر شعورها عضت شفتها ترجع رأسها للخلف وتضحك
~
ناظرت بعزام ورفعت حاجبها : مو هذا طريق المستشفى
أبتسم عزام : ماتروحين وإنتي زعلانه
ناظرته شروق بذهول : لا ياكلك الجو بس أرجع لنفس الطريق قال زعلانه
ناظرها عزام وأبتسم : إلا
شروق : يالله الي يشوفك يقول إنك تحبني ومتقطع علي خلاص أطلع من الجو ورجعني للدوام
بلل شفايفه وأبتسم : يمكن أحبك
بلعت ريقها بصدمه تناظر فيه وضحكت بتسليك له : اوكيه خلاص رجعني مو زعلانه أنا والله خلاص ودك بأريج ؟ نروح الأن نخطبها لك بس حالياً مو فاضيه لك أبي دوامي
عزام : يا هالمستشفى الي قطعتي نفسك فيه
شروق : مو دكتوره على الفاضي لازم أهتم بالكل
ناظرها عزام يرجع رأسها للخلف يناظرها : طيب لو جيتك بيوم بالمستشفى بتهتمين فيني مثلهم ؟
ضحكت شروق تناظره : أكيد لا ، بخلي أي دكتور يهتم فيك
ناظرها عزام وصد عنه وناظرته شروق صاد : أهتم بالكل أنا يعني لاتشيل هم
عزام : تحطيني بعيونك ؟
شروق : حياتي أيش عيوني ؟ بحطك على السرير الأبيض أنا
ضحك عزام : كويس مو تحت التراب
شروق : شد حيلك وأحطك فيه
أبتسم عزام وناظرته شروق : خلاص بليز رجعني المستشفى
عزام : قايل لك ماتروحين
تاففتت شروق : والله أنزل عزام ليش ماخذ الموضوع بجديه ؟
عزام : شايف عصبيتك بعيوني
شروق : خلاص ردة فعل ووصلتك ليش كل هالمحاولات وليش اصلاً تحاول ؟
ناظرها عزام بدون رد تكمل كلامها : خلاص الحين جاك الرد رجعني المستشفى اوكيه ؟
صد عنها ورجعت تناظر بجوالها : هلا
بشاير : شروق وينك تأخرتي ؟
شروق : جايه بالطريق وش صاير ؟
بشاير : المستشفى زحمه ونحتاجك
شروق : جايه
قفلت تناظر بعزام : أسرع بالله
ناظرها عزام : وش صاير ؟
شروق : ما أعرف بس الظاهر حادث
تنهد عزام وناظرت شروق بجوالها بتفكير
~
أبتسمت منال : بنتونس
سعود : وش شور البنات يمكن مشغولين هالفتره
منال : وان كانوا مشغولين الشاليه قريب يروحون ويرجعون
هز رأسه سعود وأبتسم فيصل : شورت جديد وحركات أبوي اشوفك ادمنت ؟
ناظره سعود وضحك فيصل من يتذكر أول مره يشوف سعود بشورت السباحه ضحك أكثر من رمى عليه المخده : معليش الأدمان حلو
ناظرته سجى تكتم ضحكتها وناظرها سعود : عززي عززي لزوجك أنتي بعد
ضحكت سجى غصب عنها : أسفه والله
ناظرها سعود يضحك يهز رأسه باسف نطق فيصل يضربها بخفه : تعزز لي وتضحك عشان ما أتعقد
ضحكت سجى : أحمد ربك
ناظرهم سعود وصد يناظر بمنال : وشلون هالخبلان لايقين لبعض ؟
ناظره فيصل : أشدعوه أبوي أنا لو مو موجود ماصرت جد
منال : جاحد شروق وملاذ
ضحك فيصل : تكفون نرجع لشورت أبوي اي وش ناوي تلبس أزرق ولا أخضر ولا أسود ؟
ناظره سعود وضحك فيصل : والله جدول
سجى : حرام عليك خلاص
منال : أنا أقول يلبس أسود حلو
ضحك فيصل يناظر بأمه وضحك سعود : عشانك يأم ملاذ
فيصل : أفا مو يعني إني أضحك تجحدني يأبو فيصل
سجى : عاقبك بنقطة ضعفك والله يعرف لك
ناظره فيصل وضحك سعود : خلاص أنكتم أحجز
فيصل : ليش مانشتري شاليه ونرتاح من الحجز
سجى : مو دايم فيه وصراحه مايحتاج
منال : صادقه بنتي
هز رأسه يمسك جواله يحجز ولف الجوال لأمه : نفس الأول ؟
منال : أيه ٣ أيام حلوه
حجز فيصل ورجع يناظر بأبوه : لحالنا ؟
منال : وعمك موجود
أبتسمت منال بهدوء تناظرهم ولف فيصل ياخذ سيف بيده وأبتسم : تعال نسبح
سجى : لا فيصل بيتعب الحين
فيصل : مايجيه شيء وتركي تعال
مشى فيصل للمسبح يفصخ تشيرته ينط وأبتسمت سجى توقف له بيدها ملاذ تجلس سحب فيصل سيف بيده وبكى سيف بخوف : لا بابا لا
فيصل : أفا ياسيف بعلمك تعال والله مايجيك شيء
هز رأسه بالنفي سيف يبكي وأبتسم فيصل يطلع له : تخاف وأبوك معك ؟
ناظره سيف يبكي وضحك فيصل يرفعه يدور فيه : خلاص لاتبكي
سجى : نزله فيصل
نزل سيف وركض لسجى وأبتسمت تحضنه : لا تخاف أنت مع بابا مستحيل يصير لك شيء
ناظر فيها فيصل وأبتسم يمشي لتركي : تعال
ركض تركي يضحك وضحك فيصل : مدرعم الولد
ضحك فيصل يناظر فيه يمسكه وقامت سجى بخوف : أمانه فيصل أنتبه
فيصل : بعيوني هالورع
سيف : بابا أنا أبغى
ضحكت سجى تناظر فيه : تشجع بعد تركي
تقدم له فيصل يمد ذراعه وتراجع بخطواته بخوف وضحك فيصل : تجي ولا لا؟
ناظرته سجى عن قرب ينط وأبتسمت تدخل رجلينها بالمسبح وناظرت بملاذ بعمر العشر شهور جالسه تلعب ولف سيف لها : تعالي
سجى : لا فيصل مع ملاذ ولين أنا
ناظرها فيصل : لين تلعب وملاذ منسدحه مابتبكي
سجى : لا فيصل
هز رأسه ب طيب يسبح مع تركي وسيف ماسكهم ولف لسجى : موعدنا بالشاليه
ضحكت تهز رأسها بالأيجاب تناظر فيهم
~
بالشاليه >
تقدمت ملاذ تنزل من الدرج رافعه طرف فستانها تناظر بسيف الي واقف بشورت والكاب على راسه أبتسمت تتقدم له وضحك من يشوفها : أحبك كل يوم أنا
أبتسمت ملاذ تمسك كفه بكفها ولفت له : أهلي للحين ماجو
سيف : يارب يطولون
ضحكت ملاذ تناظر فيه : صدق غريب أتصل عليهم ؟
سيف : لاتستدعينهم
ناظرته ملاذ وضحك سيف : أبي أجلس معك وقت كافي يكفيني
ملاذ : بتكون بالجهه الثانيه
ناظرها سيف يسحبها من يدها للشاطئ : صح بس الحين أبي اكون معك
ضحكت ملاذ تناظره وتراجعت بخطواتها : نسبح ؟
هز رأسه سيف وضحكت ملاذ تمشي معاه ناظرها سيف يسحبها يشيلها يدخلون البحر وضحكت ملاذ من تبللت رفعت عيونها تسبح وناظرت حولها تدور بعيونها سيف تنطق بأعلى صوتها : سيف
طلع سيف يناظرها يرفع شعره الي طايح على وجهه وأبتسمت ملاذ : خفت
ضحك سيف يتقدم لها يسبح وأبتسمت ملاذ تبتعد عنه تسبح وناظرها سيف يدخل بالبحر يدورها سبح بعمقها اليوم ، كانت مثل البحر صعبه عميقه مليانه غموض ، هالمره سبح ببحرها معاها يدورها بعيونه مثل كُل مره واليوم يسبح معاها لحلم تمناه ماينتهي ، تقدم لها يسحبها من خصرها له وضحكت ملاذ تناظر فيه لين وصلوا الشاطى ورجعت ملاذ ترفع شعرها وناظرها سيف يقرب منها وعضت شفتها تشوف شعره الطايح على وجهه هدب عينه المُبلل أبتسامته بقربها له وأبتسمت ملاذ لين بانت غمازتها على شكله وتقدمت تقبله من ثغره وأبتعدت عنه : نبدل قبل يجون ؟
ناظرها سيف بسكوت هدوء بأعجاب بتأمل يسحبها له وأبتسمت ملاذ ترفع كفينها تبعد شعره الطايح على وجهه وأبتسم سيف : ماتشتتيني وتختفين
ملاذ : خلاص سيف لازم أبدل قبل يجون ونكون جاهزين
هز رأسه يضحك وأبتسمت ملاذ تمشي ترفع طرف فستانها تدخل تبدل
بعد ربع ساعه نزلت بشعرها المبلوله أطرافه سمعت أصوات الضجيج والأزعاج وأبتسمت تطلع لهم : جيتو ؟
ناظرتها نوره وأبتسمت : وين أختفيتي ؟
ملاذ : سبحت ورحت أخذ شاور
أبتسمت شروق وناظرتها غلا : حيوانه ! أحنا مشغولين بزوج الأخت شروق وإنتي مبسوطه تسبحين ؟
عقدت حاجبينها تناظر فيها : وش صاير وش فيه عزام ؟
ناظرتها شروق : مسوي دراما على الفاضي أشغلني فيصل دقي دقي وبالنهايه الولد مداوم يعني
ناظرتها ملاذ بعدم فهم وضحكت غلا : يعني مسوي دراما عشان تخاف عليه
ضحكت ملاذ تناظر فيها : امانه!
ناظرتها شروق وضحكت غصب عنها : والله دراما قهرني
ملاذ : خير وش هالدراما وليش كل القروشه ذي ؟
سجى : فيصل قروشها يمكن مات ومات
شروق : ابد مامات عايش بدوامه
ناظرتها منال : شروق كل من يشوف كلامك قايل لك مغصوبه وراه تتكلمين من طرف خشمك كذا ؟
ناظرتها ملاذ : والله أمي ماعندها تفاهم القمي
ضحكت شروق تناظرها : مو مغصوبه أمي بس حركته سامجه يعني شدعوه ليش كل هالدراما
ناظرتها منال رافعه حاجبينها وبلعت ريقها بصدمه شروق تصد عنها : بتصل عليه أشوف
ناظرتها ملاذ كاتمه ضحكتها من سمعت ضحك غلا ضحكت ملاذ : تبعد الشكوك
ضحكت منال عليها من تشوفها وأخذت جوالها شروق ثواني تتصل عليه لين رد : حبيبتي وزوجتي وأم عيالي تفضلي ياعيوني
أبتسمت شروق تحك جبينها بتفكير : بتجي ؟
عزام : أجيك على خشمي وين تبين أجيك ؟
شروق : الشاليه ؟
ضحك عزام : أي جاي بس أخلص دوامي
قفلت منه شروق وأبتسمت تتقدم لهم : جاي
ناظرتها غلا : عارفين من الأبتسامه قبل تجين
ضحكت شروق تناظرها : حيوانه
أخذت جوالها تبتعد عنهم من الأتصال : هلا
تقدمت لها ملاذ : مين ؟
شروق : تاكدي من التحاليل أسحبي منها دم وأرجعو سوو لها إشاعه وتاكدوا يدها مو متضرره
ملاذ : عنف ؟
ناظرتها شروق ترجع تكمل كلامها : طيب أوكيه بكره بكون موجوده وبتاكد بنفسي ، أبد شغلي هذا مو تعب تسلمين
قفلت منها وناظرتها ملاذ : عنف ؟
شروق : أي متضرره من زوج أمها
عضت شفتها ملاذ وناظرتها شروق : لا تخافين بالسجن
ضحكت ملاذ تناظرها : كذابه !
شروق : والله زوج أمها بالسجن
ناظرتها ملاذ وصدت شروق تمشي للشاطى : أخر مره وصلني عزام المستشفى أتصلوا علي حاله طارئه تخيلي ملاذ
ناظرتها ملاذ وكملت كلامها شروق : طلع الغبي بيتعرض لها بالسكين بالمستشفى بوسط ضجيج الناس ؟
رفعت حاجبها ملاذ : البنت جاها شيء ؟
شروق : لا بس أنسجن بالتهديد بالقتل
ملاذ : وأمها اش تسوي ؟
شروق : ما أعرف بس ما أحد زارها بالمستشفى للحين
عضت شفتها تناظرها ملاذ : حياتي خلينا نزورها
هز رأسها ملاذ وأبتسمت شروق : بعد سالفته عزام الي صار يدق ويسأل عني
ملاذ : ليش هوه يعرف ؟
شروق : نزل معاي وهوه مسكه وبلغ الدوريه وأخذوه وطمني أنو مابيخليه يطلع من السجن ابداً
أبتسمت ملاذ : الحمدلله كويس
~
ناظرهم سيف ياكل بطيخ وتقدم له فيصل : شلونك ؟
أبتسم سيف وضحك فيصل : بدري صح ؟
سيف : بعد ماسفلت فيني وهذي اي والله بدري
ضحك فيصل : صدق صدق شلونك ؟
سيف : الحمدلله
أبتسم فيصل ياكل معه ولف له : متى زواجكم ؟
سيف : بعد شهر ان شاءالله
أبتسم فيصل ياكل ولف من دخل عزام وضحك : اوه النسيب
ضحك فيصل : حياك الله
عزام : ما أبطيت ؟
سيف : جبت لك ملابس ؟
ضحك فيصل : مايحتاج أبوي عنده شورتات كثيره
ناظره سعود يضحك ولف عليه سيف : حسبي الله عليك معلق على الشورت الي راح ؟
ضحك فيصل : والله مانسيت
ناظرهم عزام يضحك : كل تبن فيصل مسوي جدول على حساب عمي ؟
ناظره سيف : جحدنا لأنه أعرس ببنته
فيصل : وأختي المشكله الله المستعان
سيف : اي وش الدراما الي سويتها ؟
ناظرهم عزام يجلس : أبد يعني عشان تخاف علي وكذا
فيصل : الله ياخذك ياشيخ اقسم بالله انا الي بغيت اموت
ناظره عزام : وش سوت ؟
فيصل : تعيش معاها وتعرف برودها كيف يقتل
ضحك سيف يناظره : لاتسوي دراما
عزام : ابد ياخي احب اسويها عشان تخاف علي
سيف : عشان كذا تختفي ولا ترد علي ؟
فيصل : المسكين من الوحده صار عنده جفاف أهتمام
ضحك عزام : ياخي خلوني اتونس والله تونست
سيف : أنتبه أنتبه لاتتوهق بدال الوناسه
أبتسم عزام ياخذ جواله يتصل عليها لين ردت : هلا
عزام : أطلعي لي برا
تأففت شروق من قفل ولفت لمنال من قالت : وين ؟
شروق : بشوف عزام
ناظرتها منال وتنهدت : رايحه لجنازه ماتشوف زوجها
بلعت ريقها ملاذ تناظرها وأبتسمت غلا : تعبانه شروق خالتي
ناظرتها ملاذ بصدمه ورفعت حاجبها منال : من وشو تعبانه ؟
ملاذ : حلقها يعني بداية أنفلونزا
منال : بسم الله عليها ان شاءالله مافيها شيء
~
مشت شروق لعنده تشوفه واقف وأبتسم عزام بواسع ثغره يناظرها بفستانها وناظرته : ليش تناظر كذا ؟
مارد عزام مبتسم وتاففت شروق : شتبي ؟
ناظرها عزام بصدمه : بسم الله الحين وأنتي تهبلين وش صار
ضحكت شروق تناظره : تذكرت موقف الدراما
عزام : الله والبرود والحين تحسستي يعني ؟
ناظرته شروق رافعه حاجبها : أي تحسست وش هالدراما ؟
أبتسم عزام بخفوت : أقيس مدى خوفك علي
ناظرته شروق وتقدمت له ترفع شعرها : مين لاعب عليك وقال أني أحبك ؟
ناظرها عزام متكتف : وأن حبيتيني ؟
شروق : الله يكتب الي فيه الخير
ضحك عزام يناظرها وصدت شروق تسمعه يكمل : خايفه تحبيني ؟
شروق : خايفه أبلتش فيك
ناظرها عزام وتنهد : شوفي
ناظرته شروق وأبتسم بضيق : أنا ماعندي أهل مثلك ترا
لانت ملامحها تشد على كفوفها تسمعه يكمل كلامه : ماذقت ياشروق حنان الأم ولطف الأب ماذقت وقفة الأخوان إلا مع سيف ، انا يتيم وهذا ماهو عيب فيني إني ماعرف شيء يخصكم يالبنات صحيح إني عشت أكثر شيء مع سيف وكبرت معاه وماتت أمي بعد ولادتها فيني وأبوي تركني بعمر الـ ٦ سنين ، ماعندي أخت ولا أخ ولا أنا أفهم بس أنا دلعت نفسي بنفسي وقفت على حيلي بدون مساعدة أحد عشت سنين وسنين لحالي أنا مرضت وتعبت أنا الي وقف على حيلي بنفسي ماشفت شعور العائله ودفاهم وحبهم لبعض إلا من شفتكم ماحبيت البنات إلا بعد ماشفت أبوك معك ومع ملاذ وتمنيت أكون أجمل أب للبنات ، ماشفت الأخوه إلا مع سيف وخالد وماشفتك وأخترتك إلا أبيك زوجه لي حتى لو ما أحبك وتحبيني ، بس بيجي هالوقت الي تحبيني فيه
ناظرته شروق ترمش بصدمه وأبتسم عزام بضيق : لا تفكرين إني دايماً بتقبل صدك وكلامك لي ، صحيح أنك تتكلمين معي أنا لوحدنا وقدام الناس مستحيل حتى أهلك بس
ناظرته شروق وصد عزام عنها يبلع ريقه : خلاص روحي لهم
وقفت شروق تناظره لثواني وهز رأسه عزام عاقد حاجبينه يمشي لين وصل لسيف وأبتسم يجلس وناظره سيف : صار شيء ؟
هز رأسه عزام ياخذ جواله وفز وناظره سيف : وش صار؟
عزام : يعني خلاص الحين ؟
ناظره سيف : ولد اشبك ؟
عزام : البلاغ عن الولد المفقود يعني معهم ؟ خلاص طيب جهزوا كل شيء للمهمه أنا مسافة طريق عندكم
قفل وناظر سيف : أشرف الكلب
ناظره سيف : تكفى أنتبه على نفسك
هز رأسه يمشي وجلس سيف يناظر بفيصل من جا : عزام رسبن عند أختي ؟ وراه ماهو ناوي يجي
سيف : راح ، عنده مهمه من سنين يشتغل عليها والحين ماشي لها
فيصل : الله يقويه وأن شاءالله ربي يحفظه
أبتسم سعود بدون رد يشوف سعود الي بحضنه لين الصغيره وسيف وتركي يلعبون بالرمل
~
أنت تقرأ
هالعيون السّود عاشقه لك يامغتره
Science Fictionفي داخلي حب واحساس وشعور للي سكن جوفي من ايام الطفوله - حسابي استقرام : njooud08
