هالعيون السّود عاشقه لك يامغتره

١١

~
~
دخل المركز ومشى يدخل لمكتبه يسترجع أقوال وكلام حاتم انتظر شهور وأيام وليالي عشان يجي اليوم الي يقبض فيه على أشرف لف بعيونه على الباب ينفتح دخل راشد ونزل نظارته الطبيه وأبتسم راشد يدق تحيه وضحك عزام يأشر له يجلس : تعال تعال
راشد : طال عمرك تمت
ابتسم عزام بأمتنان : قرب قرب موعده
أبتسم راشد ووقف يطلع ورجع راسه عزام لورا بتعب اخذ جواله وطلع من المركز وعقد حاجبينه يشوف كبير بالسن وتقدم له : سلام عليكم
رفع نظره عليه : وعليكم السلام
عزام : وش تسوي هنا عندك شيء جاي تشتكي ؟
ناظر بعيونه عزام الضياع والتشتت وعقد حاجبينه ونطق : ولدي ، ولدي محسن له ايام وليالي ماهو موجود ماله اثر حتى جواله مايرد عليه
قام عزام ومسكه : تعال مكتبي
اشر لراشد يجي وجلس : اسمه محسن ؟
هز رأسه ب اي ولف عزام لراشد : ولده ماله اثر ويتصل عليه ولا يرد
راشد : عطني معلوماته ياعم وان شاءالله بنلاقيه
هز رأسه يعطيه معلوماته كلها جلس عزام من خلصوا جمع المعلومات : متى اخر مره شفته ؟
اخذ المويه يشرب منها ونزلها وناظر فيه : من أسبوعين
هز رأسه بأسف عزام وناظر براشد الي قام وابتسم : روح البيت وان شاءالله نتصل عليك لو صار تطور
قام ولف من نطق عزام : اي صح ، اخر مره ماقال لك وين راح ؟
هز رأسه بالنفي : لا ، ماقال الا انه خارج
تقدم له عزام يمشي معاه : باذن الله بنعرف مكانه
أبتسم يناظر بعزام وطلع من المركز ورجع عزام لهم : بنقدر نعرف ؟
راشد : اكيد ، كل الي يخصه موجود هنا
عزام : اي تطور يحصل اتصلوا علي
هز راسه عزام ومشى خارج من المركز
~
طلعت تشوفها جالسه تنتظر وأبتسمت : ابشرك صحت
فزت اريج : شلونها كويسه ؟
شروق : الحمدلله ارتفاع بالضغط بس
ماردت اريج وسكتت لثواني شروق : القلق والتوتر يسبب ارتفاع بالضغط
اريج : والحين ؟
شروق : الحمدلله كويسه تقدر تخرج
اريج : اوكيه شكراً
دخلت غرفتها وناظرت بساعتها نص ساعه وينتهي دوامها اخذت جوالها تتصل على ملاذ : ملاذ
ملاذ : هلا شروق
شروق : وينكم ؟ نص ساعه واخلص دوامي
ضحكت ملاذ : ماتوفرين ؟
شروق : لا ، شفت سناباتكم وصراحه ابغى معاكم
ملاذ : اوكيه اذا خلصتي تعالي
شروق : اوكيه
قفلت منها ولفت لغلا : شروق بتخلص دوامها تجي
غلا : اخيراً
ملاذ : وش نسوي الحين ؟
غلا : نروح لها دوامها ؟ فاضين
ضحكت ملاذ : اليوم يوم مفتوح لك اطلبي وتدللي
رجعت ظهرها لورا : اوف يعني بس اليوم ؟
ملاذ : بس بس لان بعدها لازم نلتفت للمكتب حياتي
غلا : ماتوقعت انه صعب
تنهدت ملاذ ولفت غلا لها : عبدالمجيد ؟
ضحكت ملاذ : لا صدعت
غلا : يوه ملاذ شلون بننبسط وانتي اصلاً مصدعه
ملاذ : باخذ حبوب
فتحت شنطتها تدور للحبوب وتنهدت بتعب : مافيه
ملاذ : عادي عادي بيروح
ناظرتها غلا بدون رد وصدت تناظر الطريق بهدوء
~
نزلت من السياره وأبتسمت تشوف منال تستقبلها : ياهلا
تقدمت نوره تسلم عليها ومشت معاها وجلست بالصاله والتفتت للعاملات وأتسع ثغرها بابتسامه تشوف وضحكت تشوف احفادها : هلا هلا باحفادي
جلست لين بحضنها وابتسمت منال تمسح على راسها وتقدمت سجى تسلم عليها : ماشاءالله ان شاءالله ماتتعبك
سجى : تعب تعب الله يعين
منال : بيهون لا شفتيها قدام عيونك
نوره : اي والله يهون لملاذ الصغيره
أبتسمت سجى : باذن الله
لفت نوره لمنال : باذن الله هالايام نحدد موعد ملكة خالد ومشاعل
أبتسمت منال : ما شاءالله قرروا ؟
نوره : أتركي خالد يرجع ونحدد معه موعد الملكه
سجى : مو هم يحددون ؟
نوره : الملكه لازم ياسجى موعد مناسب لنا كلنا ، لاهل العروسه ولاهل العريس
منال : ماشاءالله الله يوفقهم
سجى : الله يوفقهم
نوره : عاد هم ماعندهم مشكله لو هالاسبوع الملكه بس ناجلها لان ودنا هالاسبوع نطلع
هزت راسها منال وضحكت نوره : معنا معنا ، كلنا ودنا نروح شاليه
سجى : نفسيتي مع هالحمل احتاج
ابتسمت منال : والله مادري عن البنات
نوره : اتركي البنات انتي فاضيه هالاسبوع ؟
منال : اي فاضيه بس تعرفين شروق وشغلها وملاذ مشغوله بمكتبها وغلا تقول بتشتغل معاها
نوره : نسألهم كلهم يجيهم الدور وماضنتي الفرصه تتفوت اجواء الصيف ونهايته جاي الشتاء
منال : نتوكل على الله
نوره : فكرة سيف ، والود ودنا نجلس ٣ ايام نتونس فيها وبعدها ننشغل بملكة خالد
سجى : وهذي كلها ماجت الا وانا حامل ؟
ضحكت منال : النصيب
لفت انظارها نوره لسجى : لاتتعبين نفسك انتي اجلسي واستانسي ولا جا يوم الملكه اذا ودك ناخذك
سجى : لو ميته تعب بروح
منال : اسم الله عليك
ضحكت نوره : خلاص يعني هالاسبوع ؟
منال : ان شاءالله ان شاءالله
ابتسمت تاخذ فنجالها وتشرب من القهوه وتسولف
~
ابتسمت شروق تشوفهم واقفين ومشت لهم : اعشقكم
ابتسمت ملاذ بتعب ولفت عليها شروق : انزلي
ناظرتها ملاذ من المرايه ولفت لها : كيف ؟
ضحكت شروق : انا بسوق تعالي ورا
ملاذ : جاني الفرج
لفت غلا لملاذ : تجين قدام ؟
ملاذ : لا لا خلوني ورا
هزت راسها ب طيب وحركت السياره فتحت شنطتها ملاذ : شروق وين الحبوب ؟
شروق : بالشنطه
ملاذ : مالقيت شيء
عقدت حاجبينها بصدمه : الا دوري زين
سكتت ملاذ تدور ومسكت راسها بتعب : مافيه والله
شروق : معقوله طاحت بمكتبك ؟
ملاذ : احتاجها شروق بموت صداع
هزت راسها ب طيب تاخذ يوتير وتمشي لمكتب ملاذ من وصلت نزلت وهيه تفتحه ومشت شروق تدور : شوفيها
اخذتها ملاذ ولفت غلا : معقوله صداعك قوي ؟
ملاذ : علتي علتي هالصدااع
جلست بتعب وجلست شروق : تخيلوا بنات
لفوا لها البنات واعتدلت بجلستها : اليوم اشواق واريج شفتهم
غلا : مين ذولي ؟
شروق : بنات عيسى
شهقت ملاذ : اسالك بالله اشبها ؟
شروق : والله اغمى عليها البنت
غلا : ايش فيها معنفه كمان ؟
ملاذ : ماتوصل غلا
غلا : اتوقعها صراحه من اخوها واهلها
شروق : خلوني اكمل
ناظروها البنات تقول لهم كل شيء وتنهدت : بس الحمدلله مافيها شيء
ملاذ : الحمدلله
غلا : اشواق هذي ماحبها
شروق : احلاهم اريج صراحه
ملاذ : اي ، بسم الله عليها وجه وأخلاق
غلا : ودي تكلمتوا من اول ناخذها بدال مشاعل
شروق : تستهبلين ؟ ماتعرفين المشاكل الي بين ابوها وابوي
غلا : صح
ملاذ : فيهم الخير والبركه بس ماينفعون
تنهدت شروق تفكر بتعب ، بعد ١٠ دقايق من السوالف سندت راسها ملاذ على المكتب تناظر فيهم وقامت غلا للحمام ورجعت على كلام شروق : اي تحبينه
ملاذ : اجملهم
غلا : تحبين مين ؟
ضحكت شروق بعباطه : تحب سالم
كشرت غلا وجلست وضحكت ملاذ على تعابير وجهها : اي احبه واعشقه
شروق : يوه غلا لو مانصحتها انا كان بتصلح بينه وبين ابوي
غلا : ويع ملاذ ! مو منجدك
ضحكت ملاذ : لا والله نتكلم عن سيف
شروق : حيوانه تحبه اكثر من تركي
ملاذ : يشبهني يشبهني يناس افهموا
ضحكت شروق وتنهدت براحه غلا من شافت انهم يمزحون معاها : خلاص خف صداعك ؟
ملاذ : الحمدلله
شروق : يلا
ملاذ : نتغدا فيني جوع مو صاحي
غلا : يوه ملاذ تونا ماكلين
ملاذ : كله راح من المول الي مشيناه
غلا : يوه من جبتي الطاري جعت
ناظرتهم شروق : يلا المطعم علي وعلى حسابي
ملاذ : ريحتيني
ابتسمت غلا ومشوا يحركون طالعين من الحي
~
وقف من شاف سيارة سيف ومشى له : ولد وينك انت
ناظر عزام بوجهه وعقد حاجبينه : وشفيك ؟
سيف : لا لا ولا شيء صار اي تطور مع الي لف علي ؟
تنهد عزام : لا والله الكلب باقي
سيف : تكفى عطني خبر حلو
ابتسم عزام يلف له : قريب اشرف الكلب بينقع بالسجن
سيف : ان شاءالله
عزام : ياخي مو مرتاح لك وشبك انت ؟
ضحك سيف : ان مبسوط قلت مب مرتاح واذا سكتت مو مرتاح ياخي وش اسوي
عزام : وجهك وجهك ماهو طبيعي تكلم صار شيء مع ملاذ ؟ ولا سالم
هز رأسه سيف من طاريها وسكت بأنزعااج : لا لا ، تكفى روح البر بخاطري ارتاح
عزام : ياخي ترتاح من وشو علمني تكفى
سيف : مو صاير شيء ياخي امش
سكتت عزام يصد عنه وبباله اسئله مالها جواب من وصل ومشى يجلس وتنهد يشم هواء وغمض عيونه بتعب شافه عزام ولا يدري وش فيه حاله متغير وده يسأله وده يقول له ويبوح له ولا وده يذكره يرتاح والأهم قدامه وقدام عيونه سيف حتى لو ضايق رجع راسه لورا يشوفه ناظر فيه سيف وصد يناظر الفراغ الظلام الهدوء يتأمل سيف والبرود كاسيه ولا تكلم وكانه خذلان تقدم له عزام : سيف
ناظر فيه سيف وسكتت لثواني عزام : تدري أنك اخوي وأعزك وغلاتك أكبر شيء عندي بهالدنيا ، انا مالي اهل الا انت ومالي احد الا انت وماعندي شيء اخاف اخسره الا انت ، ماعندي اخت ولا اخ ولا ام ولا اب بس عندي سيف سيف اخوي لو تبي روحي عطيتك بدون تردد يشهد الله انك اغلى شيء عندي وانك اخوي مانت بصديقي بس واني اعزك واحبك
قام سيف يجلس يسمعه وكمل عزام : ماني مرتاح والله مو مرتاح صاير معك شيء وانت مب مرتاح وانت ياسيف لو انخذلت ماتتكلم ولا تعطي اي ردة فعل صار شيء في موضوع شاغل بالك ؟ تكفى ريحني والله ماني عارف وش اسوي
ابتسم سيف يمسح على كتفه : والله انك اكثر من صديق وانك اخوي وياكبر غلاتك بقلبي
عزام : شاركني ضيقتك وفرحتك وانا اخوك علمني
مارد سيف وناظر عزام فيه لثواني : مو احنا عينين براس ؟
ضحك سيف غصب عنه : والله اني احبك
ابتسم عزام : ايه اضحك ياخي ان ماودك تعلمني لاتعلمني بس اضحك
سيف : اسكت خلني ارتب افكاري
ناظره عزام وتنهد بتعب وأبتسم : ملاذ عرفت انك جبت لها القطوه ؟
بلع ريقه من طاريها وهز رأسه بالنفي بدون رد ، ضيقته وحزنه وسعادته مربوطه بشخص مربوطه بملاذ عض شفته بقهر وأنصدم عزام : ولد !!
صرخ سيف بتعب : حبيتها حبيتها والله
قام عزام له : وشفيك ؟ وش صايرر
بلع ريقه يجلس ومسكه عزام بصدمه : وش صاير ؟
رمش يناظر بعزام وجلس بتعب : اليوم رحت اشيك على كاميرات مكتب ملاذ على طلب عَمي وشفت سيارتها مشيت ونا مبتسم اني بشوفها بس تراجعت من شفت شروق جالسه وملاذ سانده راسها على المكتب تدري وش سمعت ؟
ناظره عزام بتساؤل وكمل سيف : سمعتها باذني وهيه تبتسم سمعتها وشفتها وهيه تقول اي انا احب واعشق سالم تدري ؟
جمد وجهه عزام بصدمه وضحك سيف : البنت الي كبرت معي وعاشت في وسط ضلوعي البنت الي حبيتها اكثر من نفسي والي اقسمت انها تكون لي البنت الي أبتسم اذا ابتسمت وازعل ان لمحت شيء بوجهها البنت الي انتظرتها سنين وسنين عشان تجي عشان تكون لسيف حب طفولتي هذي تنهد بتعب وكمل كلامه بخذلان غمض عيونه بتتعب وصرخ بغضب : وشلونن عزام ؟ البنت هذي اول ماشافتني حضنتني من لهفتها ترتبك لاشافتني وتتوترر اعرف ملاذ والله اعرفها
رمش عزام بصدمه : اصبر استوعب
جلس بأسى وغمض عيونه : آهخ ملاذ
عزام : مستحيل ماتكون تحبك يمكن تمزح ؟
سيف : شلون ماتمزح فهمني اقولك سمعتها باذني وشفتها بعيوني عيونها تنطق بالحب وطريقة كلامها
عزام : انا انا شفتها البنت دورت لك بوسط الظلام مشت بخطوات ومسافات البنت تدور لك كلها أمل انك عايش يوم صدمت دخلت قريه ماتعرفها ودخلت بيت انسانه ماتعرفها لانها تدري ومتاكده انك عايش وتدري انك مستحيل تخلينا كلنا شفتها بعيوني هذي شفت خوفها عليك قلقها توترها شفت بعيوني تعب عيونها تعب قلبها وخوفها تحبك سيف والله تحبك
قام سيف وصرخ بتعب : آخ
قام عزام وراه : لاتستعجل في شي انتظر
سيف : لأول مره انخذل منها لأول مره احس اني غبي كيف كنت احبها واعشقها بدون اتاكد من مشاعرها ؟ ليش سمحت لها انها تعيش بوسط ضلوعي ليش سمحت لنفسي اقسم انها تكون لي ؟ ليش انحرق اذا فكرت انه ممكن احد يشوفها يشوف ملاذ الي اعرفها والأهم الكلب سالم
عزام : ماياخذها والله
سيف : وشلون وشلون ؟ هيه تحبه تحبه
عزام : بتستمر بحبها ؟
سيف : أنا كنت غبي لأني ماعطيت احتمال انها تحب غيري لاني دايماً خليتها أول اهتمامي دايماً تجي ببالي ماجا يوم ماحبيتها فيه ماجا يوم ماتمنيت انها حلالي ولف لعزام بأسى ونظرات الحزن والعتاب : بس انا مالي بقلب مالي فيه عِنوان
صد سيف بعيونه يناظر الفراغ وعض شفته بقهر عزام
~
دخلت البيت ملاذ وأبتسمت تشوف نوره : حلو يعني تجلسين لين العشاء
قامت نوره تسلم عليهم : لا والله يابنتي فهد بيرجع
غلا : يوه أمي عادي نكلمه يجي هنا
منال : اي نكلم سعود يتصل عليه
نوره : وسيف ؟
غلا : نتصل عليه
هزت رأسها ب طيب ومشت ملاذ لغرفتها دخلت وأبتسمت تشوف فيصل جاي وراها : ملاذ
تقدمت وحضنته وأبتسم : سيف من اليوم مشغلني
ملاذ : مالقيته تحت
دخل وجلس على السرير وعلقت عبايتها وجلست قدامه : صاير شي معاك ؟
فيصل : لا لا بس اليوم دوامي متعب
ملاذ : انت مو مع عزام ؟
عقد حاجبينه : مين عزام مين ؟
ملاذ : صديق سيف رائد
فيصل : لا والله
هزت رأسها ب طيب ومسك يدها : يمكن اني ما أجلس معك ولا مع شروق واجد بس تعرفون اني احبكم ؟
ابتسمت ملاذ تناظر فيه : واحنا نحبك والله وندري
فيصل : اي شيء يصير معكم انا موجود مستحيل أبدي حتى شغلي عليكم لاتترددين تتصلين باي وقت انا موجود اي قرار تاخذينه واي شيء تشوفينه انا وراك مهما كان
امتلت عيونها بدموعها واحتضنها : افا تبكين ؟
شدت على حضنه : عارفه انك ماتخلينا وانك معانا وعارفه انك تحبنا أحبك والله
رفع كفه على شعرها ومسح عليه بحنيه وأبتسم : أنا ضايع الحين لو اعلمك تدليني ؟
مسحت دموعها وناظرت فيه : ايش ؟
تنهد بتعب فيصل : سجى
ملاذ : أشبها ؟
جلست باعتدال تسمعه : جبت منها ٣ وأجمل اطفال احبها والله ياملاذ بس هالفتره صايره غريبه معي
عقدت حاجبينها : غريبه ؟
هز رأسه بأي وعضت شفتها : اي ؟
فيصل : امس جلست معاها اسولف والبنت غريبه ماهي على خبري لا تسمع لسالفتي ولا نفس حماسها وبس تتأفف وحسيت اني ثقيل عليها
مسكت يده ملاذ : انت الحين مارح تربط الموضوع بالحمل لانها جابت لك ٣ ؟ مستحيل فيصل هيه تاخذ أبر عشان الجنين مايطيح وعشان الجنين يجيها بالخير والسلامه والأبر تقلل مناعتها والحمدلله مالها اي اعراض جانبيه خطيره بس هيه جالسه تتعب أكثر وحملها متعب لانها جالس ياخذ من صحتها سيف وتركي ولين والبيبي الي ببطنها والأهم تاخذ أبر عشان مايطيح ، مو بيدها الي جالسه تسويه بس أكيد تتعب وحملها هذا مُهلك اكثر لها والا نعرف كلنا انك تحبها وهيه تحبك وتعشقك بس أنت لاتزعل منها لانها هيه تتعب حتى لو ماتوضح وتبين يوضح واكيد نفسيتها بتكون سيئه
تنهد فيصل بتعب : والله اني ماودي تتعب
ملاذ : مو بيدنا لو ماتاخذ الأبر بيطيح البيبي
ناظر فيها فيصل بضياع وتقدمت تحضنه وتمسح على ظهره : فتره وتعدي وبترتاح وتنبسط لمن تشوف ملاذ الصغيره بيدك بتشوفها وبيروح كل هالعتب والزعل عليها
أبتسم فيصل : باذن الله
ملاذ : روح عندها الحين وخلك معاها كويس لا تزعلها ولا نزعلك احنا
فيصل : يوه نسيت ان منال وراي
ضحكت ملاذ : أنتبه
ابتسم لها ومشت ملاذ : لاتنزل ااوكيه ؟ غلا موجوده
فيصل : اجلسوا بالمجلس وراه بالصاله ؟
هزت كتوفها بعدم المعرفه وهز رأسه ووقفه صوتها : قول لسجى اذا ودها تنزل
فيصل : طيب
ملاذ : وسيف وتركي ولين وين ؟
فيصل : يلعبون بالمجلس مع لولي
هزت راسها وابتسمت تمشي للمجلس وضحكت تشوفهم يلعبون معاها وأخذتها من بينهم : هذي روح مو لعبه افهموا
صرخ سيف بضحك : نزليها نزليها
ملاذ : لا ، امشوا معي
مشت مع القطوه وابتسمت تمسح على ظهرها وجلست غلا : انتي وين اختفيتي ؟
ملاذ : بغرفتي
شروق : بنات طفش
ملاذ : بلعكس متونسه انا
غلا : وانا بعد
شروق : امشوا نسوي اي شي ولا نطلب قهوه ونطلع الحوش
ملاذ : اوكيه اطلبي
مشوا كلهم للحوش وجلست ملاذ بالجلسه تلم نفسها وتتأمل تنهدت تفكر بحال فيصل وسجى والضياع والتشتت الي حست فيه غمضت عيونها ورفعت راسها تشم هواء وناظرتها شروق بتعب من حالها وأبتسمت : كيرم ؟
ناظرتها ملاذ : ٤ واحنا ٣
غلا : سجى وين ؟
ملاذ : بتجي
هزت رأسها شروق : ننتظرها اجل
لفت ملاذ على صوت سيف وضحكت : والله جت
لفوا البنات عليها وهيه تمشي وضحكت شروق : الطيب عند ذكراه يجي
سجى : كويس يعني ذكري طيب
غلا : طيب طيب تعالي جالسين ندور رابع
سجى : رابع ؟
شروق : هذي مع كل حمل لها تصير غبيه
سجى : ايش رابع ؟
ملاذ : كيرم كيرم ياغبيه
سجى : يوه مالي خلق
شروق : ماعندنا مالي خلق تلعبين وانتي ساكته
ضحكت ملاذ وتاففت سجى : طيب
قامت ملاذ ومشت دخلت تدور وعقدت حاجبينها ولفت تنادي العامله : هاجر
دخلت هاجر ولفت لها ملاذ : الكيرم موجود ؟
هزت اكتافها بعدم المعرفه وتأففت بضيق : وينه ذا ؟
دخلت وشافت فيصل ومسكته : فيصل فيصل
فيصل : بسم الله
ملاذ : الكيرم ؟
فيصل : اشبه
ملاذ : اي وينه؟؟
فيصل : شدراني مادري
مشت ملاذ وراحت لهم : اجيكم بخيبتي
ضحكت شروق : ايش مالقيتيه ؟
جلست ملاذ : لا ، دورت وسالت ولا لقيت
غلا : سبحان الله دايماً
شروق : اكيد حطوه بمكان ونسو
ملاذ : ندخل ؟ لان الجو حر اصلاً
شروق : يلا
~