هالعيون السّود عاشقه لك يامغتره

١٠

~
~
ابتعدت عن حضن ابوها ورجع يناظر فيهم : بامانتكم
ملاذ : ٢٦ سنه وللحين لازم توصي الي اكبر علي ؟
ضحك سعود يهز رأسه وابتسمت ملاذ ورجعت شروق تحضنه : بنرجع
فهد : واضح انكم مبسوطين هنا
غلا : بعيد عن ازعاج الخبر هواء طبيعي وطبيعه ومزارع
شروق : ليش هواء الخبر ايش ؟
ضحكت غلا ولفت لابوها من نطق : نوديكم المزرعه بس ارجعوا
ابتسمت غلا تهز راسها بالنفي ولف لملاذ : رأس العصابه
ضحكت ملاذ : سم
فهد تقدم لها : انتبهوا لانفسكم وان دقينا ردوا
اختلفت الردود من سم ، ابشر ، منعيوني ، ركب سيارته فهد وناظرت ملاذ بامها ورمت لها بوسه وضحكت منال وميلت كتفها شروق على ملاذ وهيه تشوفهم يمشون لفت لهم : وش نسوي ؟
غلا : مانعرف
جميله : كلً لبيته يلا
ناظر سيف بملاذ ومشى ومشت معاه غلا : جبت قهوه لملاذ ؟
ناظرها سيف بصدمه وضحكت غلا : مايخفى علي شي
سيف : والله اني اسف لو كنتي صاحيه بس مادريت
غلا : لا تتاسف سيف !
ابتسم سيف ووقفت عند الباب ومشوا كلهم من دخلت ملاذ الصاله جلست بتساؤل : الحين بس في بيوت ؟
جميله : وشلون
ملاذ : يعني سوق او مزارع موجوده ؟
جميله : موجود السوق وموجوده المزارع
غلا : طيب يلا نروح
جميله : روحوا انتوا
ملاذ : مانعرف خالتي بنضيع والله
شروق : تكفين تكفين هيا
ناظرت فيها جميله وتقدمت لها شروق : اقول بليز ؟
ضحكت جميله وهزت رإسها ب طيب وناظرت غلا فيهم : طيب اصبروا نتغدا
ملاذ : مافي مطعم نشتري ؟
شروق : لا ، ملاذ تسوي الغدا
ناظرتها ملاذ بصدمه : كلبه بس اوكيه من زمان ماطبخت
ضحكت جميله : امشوا
قامت غلا وضحكت شروق : هذي حاسه اننا بنطلع لابسه عبايتها من بدري
ناظرتها غلا وضحكت ومشت معاها ملاذ ولفت لشروق من نطقت : جينا هنا ندور لسيف والحين نتمشى فيها ؟
ضحكت ملاذ : حدتنا الدنيا
شروق : حدتنا بالشي الزين
أبتسمت جميله ومشت شروق هالمره معاها ناظرت بعيونها ملاذ وضحكت شروق : خلاص هالمره انا
غلا : مافي قهوه ؟
شروق : ماسوينا بالبيت
ملاذ : ناخذ من السوبر اي شي
مشوا ودخلت ملاذ ولفت لشروق من نطقت : ماشاءالله هذا سوبرهم ؟
ملاذ : شروق فكينا من دلع الخبر اكيد مابتكون نفس خيالك
ضحكت غلا : اسفه بس صدق فكينا من الدلع
شروق : كلبه ! انا اتدلع ؟
ناظرتها ملاذ : اجل ؟
شروق : لا بس اسال
ملاذ : قدام عيونك تسالي ليش ؟
ناظرتهم شروق بطرف عين وضحكت غلا : مو طبيعيه البنت
اخذت الاغراض ومشت وابتسمت تدخل ذراعها بذراعها ومشوا بالسوق لفت شروق لهم : بنات هنا
دخلوا المحل وابتسمت تشوف الأشياء القديمه وصرخت ملاذ بفرحه : شروق ! راديو
ضحكت شروق وهيه تمشي : امانه
ملاذ : وربي شوفي
جميله : مبسوطه هالقد اول مره تلقينه ؟
ضحكت شروق تناظر فيها ونزلت نظرها له : رحت كل مكان ابي مثل كذا ولا لقيت
غلا : تكفين لاتشغلينه وتبلشيني بالليل
ضحكت شروق : اهخ باخذه
ملاذ : في اشياء حلوه
غلا : تعالوا نتصور
وقفوا كلهم ولفت ملاذ لجميله : عادي ؟
جميله هزت رأسها وابتسمت ملاذ ولفت غلا لهم تشوف الصوره : تهبل
طلعوا من السواق ولفت لهم شروق تاكل علك : والله حلوه
غلا : هذي لو تاكل علك ابعدوا عنها
ضحكت شروق : افا
جمد وجهه ملاذ بصدمه تشوف الي قدامها وناظرت بغلا ولفت بعيونها : سيف ؟
تقدم سيف لهم : وش تسوون ؟
غلا : نتمشى بالسوق
سيف : تحتاجين فلوس ؟
غلا : لا معي صرافتي
لف بانظاره لملاذ وشروق : وانتوا ؟
شروق : كل شي معانا
ابتسم سيف وهز رأسه ولفت جميله لملاذ : ودك تروحين مع خطيبك ؟
ملاذ : لا لا لا انا جايه معكم ليش اروح ؟
شروق : لو رحتي بزعل صدق
ملاذ : مابروح يحياتي كل شي ولا زعل شروق
ضحكت شروق وتقدمت لهم غلا ولفت ملاذ بعيونها وطاحت عيونها بعيون سيف شدة على قبضة يدها بتوتر تخفيه وصدت عنه تعطيه ظهرها ومشت وتنهد : آهخ نفسي احرق العبايه هذي
عزام : هيه واختها عليهم الوان
سيف ناظره وصد عنه يمشي ، كل الألوان تجذبه يفضل اللون الأحمر والأسود والأبيض وجميع طبقات اللون الأزرق يحب كل لون تلبسه ، تذكر شكلها بالفستان الأحمر شعرها الطويل الويفي مكيبها الهادي على ملامحها وشكلها الأنيق كلامها وكل كلمه تنطقها ، شعوره الأول من سمع أسمه من ثغرها من أول حضن لهم ولهفتها له نظرات الخوف والتوتر واللهفه والعتاب شافها بعيونها ، لف على عزام من نطق : خلصت ؟
ضحك سيف يحك جبينه : وين نروح ؟
عزام : مادري انت الي قلت لي نطلع
ناظره سيف وقام عزام وكملوا يمشون
~
جلست بوسط المزرعه ولفت للبنات الي يسولفون واخذت جوالها من شنطتها وأبتسمت تشوف اسم فيصل ينور شاشتها : القاطع ؟
فيصل : وينك وين الناس وين الأهل
ملاذ : بالطريق جاين لكم
فيصل : ماودي أسال عن التفاصل مابقدر شوفي
ضحكت ملاذ : سيف
مارد عليها يلعب بالجوال : اشبه ذا
فيصل : ورع مانت قلت تبغى تكلمها ؟ تكلم طيب
ملاذ : فيصل خير مو يعني اني بعيده مابقدر اهاوش
سكتت فيصل وصدت ملاذ عنه : سيوفي
أبتسم سيف وثبت الجوال فيصل وضحك يرفع الحلاوا : حلاوا
ملاذ : بالعافيه حياتي
لفت لسجى الي جلست ورا سيف : اخت ملاذ
ملاذ : عيوني ، طمنيني كيف صحتك ؟
سجى : الحمدلله كويسه
ملاذ : مع الأبر ؟
سجى : كله تمام وتعب خفيف بس بتمر
ملاذ : ان شاءالله يروحي ان شاءالله
سجى : متى تجون ؟
ملاذ : بكره
سجى : ايه تكفين طولتوا
ملاذ : جايه
اخذ الجوال فيصل : ماودنا نعطلك استمعتي
ملاذ : ونستوني طفشوني اصلاً
ضحكت سجى : تحتاجون شي ؟
ملاذ : لا
أبتسمت وهيه تقفل ولفت لهم واخذت الايسكريم تاكل لفت بعيونها وابتسم سيف من تلاقت عيونهم وكانها تدور له وطاحت عيونها بعيونه صدت عنه وضحك سيف ولف لعزام الي يسولف بعيد عنه وشافها لحالها وتقدم لها : خطيبتي ؟
جمد وجهه ملاذ بصدمه وضحك سيف من تغير لون وجهها وعضت شفتها بغيض منه : تستهبل سيف ؟ مصدق انت يعني
رجع ظهره لورا يناظرها وصدت عنه وتأففت بضيق تشوف جميله جايه لهم : سيف ؟ وشلونك
سيف : الحمدلله خالتي طيب انتي شلونك ؟
جميله : الحمدلله الحمدلله
ابتسمت ملاذ لها وناظرتها بعيونها : اجلسي مع خطيبك يابنتي والبنات معي
قامت ملاذ : خالتي ؟ الاكيد بجي معكم
ناظرتها جميله وبتتكلم بس قاطعتها ملاذ : امشي يلا
اخذت شنطتها ومشت ولفت لهم : بنات خلاص بكرا نحرك
شروق : تكفين ملاذ
ملاذ : شروق ؟ خلاص جينا ندور لسيف وشوفيه الحمدلله
غلا : في قضيه شروق لازم تكسبها ملاذ
ملاذ : وباقي اخذ تقرير عن حالتها وباقي وباقي
شروق : حالتها ؟ ايش هيه
ملاذ : معنفه
شروق : طيب خلاص ٥ ساعات والتقرير بيدك
ملاذ : شاطره ، عشان كذا لازم نرجع
شروق : اوكيه
وقفت غلا ولفت لها ملاذ : كلميهم نرجع
شافهم سيف وتقدم لهم : اشبكم ؟
غلا : نرجع بكرا
هز رأسه سيف وناظرته ملاذ ، مثل الي يقرا افكارها ويفهم عليها من نظراتها ، عارفها ويعرف ملاذ أبتسم يناظر بغلا : راجع معكم
ضحكت بخفوت ملاذ وأتسع ثغره من يشوف ابتسامتها وضحك عزام : اجل بكره
غلا : كويس كنت شايله هم انك ماتجي معانا
سيف : جاي جاي معكم
ناظرته ملاذ وصدت عنه تمشي وأتسع ثغرها بأبتسامه يفهمها من نظرتها يفهمها عضت شفتها ودخلوا البيت ولفت لجميله : والله متعوده عليكم
شروق : تجين معانا الخبر ؟
ملاذ : تعالي
ضحكت جميله عليهم : ما أفارق بيتي هذا
ملاذ : طيب بتوحشيني
جميله : والله اني عديتكم بحسبة بناتي ، تعرفون بيتي وتدلونه متى ماودكم تجون الله يحيكم
ملاذ : بدون مانتصل ؟
جميله : بدون ، تعالوا
ابتسمت ملاذ تتقدم تحضنها وتقدموا البنات يحضنونها وابتسمت : الله يديمكم الله يديمكم
ملاذ : امين
~
بعد مرور ٤ شهور تحديداً بمكتب ملاذ >
دخلت المكتب وأبتسمت بأعجاب : واو
شروق : اجمل من خيالي
أبتسمت ملاذ ولفت لسيف الي يناظر فيها وصدت بعيونها تمشي بمكتبها : مره شكراً
سيف : عاجبك ؟
أبتسمت ملاذ تلف بأنظارها : خيال خيال
غلا : ماتوقعت فعلاً كذا
أبتسم سيف ومشى باتجاه ملاذ ومد يده : هذا المفتاح وخلصنا والله يكتب لك الخير فيه
أبتسمت تناظر فيه : مشكور ماتقصر
أبتسم سيف لها وطلع من المكتب أشرت له غلا وأبتسمت تشوفهم كانت تمشي بمكتبها ، مكتب المحاميه ملاذ بنت سعود المكتب الي بتشوف فيه الاف القضايا وبتكسبها ، شعورها أنها حققت حلم فهد وأول قضيه كسبتها قضية سلوى ، تذكرت كلام سيف وكلامه عنها وكله ثقه واثق أنها بتصير الاكبر مستقبلاً وتحب وظيفتها وشغلها ، تتذكر محاورتها للقاضي ووتذكر قرايتها لأوراقها كانت تناظر فيه بوعيد ونظراتها الي تحس بتحرقه ، وفت بوعدها وكسبت قضية سلوى وأنتصر الخير على الشر تتذكر نظرات الأمتنان والشكر نظرات الفخر والفرحه الي كانت تشوفها بعيونهم أعلن القاضي الحكم وكانت فرحتها من فرحة سلوى ، كانت متجاهله أصوات البنات وضحكهم متجاهلتها وعايشه بأفكارها بهوجاسها دخلت التخصص برغبه من أخوها دخلته وحلفت ينتصر الخير على الشّر وتكون محاميه سمعتها وشغلها وفطانتها تسبق أسمها ، صارت واليوم تخطي أول خطوه لمكتبها تخطي أول خطوه وتجلس على مكَتبها أوراقها قضاياها أبتسمت تجلس على الكرسي حقها وتطلع صورتها ، صورة ملاذ وفهد صورة الـ ٢٢ سنه أبتسمت تشوفها على مكتبها ولفت للبنات غلا الي تتامل كل زاويه بالمكتب وكأنها فخوره ومبسوطه بشغل أخوها ، شروق الي جالسه ونظرات الفرحه بعيونها نظرات السعاده والراحه الي لمحتها بعيونها وكأنها واثقه بملاذ ، بمحامية المستقبل بنت سعود عضت شفتها وهيه تتمنى يشوف كل أنتصار لها كل فرحه لها ، أول قضيه تكسبها ومكتبها اول فرحه أنتصار للمظلوم وأول انتصار للخير على الشّر ،
صدت بنظرها تمنع أفكارها ولفت بعيونها من تقدمت شروق تاخذ شنطتها : أنا بحرك
ملاذ : باقي على دوامك ساعه
شروق : المسافه وبمر اخذ لي قهوه
ملاذ : اوكيه بتوفيق
أشرت لها ومشت تركب سيارتها ولفت غلا تجلس على مكتبها ولفت لها ملاذ : الي تحتاجينه قولي لي
غلا : نروح بكره او بعده نشتري الي ناقصه
أبتسمت ملاذ تتامل المكتب ولفت لغلا من نطقت : أحسك مو مصدقه ان هذا مكتبك
أبتسمت تناظر فيها : حققت حلم كنت أشوفه صعب وبدايه سيئه لي حققت حلم ومطلب شخص وأنا فخوره بنفسي قدرت اني اكون اليوم بهذا المكان ومحاميه ؟ ماتوقعت بيجي يوم واقول الحمدلله اني صرت محاميه
غلا : بس كان حلمك تصيرين دكتوره وكنتي تقدرين
ملاذ : كنت اقدر وكانت رغبتي بس الحين ؟ غايتي الوحيده أني اكسب القضيه وأكسر الشر
ابتسمت غلا بأمتنان تناظر فيها : ياحظ الوظيفه هذي فيك وبكل شخص يختارك انتي ياملاذ
ابتسمت ملاذ : أعشقك
قامت غلا : يلا نطلع نتغدا نسوي اي شيء
هزت رأسها واخذت جوالها من دق وابتسمت تشوف اسم ابوها : أبوي
سعود : هلا أبوي ، وينك ؟
ملاذ : طالعه من مكتبي
سعود : متى مافضيتي بجي اشرب عندك قهوه
ابتسمت ملاذ تاشر لغلا ووقفت : تعال ، مستحيل يكون شيء اغلى من ابو ملاذ
ضحك سعود : نور عيوني
ملاذ : أنتظرك
قفلت منه ورجعت شنطتها : أبوي بيجي
غلا : ماينرد طلب لأبو ملاذ
ضحكت ملاذ وأبتسمت غلا من ضحكتها : بطلب لنا قهوه
هزت رأسها واخذت جوالها لفت من سمعت صوت وقامت وضحكت تستقبله : أبو ملاذ
ابتسم يمشي لها : ماشاءالله ماشاءالله
حضنته ملاذ : كيف ؟
سعود : ماشاءالله تبارك الرحمن
تقدمت غلا له : يهبل شكله
ابتسمت ملاذ وجلس سعود يسمع سوالف غلا ودخلت ملاذ بهوجاس وحدتها بالغربه ٤ سنين خيباتها وضغوطاتها تحملت تعب ٤ سنين بعيد عن اهلها عن حب سعود وفخره فيها أمان شروق وملاذ وحنان وأهتمام ودفئ منال عن وقفة شروق الي تبين بكل الوقت وبكل حاله تفهم شعورها فرحتها حزنها زعلها عن فيصل الأخ الكتف لملاذ وشروق السند والظهر  ، حب العائله الدفئ والحنان الظل والجناح السعاده الراحه الطمأنينه بوجود ظل وثبات العائله "
لفت غلا لملاذ الي تشوفها ساهيه عنهم : ملاذ
ناظرتها ملاذ وأبتسمت غلا : في وش تهوجسين ؟
ضحكت ملاذ : ولا شيء
غلا : طيب القهوه وصلت
هزت رأسها وقامت غلا ولفت ملاذ لسعود الي يناظر فيها : فخور فيك يانور عين سعود ، أرفعي راسي ياجمل واكبر عناقيد البنات
أتسع ثغرها بأبتسامه وقامت ملاذ وتوجهة له تحضنه وتبوس راسه : الله يديمك لي أبوي
ابتسم سعود يمسح على راسها وضحكت غلا تشوفهم : انا مادري وش يصير وش ينقال عشان تجي هالاحضان
جلست جنبه ملاذ واخذت قهوتها وناظرت بابوها بأمتنان من وجوده ولفت لغلا : أعشقه
أبتسم سعود يقوم ولفت له غلا : بدري
سعود : والله اني مشغول مره ثانيه
ملاذ : اوكيه
قام سعود ومشت وراه ملاذ ودخلت من اختفى عن نظرها وتنهدت بتعب ملاذ : تعب تعب
غلا : طيب يلا نروح
ملاذ : وين ؟
غلا : شوبنق ؟
ملاذ : لا لا ، برجع البيت اريح وخليها وقت ثاني
هزت رأسها غلا وطلعت وقفلت مكتبها ومشت لسيارتها وصلت غلا ومشت لها نوره : الله يكتب لك الخير فيه
ملاذ : اللهم امين
نوره : تعالي تغدي معانا
ملاذ : والله تعبانه خالتي برجع أنام
نوره : زين يابنتي
أشرت لها ملاذ وركبت سيارتها من وصلت نزلت من سيارتها وابتسمت تشوف سجى وامها طالعين : ياهلا
منال : خلصتي ؟
هزت رأسها ولفت لسجى من نطقت : بنروح مع شهاب بشتري أغراض
ملاذ أبتسمت : لملاذ الصغيره ؟
ضحكت تهز رأسها : اي
ملاذ : ماقدر والله سجى تعبانه وابي اريح
منال : أمي انتي عادي انا معاها
سجى : اي عادي
هزت رأسها ودخلت تدور بعيونها وابتسمت تشوفها نايمه : لولي ؟
مسحت على بطنها بحنيه وضحكت من تشوف حركاتها بالنوم عدلت سلسالها الي شرته لها ومشت طالعه لغرفتها
~
مسكت راسها بانزعاج وشدت على راسها من صداعها قامت وهيه تسمع اصواتهم اصوات الضحك عقدت حاجبينها ودخلت الحمام تأملت وجهها بتعب من خلصت مشت وهيه تنزل لهم وأتسع ثغرها بأبتسامه ومشت لهم : ايش هذا
ناظرتها سجى ترفع اللبس : بنك
جلست ملاذ : كلها لملاذ النونو
ابتسم فيصل يشرب من قهوته مع ابوه ويناظر فيهم فرحتهم بقدوم طفله ماتتغير ، نفس الأبتسامه نفس الفرحه نفس الحماس
قامت ملاذ وناظرت فيهم : تغديتوا ؟
منال : اي أمي تغدينا
هزت رأسها ودخلت المطبخ اخذت لها مويه تشربها وأبتسمت تشوف البطيخ اخذت تاكل منه بهدوء رفعت جوالها على اتصال غلا : حسيتي اني صحيت ؟
ضحكت غلا : اجرب حظي
ملاذ : آمري
غلا : ايش تسوين ؟ طفشت صراحه بالبيت
ملاذ : اكل بطيخ ، خالد لسى ماجا ؟
غلا : اتصل علينا وبكره بيجي
ملاذ : كويس
غلا : نطلع ؟
ملاذ : وين ودك
غلا : شوبنق ؟
ملاذ : اوكيه نص ساعه وامرك
ابتسمت غلا وقفلت جوالها لمحها سيف جايه وتبتسم وقام متوجهه لها : وش هالابتسامات ؟
غلا : ولا شيء
غمز لها سيف وضحكت غلا : ملاذ بترمني بس
سيف : وكل هالفرحه عشانها ؟
مشت غلا ولفت له : احبها احبها اعشقها
أبتسم سيف وجلس يتأمل الفرحه الي سببها ملاذ بلل شفايفه ولف لعمه : شرايكم الأسبوع هذا نروح البحر ؟
ابتسمت غلا : نروح
سيف : وخالد معنا
ابتسمت نوره : نروح نروح
سيف : نحجز شاليه ونروح
فهد : انا والله مشغول روحوا انتو
سيف : نكلم عمي سعود بعد
لفت غلا لابوها : مايتأجل ؟
فهد : بشوف بشوف
ضحك سيف : عشانه عشان سعود يتأجل
ضحك فهد من ضحك سيف وأشر على خشمه وقام وقامت وراه نوره ولف على نوره : مو الخميس عزيمة بنت عساف ؟
نوره : مو هالخميس الخميس الي بعده
فهد : زين زين روحي اليوم عند منال وارسموا خطة سيف
ابتسمت تهز راسها بالأيجاب ووقفت من سمعت صوت سياره وابتسمت تشوف ملاذ : ملاذ ؟
نزلت من سيارتها وسلمت عليها : شفت عمي خرج
نوره : اي ، تعالي تقهوي واطلعي
ملاذ : مشكوره خالتي والله باخذ غلا ونطلع
نوره : تعالي تعالي تقهوي وباقي بروح لأمك
ابتسمت ملاذ ومشت معاها تدخل بلعت ريقها تشوف سيف جالس وأبتسمت تشوف غلا لها تتقدم لها : هيفين
أبتسمت ملاذ تحضنها : قلت لك لاتقولي لي هيفين
لقت لسيف من قال : كيفك ملاذ ؟
جلست ملاذ : الحمدلله بخير
أبتسم سيف وقام متوجهه لغرفته ولفت غلا لملاذ : بروح البس واجيك
ملاذ : اوكيه أستناك
جلست ملاذ واخذت القهوه تشرب ولفت لنوره من نطقت : الا اقول ملاذ
لفت لها ملاذ وكملت نوره : وش رايكم الاسبوع هذا نحجز شاليه ؟
ملاذ : صراحه ماعرف وراي اشغال كثيره للمكتب
نوره : ماتتأجل ؟ نغير جو
ملاذ : متى حددتوا اي يوم عشان اشوف
نوره : بروح اليوم لاهلك ونتفق على اليوم
ملاذ : اوكيه خالتي اليوم بشوف وان شاءالله مافي شغل
ابتسمت نوره وقامت ملاذ ومشت معاها غلا وابتسمت : تكفين قولي وافقتي على الشاليه
ملاذ : ماعرف غلا يمكن اكون مشغوله
غلا : يمكن مو اكيد يعني اوكيه
ضحكت ملاذ : بشوف وباقي شروق مانعرف
غلا : نشوف اليوم الي ماعليها مناوبه
ملاذ : فكره حلوه
ركبت سيارتها وحركت ووقفت تاخذ قهوتهاا وأبتسمت غلا تصور ولفت لها ملاذ : دقي على شروق شوفي فاضيه
هزت رأسها واخذت جوالها تتصل تنتظر ردها وردت : هلا
غلا : وينك ؟
شروق : بدوامي
ملاذ : شروق انتي فاضيه ؟
شروق : لا والله ملاذ ماخلص دوامي
ملاذ : اوكيه تمام
قفلت غلا واخذت جوالها تشغل اغاني وابتسمت ملاذ من سمعت بدايه لأغنيه عبدالمجيد عبدالله وأتسع ثغرها بابتسامه لفت لها غلا : زوجك بعالم الموازي
ضحك ملاذ تعلي الصوت : اناااا ايششش
ضحكت غلا تغني : انا سكوتي ذهب ، بيوم القصايد كلام اهز بيض الورق ويطيح منها قصييد !
كملت ملاذ لحن الاغنيه : حركت غصن المشاعر لين طار المنام ومرت طيوفك وسرتني لدرب بعيد
ضحكت غلا تترك قهوتهاا ولفت لملاذ يغنون بصوت واحد وضحكت ملاذ : اعششقه يناس
ناظرتها غلا : تعااااااال ياحب اعيشك حب مليون عام
تعالل واسكن حبيبك كل عرق ووريد ياعذب من الماء وارق من الندى والغمام حرام أظما غلاتك وانت للقلب سيد
صفقت غلا بحماس وضحكت ملاذ تشرب من قهوتها : شوبنق ولا نتمشى ؟
غلا : ادمنت ، نتمشى
ضحكت ملاذ تهز راسها ولفت غلا : انا عشقتك بداييه ونا نجم بسماك ياول الحب وانت يالقديم الجديد سولف تفاصيل حبك وأنا كلي غرااام كل مانتهت سالفه قلت بالله عيد -
عضت شفتها ملاذ تتذكر سيف ، القديم الجديد أبتسمت بحب من مشاعرها الي حست فيها بالوقت هذا ، لفت لغلا تشوفها تغني ومبسوطه تصور ولفت الجوال على ملاذ وابتسمت للتصوير تسمع بصمت صوت الأغنيه لحد ما قال - تموج بي المشاعر لين بحر الهيام - توصفها وتوصف شعورها ، يحبها وتحبه وتعشقه ماتقدر تخفي ربكتها وتوترها ماتقدر تخفي شعورها وحاجتها له ، أبتسمت بخفوت تسمع أغانيه بصوته بكل وقت تسمعها ماكان يجي ببالها الا طلعاتها مع فهد وصوت عبدالمجيد واليوم ؟ تسمع صوت عبدالمجيد وببالها سيف وتحس بكل المشاعر الحب له وقفت من وصلوا وأبتسمت غلا تلف لها : تذكرين ؟
ابتسمت تقفل السياره وتنزل : اكيد ، البلو والأحمر معقوله مافي مناسبه جديده عشان نرجع نعيد ؟
غلا : أكيد فيه
ملاذ : ايش ؟
غلا : خلاص اذا رجع خالد بنحدد موعد الملكه
ضحكت ملاذ : والله ؟
غلا : والله يومين ثلاثه ان شاءالله ويتكلمون ويحددون
ملاذ : كل شيء كويس بس مو مرتاحه لمشاعل
غلا : شفت نظراتها بيوم الأستقبال لك
ملاذ : غريبه غريبه
غلا : بس يحبها ويموت فيها
ملاذ : الله يوفقهم يارب
~
رجعت رأسها لورا بتعب وأخذت قهوتها تشربها فتحت اوراقها رفعت نظرها على الباب من سمعته يدق : تفضل
عقدت حاجبينها تشوفه يدخل مع الباب : دكتوره
شروق : شتبي انت الحين
بلع ريقه بصدمه وناظرها : جاي أسال عن حاتم
اشرت له يجلس ومشى متقدم يجلس : تحسن ؟
هزت رأسها تترك قهوتها : الحمدلله حالته تمام ولا في اي ضرر وصراحه أفاقته اخذت وقت وأول مره يمر هذا الشيء علي بس الحمدلله كويس وبكره او بعده ينكتب له خروج
عزام : أعضائه ؟
شروق : كلها سليمه
قام عزام : الحمدلله ، شكراً لك
شروق : العفو ، ولو تبي اي استفسار الدكتور امين عنده التفاصيل الدقيقه اكثر
هز رأسه ب طيب ومشى يطلع وقامت شروق ومشت تاخذ لها قهوه وعقدت حاجبينها تشوف البنت الي طاحت مغشي عليها ركضت لها ترفع راسها : بنت بنت
ساعدوها الممرضات ودخلت الغرفه تكشف عليها وجمد وجهها تشوف البنت : اشواق ؟
بشاير : تعرفينها ؟
شروق : اعرفها
لفت من سمعت صوت البنت الي تبكي ومسكت راسها بتعب : مين انتي ؟
بكت بخوف : انا انا أريج ايش صاير
شروق : لا تخافين
اريج : ابغى اشوفها
مشت معاها شروق لمكتبها وجلست : من ايش كانت تعاني ؟
اريج ماردت وهيه تبكي واخذت شروق تعطيها مويه : لاتبكين بتصير كويسه بس مارح نعرف اذا ماتكلمتي
مسحت دموعها ورفعت نظرها لشروق : ماعرف شروق فجاءه طالعين وقالت تحس بدوخه مع انها اكلت بس مااعرف ايش صار لها كلمنا السواق يجي هنا نتطمن عليها بعدين نرجع نطلع بس زي ماشفتي اغمى عليها
شروق : ممكن هبوط بالضغط عندها
اريج : بتكون بخير ؟
شروق : أكيد باذن الله انا بطلع لها
هزت راسها اريج وطلعت تنتظر برا الغرفه بخوف