كل من في الغرفة لاحظ وقوع الكأس، لم يلحظ أحدٌ رجفة يده ..
|عند ريم وجسار من حيث ما توقفنا |
كل الي ينقال لك بيتنفذ بالحرف الواحد ..
وهذاني احذرك شري لاتحاولين تلعبين معي محسوب عليك
حتى النفس الي تتنفسيه فاهمه؟
ما ردت ريم حتى صرخ عليها فااااهمه؟؟
هزت راسها بايجاب وهي تزفر غضبها
- فاهمه ..
ولأن وده يضغط على اعصابها اكثر ويحسسها بالعجز ربط يدينها ورجلينها تمتمت وتستنكر فعله :
- مستحيل تكون صاحي مستحيل مشى متجاهلها يدري انها تشمته بقلبها
فوق الم صلابة الارض وبرودتها كانت تحس بجوع شديد وعطش ما تتذكر انه دخل جسمها شي غير الغداء ..
مرت الساعات لين بدا ينشق ظلام الليل سمعها جسار تتحلطم وهو جايها بجوالها عشان ترد على اتصال ابوها وما يحس بشي شهقت بخوف وفزت من دخل وفتح الباب بقوه
- بسم الله الرحمن الرحيم!! أنت ما تعرف شي اسمه هدوء ؟
رفعها وقالها لا ما أعرف ، بتردين على ابوك الان ولو حسستيه بشي انهيت حياتك وحياته معك ..
بلعت ريقها بتوتر فتح المكالمه وحطها على مكبر الصوت
ردت من وصلها صوته : لبيه ياروحي ؟
الفريق خالد : لبيتي بمكه وينك يابوي ماتردين من البارح اشغلتي بالي!
- سامحني كان يومي طويل ورجعت نمت ما حسيت بنفسي من الارهاق
تمتم بـ: سلامتك طمنيني عنك الحين كيفك؟
دار بينهم الحوار المعتاد السؤال عن الاحوال وودعها ابوها وقفل
سحب جسار الجوال وسألها : تبين شي؟ اجيب لك اكل؟
ردت بحنق : ابي فرقاك لو ما كلفت عليك
نطق بقوله: جزاتي فيك ؟ زين خليك احسن موتي جوع
طلع وقفل الباب وقف يسمعها وهي تتحلطم مره ثانيه
اي والله بموت لكن تخسي اطلبك يالخسيس!
ابتسم وهو يسمعها تشتمه وتدارك وضعه ماينكر انجذابه لها
لكن حقده كفيل يعمي كل مشاعره ..
حُبه لاخوه الاصغر قادر يخليه يثور له ويسعى لانتقام كفيل يمحي كل سلالتها ، رشو الملح على جرحه وصابوه في مقتل ..
ماطول ورجع لها باكل ومويه .. ضحكت منّه شصار
مو توك تقول موتي ؟
أنهى المقاش من قال موتي لكن بعد ماتطلعين أنس ..
________
صحى أيهم على صوت مكالمه رفع راسه واستوعب انه نام على المكتب مايدري كيف مر الوقت عليه نومته مُتعبه كل ذره فيه تطلب الرحمه
رد يوم شاف ان المتصل الفريق خالد : هلا
صاح فيه بالغضب: والله ما يصير خير لو بس أشك انك مسوي شي بدون علمي!!
مسح وجهه يحاول يستوعب وش هو مسوي
بسم الله يالله صباح خير ؟
أردف خالد بقوله : ان فكرت تروح ما اسلمت فيك عظم
صاحي انت ؟؟ على بالك انهم غافلين ومايراقبون مين يدخل عليه ومين يطلع من عنده تبيهم يفقعون راسك ؟
رد عليه أيهم بشي من البرود : انا اساسا ابيهم يلحقوني كيف تبوني اوصل لطرف خيط ؟ وماتدري يمكن يتكلم مارح اخسر شي ..
أردف خالد بقوله: وما كان لك أي نيه تعطيني خبر !!
تابع كلامه من قاله أيهم لو عطيتك خبر بترفض
والحين دريت وبرفض وان كان فيك خير عاند وتدري وش بيصير
اخذ أيهم نفس وهو يحاول يقنعه : اذكر الله الامور ا...
ما كمّل كلامه من قاطعه خالد بقوله قراري وواضح لا يعني لا .
تنهد أيهم وصبره بدا يقل : لو بقيت على قراراتك ما تقدمنا والوقت يداهمنا لا تخاف أصيل والشباب ماهم مقصرين معي
أردف خالد بنبرة القلق
-ماخفت عليك الا في البُعد ولا اني داري بك وانت امانة ابوك لي
رد أيهم يطمنه لا تخاف علي ما بيصير شي وما بيصير الا المكتوب
تنهد خالد وهو عارف انه بيسوي الي براسه
-يعني معزّم؟
اجابه أيهم بالموافقه : بطلع بعد شوي
تنهد الفريق خالد من عناده وأنهى كلامه بقول : الله يجيب العواقب سليمه ، خل أصيل حولك .
