Black&White Harmony (Completed)

Part.9

နေပြန်ကောင်းသည်နှင့်ဂျောင်ကုအလုပ်ပြန်ဆင်းသည်။နေမကောင်း​ဖြစ်ရတဲ့အကြောင်းအရင်းကလည်းထယ်ယောင်းနဲ့Alphaကောင် ဆိုင်လာပြီးစားသောက်တဲ့နေ့၊အပြင်ဘက်အင်္ကျီပါးလေးနဲလေညှင်းထွက်ခံမိသလိုညဘက်အိမ်ပြန်ရောက်တော့လည်းရေတွေအကြားကြီးချိုးမိကာ၊ခေါင်းမသုတ်ဘာမသုတ်ပဲရေစက်လက်နဲ့အိပ်ရာဝင်ခဲ့တော့မနက်မိုးလင်းကျ
ဖျားပါလေရော။မထင်မှတ်စွာပင်....ထိုအဖျားတွေတက်တဲ့ညကထယ်ယောင်းသူ့ဆီရောက်လာခဲ့သည်။ထို့နောက်တစ်ညလုံးပင်ပန်းခံကာပြုစုခဲ့ပေမဲ့မနက်မိုးလင်းအသိဝင်ဝင်ခြင်းမှာပင်ထိုကောင်လေးအားကြမ်းကြမ်းတမ်းတမ်းမောင်းထုတ်မိခဲ့၏။

တစ်ကယ်ဆို ဟိုလူယုတ်မာနှစ်ယောက်နဲ့ပတ်သတ်
ဆက်နွယ်နေတဲ့ကင်မ်ထယ်ယောင်းကိုနမ်းဖို့မပြော
နဲ့အိမ်ထဲတောင်ပေးမဝင်သင့်ဘူးမလား။အခုတော..ဂျောင်ကုမှာအပြစ်ရှိသူတစ်ယောက်လိုမမဓာတ်ပုံရှေ့မျက်နှာတောင်မပြရဲတော့။နောက်ဆုံးထွက်သက်လေးမှာ...မမရင်ထဲဘာတွေဖြစ်နေမလဲဂျောင်ကုသိချင်လိုက်တာ။

သေခြင်းတရားအပေါ်ကြောက်ရွံခြင်းလားဒါမှမဟုတ်မကုန်နိုင်တဲ့အမုန်းတရားတွေအတွက်ကိုယ့်ကိုကိုယ်အဆုံးစီရင်ခြင်းလား။

ဂျောင်ကု...ဟိန်းဟောက်လိုက်ပြီးသည့်နေမှစ၍ထယ်ယောင်းကအရင်လိုသူ့ရှေ့ဘွားကနဲပေါ်မလာတော့။သို့သော်...ဂျောင်ကုဆီကိုရောက်မလာဘူးလို့လည်းမဆိုလို။ဆိုင်သိမ်းအလုပ်ပြီးလို့အိမ်ပြန်တိုင်းထိုကောင်လေးသည်Hoddieအညိုရောင်ခပ်ပွပွလေးဝတ်ကာမလှမ်းမကမ်းကနေအမြဲတမ်းလိုက်လာတတ်သည်။ဂျောင်ကုလှမ်းလိုက်တဲ့ခြေလှမ်းတိုင်းတွင်အနောက်ကအရိပ်ကလေးမှာကပ်လျှက်။ကားတိုးစီးလည်းလိုက်စီးသလို၊ရထားပြောင်းစီးလည်းမရ။

နေ့စဥ်ရက်ဆက်တောက်လျှောက်ကြီးနောက်ယောင်ခံလိုက်နေသောအခါဂျောင်ကုမျက်ကွယ်မပြုနိုင်တော့။ကင်မ်ထယ်ယောင်းကဒီလောက်ထိခေါင်းကြောမာပြီးပြောရဆိုရခက်လိမ့်မည်လို့ထင်မထား။တစ်နေ့နဲ့တစ်နေ့စားရေးသောက်ရေးအတွက်လုံးပန်းနေရတဲ့အပြင်၊တစ်ခြားအရေးအကြောင်းကိစ္စတွေလည်းတစ်ပုံးတစ်ပင်။ထိုသို့ပြသနာပေါင်းသောင်းခြောက်ထောင်ဘဝထဲထယ်ယောင်းပါဝင်ပတ်သတ်လာသောအခါစိတ်မောလူမောဖြစ်ကာပိုလို့ပင်ခက်ခဲလာခဲ့၏။