Black&White Harmony (Completed)

Part.19

ဂျောင်ကုနဲ့လက်ထပ်မှတ်ပုံတင်ရပြီးနောက်ထယ်ယောင်းတော်တော်ပျော်နေခဲ့သည်။သူကလိုချင်တာ
ရသွားတဲ့ကလေးလေးတစ်ယောက်လိုပဲ...အိမ်အနှံ၊
လမ်းအနှံပျော်ရွှင်စွာကဆုန်ပေါက်ပြီးပတ်ပြေးနေတော့သည်။ဘာလို့ဆို...အခုဂျွန်ဂျောင်ကုရဲ့တရား
ဝင်ခင်ပွန်းသည်ကကင်မ်ထယ်ယောင်းဆိုတဲ့သူလေ။
လီဆိုဟီးမကလို့ဘယ်သူပဲလာလာ...ကိုကိုကတရား
ဝင်သူ့အပိုင်လေး ။ခဏခဏရေမွှေးနံသင်းနေတဲ့
စာချုပ်အနီလေးကိုထုတ်ကြည့်မိနေပြီး၊ကြည်နှုး
မူ့များနဲ့ပြုံးရယ်မိနေသည်ကလည်းမရပ်တန့်နိုင်။
သူအသက်ရှင်သန်ရာကမ္ဘာ​မြေကြီးကလည်းလှသလို၊ရူရှိုက်နေသည့်လေသည်လည်းသန့်ရှင်းလတ်
ဆတ်တယ်။အချစ်မျက်စိနဲ့ကြည့်တော့မြင်သမျှ၊
တွေ့သမျှအရာတိုင်းသိပ်ကြည်နှုးဖို့ကောင်းလိုက်တာ။

မေမေကထယ်ယောင်းအတွက်ဒိုင်ယာရီစာအုပ်လေး
တစ်အုပ််ချန်ထားပေးဖူးတယ်။ငယ်ငယ်တုန်းကဆယ်ကျော်သက်အရွယ်လေးမှာတောင်...မေမေ့အတွေအခေါ် တွေကရင့်ကျက်နေလိုက်တာ။

"လူတစ်ယောက်ကိုဘယ်တော့မှ စိတ်နှစ်ကိုယ် နှစ်
မချစ်မိစေနဲ့ တဲ့။ချစ်မိပြီဆိုတာနဲ့ကိုယ်ချစ်သလောက်တစ်ဖက်လူဆီကတုံ့ပြန်မေတ္တာပြန် ရမှာကံကောင်းတယ်လို့ဆိုနိုင်မှာ။အတုံ့အလှည့်မေတ္တာမရရင်တော့မင်းချစ်သလောက်နှစ်ဆပိုပြီးကြေ ကွဲခံစားရမယ်တဲ့"

ထယ်ယောင်းက ကိုကို့အချစ်ရပြီးသားလေ၊ကံကောင်း တဲ့လူသားလေးလို့ဆိုရမှာပေါ့။

ဒီတစ်ပတ်အတွင်းထယ်ယောင်းသိပ်ပျော်နေတယ်
ဆိုပေမဲ့မပျော်နိုင်တဲ့ ကိစ္စရပ်လေးတွေလည်းရှိတယ်။
သေးငယ်လွန်းတဲ့လက်စွပ်ကြောင့်တစ်ဖြည်းဖြည်း
ဆိုးဝါးလာတဲ့သူ့လက်။ဒီလက်အတိုင်းအတာလက်စွပ်ကအရမ်းကိုသေးကွေးလွန်းတယ်။လက်ညိူးတစ်ခုလုံးကိုကျစ်ညှစ်ထားသလိုဖြစ်ပြီးချွတ်လို့ပြုလို့လည်းမရ။လက်ကတစ်ဆစ်ဆစ်နာကာတစ်ရက်နှစ်ရက်အတွင်းမှာပင်လက်ညိုးတစ်ခုလုံးမဲညိုကာပုပ်ပွလာတော့မယောင်။

အထိမ်းအမှတ်မင်္ဂလာလက်စွပ်လေးက...ဒီလိုမျိုး
ဖြစ်တာနမိတ်မကောင်းဘူးမလား။ကိုကိုက..သူ့လက်အတိုင်းအတာကိုမခန့်မှန်းမိလို့လည်းမှားဝယ်တာလည်းဖြစ်နိုင်မှာပါလေ။