Black&White Harmony (Completed)

Part.40

Rainy ပန်းချီကားက ထယ်ယောင်းအမြင်တွင်
သာမာန်ပန်းချီကားတစ်ကားနှင့်သိပ်မခြားသလို
ပင်။ ပန်းခြံထဲမိုးရွာနေတဲ့ပုံကိုအသေးစိတ်ခြယ်
မှုန်းထားတဲ့ရိုးရိုးစင်းစင်းပန်းချီကားတစ်ချပ်သာ။
ထယ်ယောင်းပန်းချီအမြင်သိပ်မရှိတာလည်းပါ
မပေါ့။ဆိုရှယ်မီဒီယာပေါ်တက်ရှာကြည့်လိုက်
တော့လည်း ထိုRainyက ကော်ပီတွေအားကြီးပဲ။
ပန်းချီဆွဲနေကျဆရာကြီးတွေတောင်...ဘယ်ပုံ အတု၊ ဘယ်ပုံအစစ်လည်းခွဲရခက်တယ်တဲ့။

ထယ်ယောင်းအနည်းငယ်တွေဝေသွားရ၏။ဒေါ်လာငါးသိန်းထိပေးဝယ်ပြီးမှပန်းချီကားကြီးက
အတုကြီးဖြစ်နေရင်ရော၊မင်းသမီးဆုမီဆီက
မျက်နှာမရခြေထောက်ရမဲ့အဖြစ်ကြီး။နောက်ဆုံး..
ဒီလောကွတ်ချော်တဲ့အစီအစဥ်ကြီးကိုထယ်ယောင်းဖျက်ချလိုက်တယ်။မှောင်ခိုဘုရင်ရဲ့
ဖုန်းနံပါတ်ကတော့လိုရမယ်ရပေါ့။

လာမဲ့အပတ်partyပွဲအတွက်ထယ်ယောင်းအကောင်းဆုံးပြင်ဆင်ဖို့သာတွေးလိုက်တယ်။ Kim Gpရဲ့လက်ဝတ်ရတနာတွေကအကောင်းဆုံးအရည်အသွေးမှာရှိနေတာပဲလေ။ဒီဇိုင်းပိုင်းလည်း
အပြစ်ပြောစရာမလို။

ပင်ပန်းလာသည့်အနေအထားကြောင့် အပေါ်ကုတ်
အနက်ရောင်အင်္ကျီကိုချွတ်ကာ၊မတ်နေအနေအထားမှခပ်လျှောလျှောပုံစံပြောင်းထိုင်လိုက်သည်။တစ်နေကုန်အလုပ်ထဲစိတ်နှစ်လုပ်ရင်းအချိန်ပေါင်းများစွာကုန်လွန်ခဲ့သည်။ အေးစက်နေ
တဲ့ အခန်းထဲပူလောင်ပြင်းရှလာသော ခံစားချက်
ကြီးကြောင့် အပေါ်အင်္ကျီကြယ်သီးနှစ်လုံးလောက်
ကိုဆွဲ ဖြုတ်မိလိုက်တယ်။သူ့ Entrus ကာလပြန်
ရောက်လာပြန်ပြီလား။ခန္ဓာကိုယ်အတွင်းပိုင်းထဲက အပူတစ်ချို့ကြောင့်ခြေမကိုင်မိလက်မကိုင်မိ။မြန်မြန်ပင်အံဆွဲထဲnhibitorကိုဆေးထိုးအပ်ဖြင့်စုပ်ယူကာ သွေးကြောထဲတည်တည်ငြိမ်ငြိမ်ထိုးသွင်း
လိုက်သည်။

ထယ်ယောင်းဆေးထိုးအပ်တွေကြောက်တယ်။
ငယ်ငယ်က ဖေကြီးကိုယ်တိုင်ဆေးရုံလက်စွဲခေါ်
သွားပြီး သွေးစစ်ခိုင်းသည်ကအကြိမ်ကြိမ်။
ငါးနှစ်ခြောက်နှစ်ထယ်ယောင်းသေးသေးလေး၏
မသိစိတ်ထဲသူ့သွေးတွေဖောက်ယူသွားတဲ့ ဆေးထိုးအပ်တွေကို နတ်ဆိုးပမာကြောက်နေခဲ့
တယ်။အခုတော့ အဲ့နတ်ဆိုး ကသူ့အကောင်း
ဆုံးသူငယ်ချင်းဖြစ်လာခဲ့ပြီ။ inhibitor လေးသာ
အသက်ရှိခဲ့ရင်ထယ်ယောင်းကျေးဇူးတင်ကြောင်း
အကြိမ်ကြိမ်ဦးညွှတ်ပြောမိမှာ။တစ်ယောက်သူ
ထက်စာရင် ဒါလေးကပိုပြီးသူ့အတွက်အားကိုးရတယ်လေ။