Black&White Harmony (Completed)

Part.20

.ကင်မ်ထယ်ယောင်းကသူ့ယောကျာ်းဂျွန်ဂျောင်ကု
အိမ်ပြန်အလာကိုစောင့်နေခဲ့တယ်။သန်းခေါင်ယံက
နေညည့်ဦး၊ည ည့်ဦးကမိုးသောက်၊မိုးသောက်ကနေ
မိုးစင်စင်လင်းသွားပြီ။သို့ပေသိ...မျှော်နေတဲ့သူက
ပေါ်မလာသေး။မိုးလင်းအအေးဒဏ်​ကြောင့်သူ့
ခန္ဓာကိုယ်လေးကအေးစက်တောင့်တင်းနေပြီးလက်
ညိူးပေါ်ကဒဏ်ရာကလည်းတစ်ဆစ်ဆစ်ကိုက်နေ
သည်။နာရီတွေတစ်ရွေ့ရွေ့ကုန်လွန်သွားပြီ။အမျိုးမတူတဲ့ဖိုနဲ့မတစ်ညလုံးအတူတူရှိနေကြတယ်ဆိုတဲ့
အတွေးကမကောင်းတဲ့စိတ်ခံစားချက်ကိုပေးတယ်။

ထယ်ယောင်းကထိုဆိုးရွားတဲ့အတွေးကြီးကိုမောင်းထုတ်ပစ်ရန်ခေါင်းကိုလက်ကလေးနဲ့တစ်ဒုံးဒုံးထုရိုက်နေမိ၏။သစ္စာဖောက်ခံလိုက်ရသလိုခံစား
ချက်ကြီးကြောင့်သူအသက်ရူမဝဘူး။ပြူတင်းတံ
ခါးတွေဖွင့်ထားတာတောင်မွန်းကျပ်နေတုန်းပဲ။

ကိုကိုဘာလို့အဲ့လိုလုပ်ရက်တာလဲ။
ဒါတောင်အိမ်ထောင်ပြုခြင်းရဲ့အစပိုင်းပဲရှိပါသေး
တယ်။နောက်ပိုင်းကျန်တဲ့သက်တမ်းတွေတစ်လျှောက်ကိုကို့အချစ်ကိုသူဘယ်လိုယုံစားမလဲ။

ထယ်ယောင်း...စောင့်နေရင်းမျက်လုံးတွေကမခံနိုင်
တော့၊အိပ်ပျော်သွားသည်ကမှေးကနဲ။ သူ့စိတ်က
ဂျောင်ကုကိုဆက်စောင့်ချင်ပေမဲ့ခန္ဓာကိုယ်ကတော့
အလွန့်ကိုအားနည်းနေသည်ကြောင့်ဆက်ပြီးတင်း
မခံနိုင်။

ဂျောင်ကုအိမ်ပြန်လာချိန်..ဧည့်ခန်းဆိုဖာထက်ကွေး
ကွေးလေးအိပ်ပျော်နေသည့်ထယ်ယောင်းရယ်
။ငြိမ်ချမ်းစွာအိပ်မောကျနေတဲ့ကောင်ငယ်လေးကိုမနှောင့်ယှက်ချင်သည်ကြောင့်ခြေသံလုံလုံဖြင့်အိပ်ခန်းထဲသို့သွားကာအင်္ကျီအဝတ်အစားလဲလိုက်သည်။နောက်ဖေးချောင်ဝင်မည်အပြု...အခန်းထောင့်ဘေးနားကအမှိုက်တောင်းထဲတွင်သူယူနေကျထမင်းဘူးကိုအမှတ်မထင်တွေ့လိုက်ရသည်။ထယ်ယောင်းကအစားစာကိုဖြုန်းတီးတတ်သူမဟုတ်သောကြောင့်၊ဂျောင်ကုမျက်ခုံးတန်းတွေကျုံ့ကာ
ဒါဘာသဘောလည်းဆိုပြီးမနည်းစဥ်းစားလိုက်ရသည်။

ကင်မ်ထယ်ယောင်းအိပ်ပျော်နေစဥ်မှာပင်...သူက
နွားနို့ကိုဆူနေအောင်ကျိုချက်လိုက်ပြီးပါမုန့်ကြမ်း
တွေကိုထောပတ်သုတ်သကြားဖြူးလိုက်သည်။
မနက်စာအားလုံးအဆင်သင့်ဖြစ်မှဧည့်ခန်းထဲအိပ်
ပျော်နေသောကောင်ငယ်လေးအားသွားနှိုးလိုက်တော့သည်။