សម្លេងស្រួយរលែមរបស់កូនស្រីបន្លឺឡើង ស្របពេលខ្ញុំនឹងប៉ានាងកំពុងសម្លឹងស៊ីសាច់ហុតឈាមគ្នានៅចំពោះមុខនាង...ខ្ញុំរហ័សប្រាស់ខ្លួនចេញពីការដៃក្រាស់រួចរត់ទៅអោបរាងកាយតូចច្រមិចដែលឈរញ័រខ្លួនក្នុងរង្វង់ដៃ។
«នីល...អុ៎អុ៎...កុំភ័យអីណា»
«ម៉ាមី ហ៊ឺៗ កុំឈ្លោះគ្នាបានទេ ហ៊ឺៗ ក...កូនសន្យាថានឹងធ្វើជាក្មេងល្អ...»
ព្រះអើយ...ខ្ញុំបានធ្វើអីទៅ...កូនស្រីរបស់ខ្ញុំទើបតែ៣ឆ្នាំប៉ុណ្ណោះ រឿងទាំងនេះមិនសាកសមសម្រាប់ការលូតលាស់របស់នាងឡើយ តែមកពីខ្ញុំទើបនាងត្រូវបង្ខំអោយដឹងក្តីមុនអាយុបែបនេះ! ខ្ញុំអោបនាងបណ្តើរទឹកភ្នែកស្រក់បណ្តើរ អារម្មណ៍ស្អប់ខ្លួនឯងរីកមាឌពីមួយថ្ងៃទៅមួយថ្ងៃ។
«ម៉ាមីសុំទោស...ឈប់យំទៅណា៎»
«កូនស្រី! មកណេះអោយដេតឌីអោបដែរមើល៎»
ហ្សែក បន្ទន់ជង្គង់ចុះលើដី ហើយត្រដាងដៃ ញញឺមស្រទន់ដូចជាគ្មានរឿងអីកើតឡើងទៅកាន់កូនស្រី...ខ្ញុំឃើញបែបនោះក៏បានត្រឹមតែព្រលែងនាងទុកពេលអោយនាងមានពេលជាមួយប៉ានាងម្តង។
ផឹប!
នាងរត់តាំងៗទៅរកប៉ានាងទាំងទឹកភ្នែកក្លាក់ ឃើញទិដ្ឋភាពនេះធ្វើអោយខ្ញុំរំជួលចិត្តស្ទើរស្លាប់ទៅហើយ តើនឹងមានរឿងអីកើតឡើងបើនាងដឹងថាប៉ានាងមិនអាចមកជួបនាងញឹកញាប់ដូចមុន?
«ដេតឌី...កូនចង់ទៅផ្ទះយើងវិញ ហ៊ឺៗ កូននឹកដេតឌី ហឹក!ហឹក!»
«ម៉ាមីកូននៅខឹងដេតឌីនៅឡើយ ទៅពេលនេះមិនបានទេ...»
គេប្រាប់ទៅកូនស្រី តែភ្នែកបាញ់តម្រង់ខ្ញុំជំនួស! គិតថាអូនមិនដឹងពីចេតនាបងមែនទេ? តែខ្ញុំគ្មានពេលទៅប្រកែកតតាំងគេទៀតទេព្រោះវត្តមានកូនស្រីនៅទីនេះ យ៉ាងណាគេជាប៉ានាង!
«មើលកូនផង អូនចូលទៅខាងក្នុងមុនហើយ!»
«បងនឹងគេងទីនេះជាមួយកូនស្រី...»
«តាមចិត្តបង»
ខ្ញុំចាកចេញពីទីនោះទាំងគ្មានកម្លាំងកំហែងក្នុងខ្លួន តាំងពីព្រឹកដល់ថ្មើនេះរឿងច្រើនរាប់មិនអស់កើតឡើងក្នុងពេលតែមួយ! កាយក៏ហត់ចំនែកអាចិត្តនេះក៏ហត់ខ្លាំងដូចគ្នា។
YOU ARE READING
ជម្រើសទី១ក្នុងបេះដូង
Romansa15 years of unrequited love, i have finally married him. However, he is still holding on to his first love whilst I, holding a string of hopes for him to turn his eyes on me. He wore a mask of a sweet husband in front of me, unknowingly i had found...
