Unicode
အပိုင်း - ၈
ကံကြမ္မာအလှည့်အပြောင်းဆိုတာ သိပ်ကြောက်ဖို့ကောင်းပါသည်။မမကြီးက ဆယ်တန်းမအောင်သလို အမေ့ရဲ့ဖဲကြွေးတွေကြောင့် ခတ်တို့အိမ်နှင့်ခြံလေးကို ရောင်းပြီး ကွက်သစ်ထဲမှာ အိမ်ငှားနဲ့နေခဲ့ရသည်။
အဖေကလည်း အမေနဲ့အဆင်မပြေတော့ နောက်မီးလင်း၍အိမ်ကို ပြန်လာတစ်ချက် မလာတစ်ချက်ဖြစ်နေ၏။
ပိုက်ဆံလည်း သူပေးချင်မှ ပေးတော့သည်။အဖေက မောင်ရင်ထွေးကိုတော့ သိပ်ချစ်တာမို့ အဖေအိမ်လာချိန်ဆိုလျှင် မမကြီးနဲ့ခတ်ကို မုန့်ဖိုးမပေးသော်လည်း မောင်ရင်ထွေးကိုတော့ ပစ်မထားခဲ့ပေ။
💮💮💮💮💮💮💮💮💮💮💮💮
"ရှင်က မယားငယ်ကို စင်ပေါ်တင်ချင်တော့ ကျုပ်ကိုကန်ထုတ်ချင်ပြီပေါ့"
"မင်းကို ငါ ကောင်းကောင်းမွန်မွန် ရှာကျွေးခဲ့တုန်းက မင်းလိမ္မာခဲ့သလား"
"မဆိုင်ပါဘူး။ခြံခုန်ချင်တဲ့နွားက ခုန်မှာပါပဲ"
"အပိုတွေပြောမနေနဲ့ ။ ကွာရှင်းစာချုပ်မှာ လက်မှတ်ထိုးပေး။သားကို ငါခေါ်သွားမယ်"
"မထိုးနိုင်ပါဘူး။သားကိုလည်း ခေါ်သွားစရာမလိုဘူး"
"မထိုးပေးရင် ငါ သူ့ကို ဒီအိမ်ပေါ်ခေါ်လာမယ်"
"ရှင်မယုတ်မာနဲ့။ရှင့်မှာ သမီးအပျိုလေးတွေရှိတယ်။ဘာကိစ္စ မယားငယ်ကို အိမ်ပေါ်ခေါ်တင်ရမှာလဲ"
"မတင်စေချင်ရင် မင်းလက်မှတ်ထိုးပေး။မင်းလည်း ငါ့ထက် ဖဲကိုပိုစိတ်ဝင်စားနေတာပဲ။အပိုတွေပြောမနေနဲ့"
"ဒီအတိုင်းတော့ ထိုးမပေးနိုင်ဘူး။
ကျုပ်ကို နစ်နာကြေးပေးရမယ်။မပေးရင် တရားစွဲမယ်။လျော်ကြေးတောင်းမယ်။ရှင်က ဖောက်ပြန်တဲ့သူပဲ"အဖေနဲ့အမေ စကားအချေအတင်ပြောနေသမျှ ခတ်တို့ညီအမနှစ်ယောက်
လိုက်ကာအကွယ်မှနေ၍ ချောင်းကြည့်နေရုံသာ တတ်နိုင်ခဲ့သည်။💮💮💮💮💮💮💮💮💮💮💮💮
အဖေက မောင်ရင်ထွေးကိုခေါ်၍ အိမ်ပေါ်မှ ဆင်းသွားခဲ့ပါသည်။အဖေ့ကို ခတ်စိတ်မနာပါ။လူကြီးတွေရဲ့ ကစားပွဲမှာ ခတ်တို့သားသမီးဆိုတာ သူတို့ကြိုးဆွဲရာကတဲ့ ရုပ်သေးရုပ်သာသာပါပဲလေ။
YOU ARE READING
My Lovely Book 📖(Complete)
Spiritualကျွန်တော်က ကျွန်တော့်ကောင်မလေးကို *စာအုပ်လေး* လို့ ချစ်စနိုးခေါ်တယ်။ လောကမှာ ဘယ်လောက်ပဲ ပြီးပြည့်စုံတဲ့ မိန်းကလေးဖြစ်နေပါစေ လိုအပ်ချက် တစ်ခုတော့ ရှိတာပဲဗျ။ စာအုပ်လေး လိုအပ်တဲ့အရာက ကျွန်တော်ပါ။ သူ့ထက်ခန့်ငြား မေ...