مهلا يا قدري شئنا ام ابينا

مهلا يا قدري شئنا ام ابينا 76

« الشركة»
استوقفه صوت جده الحاد: يـاســر الاجتمـاع تاخرنا على الجماعة
شد من قبضته على مقبض الباب حتى برزت عروق يده من الغيض ومن بين سنونه: ابـشر يا طويل العمر
ابتسم جهاد لـ ياسر يغيضة هو ياشر لها على غرفة الاجتماع
'
-
« الساعه 8:10 ص »
« القصر »
اخذت سطل دائري صغير بلاستك وعبته مويه
و اخذته لباب الجناح سحبت لها كرسي و وقفت فوقه وثبتت السطل فوق الباب بحيث اذ انفتح الباب
تنكب الموية فوق الراس اللي بيدخل
تاكدة من انه مثبت صح ونزلت تحت ولا كانها مسويه شي جلست في الصاله وطلعت جواله تدور على حرف "ع" [عبدالرحمن]
مع اول رنه رد عليها
نوف: الووووو دحوم
عبدالرحمن: نـويف!!
نوف: وينك يا القطع ليش ماتتصل
عبدالرحمن باحراج : نويف اعذريني ياخوك بس انتي الحين غير صرتي متزوجه وصعب اتصل عليك
نوف بعصبيه: واذا متزوجه ايش اللي بيتغير؟! عبدالرحمن: ما يصلح اكلمك بسبب لك مشاكل مع زوجك يعني انسي كل شي قبل وعيشي حياة غير حياتك الحين صارت افضل
نوف بعصبيه: انتو وش فيكم كل ما اكلم احد يقول انسي ايش اللي تبون مني انساه بضبط !؟؟ عبدالرحمن بحزن: انسي كل شي انـسي نواف و اصدقاء نـواف وحركات نـواف انسي كل شي
كان نـواف يسويه
نوف بسخرية: قصدك بـ انسى اصدقاء نواف اني انساك وانسى طارق!؟ وحركات نـواف اني انسى كيـف
تعلمة السرقة و النط من فوق الجدران؟! و اللي كان يسويه باني انسى كيف كنت اهرب مع ابوي
عبدالرحمن تنهد يضيق: أيــه انسي هذا كلـه
نوف بعصبيه : لا تكون متفق مع طارق؟؟ هو غير ارقامه وحساباته وانـت وش تنتظـر هاا يالله غير ارقامك عشان ما اوصل لك ولا اتواصل معك وتريح راسك مثل طارق من مشاكلي اللي كانت اكبر همومكم
عبدالرحمن بصدمه وبعصبيه: هذا اللي وصل له تفكيرك يا المتخلفة هااا!! انك تسببين لنا مشاكل
ياغبيه انا ابيك تنسين الحزن والهم و تعيشين حياة نظيفة اما طارق اللي ظلمته فـ قد قلت لك
قبل اني حتى انـا ما اعرف عنه شي ولا قدر اوصل له فـا اعذريه
نوف بصراخ: اكرهك يا عبدالرحمن اكـرهك
قفلت في وجه بعصبيه كل ما كلمة احد قال انسي وانسي زفرت بضيق ورجعت تتصل عليه مره
ثانيه اكيد زعل ع قفلة في وجهه هو يكرهه احد يقفل في وجهه بس يستاهل ليه يهزاني لازم اتحمل الان ما بقى لي غيره سند اخخ منك ياطارق
والله لقطعك اذا ما كان لأختفائك سبب يقنعني
رد عليها عبدالرحمن من دون نفس : نــعـــم!!!
نـوف: زعلـت؟
عبدالرحمن ببرود: لا
نوف حكت خلف راسها: احلف "باستعجال " دحوم انت تعرف اني ما اعرف..
-
'