مهلا يا قدري شئنا ام ابينا

« الساعة 12:20م » « غرفة البنات » منسدحه على فراشها ومغطيه وجهاا بـ المخده بسبب ازعاج عیال بسمه اللي وصلت اليوم في العصر و ما حلت لهم السوالف الا في غرفة النوم "غرف نوم البنات ثنتين كل خمسه منهم في غرفه" بسمه : وهذي هي قصتي من طلعت وتزوجت من عندكم الي اليوم مهره : اهم شي ان زوجك كان طيب معك بسمه : تبين الصدق هو مره طيب بس اللي كان قاهرني فيه انه حرمني منكم ومره كريم ما اطلب شي انا و العيال الا وينفذه هاجر بضيق : اهم شي الكرم وش فايده اذ كان عنده فلوس وبخيل مثل ابوك منى : تخيلو لو ابوي كريم ومو بخيل كان حياتنا بتكون غير الان ابوي بـ الفلوس اللي عنده تغطي عين الشمس وعد بحقد : لا تخافين الله يجيب اليوم اللي يموت فيه ونورثه الان فلوسه مردها لنا وحزتها نشوف حياتنا هاجر : اخاف يعمر ونقعد 30 سنه قدام ننتظره يموت عشان نقدر نکمل حياتنا بسمه بعتاب : بنات عيب عليكم هذا ابوكم مهما كان الاب عزوه رهف : الا ابوي نقمه وبلوا نوف ظغطت على راسها بقوه خلاص ماتبي تسمع كلامهم اكثر وقفت بعصبيه ورمت المخده عليهم : وانتم محد يقدر ينام عندكم ما مليتو من السوالف وعد بسخريه : هاا قامت شبيهة ابوي نفرح اذ طلع ابوي من البيت تجينا نوفوه نوف هجمت على وعد وسحبتها مع شعرها: وعدووه اسحبي كلامك لفقع وجهك وعد تتالم : فكي شعري اه نوف تشدہ اکثر : قلت لك اسحبي كلامك وقفت بسمه وفكتهم عن بعض وعد ضمت بسمه وهي تبكي : الله يخذك يا العمياااء نوف فتحت عيونها بصدمه وهجمت عليها وقبل توصل لها مسكوها البنات سعاد وهي مسكتها بقوه : خلاص انتي وياها نوف بصراخ : فكيني عليها والله لفقع لها عيونها وقفت بسمه ومسكت بكفوفها وجه نوف :خلاص نوف عشاني هذي المره سامحيها طلبتك نوف ابعدت كفوف بسمه عنها وحررت نفسها من سعاد وطلعت مع الغرفه وصفقت الباب وراها بقوه.

« الحوش » طلعت للحوش وهي تحس نفسها مخنوقه "اصعب شعور يشبهونك بشخص تكرهه وتكره وتصرافاته او يعيرونك بشي تفتقده جلست على الارض وفتحت جوالها ارسلت لعبدالرحمن "عبدالرحمن هاا بشر وش صار معك؟!" رد عليها"لا تخافين بلغت عن المكان وشددو المراقبه" ابتسمت نوف براحه مرت ساعه وساعتين وهي في نفس مكانها تفكر بـ ولا شي فتحت شاشة جوالها تشوف الساعه وكانت 2:40 وقفت وهي تتثاوب بكسل ودخلت البيت وقبل تقفل الباب سمعت الباب الخارجي ينفتح عقدت حواجبها وهي تشوف بوها يدخل بسرعه وعلى ملامحه الخوف وقفل الباب وراه بسرعه.