مهلا يا قدري شئنا ام ابينا

مهلا يا قدري شئنا ام ابينا 99

« بعد ثلاثه ايام »
« الفندق »
خرج ياسر من الجناح بدون ما يتفقدها
وقفل الباب وراه ب المفتاح
ونزل من الاصنصير
نوف لحقته بسرعه ونزلت مع الدرج
تركض بدون ما تهتم لنظرات الناس المستغربه
ركض بنت بعبايتها على الدرج
نزلت لدور الارضي وهي تلهث بتعب
تلفتت حوالها تدور له انتبهت له يخرج من باب الفندق
تبعته بدون ما ينتبه لها
و اول ما ركب سيارته
فتح الباب وركبت جنبه قبل يحرك
ياسر من الفجعه فتح باب سيارته
نوف: هههههههه بسم الله عليك حرك حرك بس
ياسر بصدمه: وش تسوين!! كيف طلعتي انتي وش اللي جابك
نوف: اثبت على سؤال واحد
ياسر بعصبيه: انزلي لا اكفر فيك
نوف بزعل : بروح معك انا طفشت من القعده لحالي
ياسر هدا شوي: يا بنت الناس انا مشغول لا تشغليني معك ما اقدر اخذك انزلي وبكره اوعدك اطلعك
نوف بعناد: والله ما انزل تعبت وانا اركض مع الدرج وبعدين والله ما اشغلك ابد بكون هاديه
ياسر تنهد بستسلام وحرك السياره:المره هذي بعديها لك وجربي تعيدينها لكسر لك ساقك
نوف هزت راسها: ابشر طال عمرك هههه
'
-
« محل مجوهرات ياسر »
خذاها معه لمحل مجوهراته
عنده اجتماع ويتفقد امور المعرض
اللي بيفتتحه بكره
وصلو ونزلت نوف وراه وهي فاتحه فمها
بفهاوه من فخامة المكان
نوف بدهشه : واو
دخلو المحل ونوف فاتحه عيونها على وسعها
المكان فخم والمجوهرات معروضه
بشكل يجذب كل قطعه موضوعه في مجسم زجاجي مرفع واعلاه صدفه من زجاج
وتتوسطها القطعه المعروضه
والاضائه مسلطه عليها من الجهات الاربع
معطيه انعكاس للمعان القطع والمجوهرات
والجدران كانت بلون الاسود وهذا زاد هيبة المكان
نوف مسكت يد ياسر : هذا محلك!!
ياسر بصوت رايق: اعجبك!!
نوف بحماس وعفويه: حيل يجنن مره ههه
وكاني في مغارة علي بابا والاربعين حرامي
ياسر ابتسم على تعليقها : هذا اللي طلع معك
علي بابا يا ساتر لا تكونين من الاربعين حرامي
نوف ضحكت بمرح : لا لا انا زوجة علي بابا
"واشرت عليه"
ياسر ميل راسه وابتسم: يا الثقة
نوف تعدته واتجهت للصدفة اللي خلفة كان فيها ساعة يد مرصعه ب الالماس والاعدد مكتوبه ب الفضه
نوف اشرت عليها: ياسر شوف الساعه
ياسر فتح الصدفه ورفع لها الساعه: كم تتوقعين سعرها
نوف: هذا الالماس حقيقي حقيقي !!ولا كرستال!!؟
ياسر ضحك: ههههه لا حقيقي حقيقي
نوف بتفكير: اممم اتوقع ب خمس الف ريال
ياسر ضحك بسخريه: خمس الف ههههه بسبع
نوف فتحت عيونها بصدمه: سبع الف ريال الله
ياسر: خبلة انتي وش سبع الف هذي بسبع مئة الف ريال سعودي
-
'