مهلا يا قدري شئنا ام ابينا

« غرفة نـوف »
وعد بمزح: بدور لي رجال سنع واتزوجه بعد ما يخف التشوهه اللي فيني
نوف بغيض : بالله وين بتحصلين زوج سنع لايكون من اللي كنتي تكلمينهم
وعد: هههههه خبرك عتيق من بعد وفاة ابوي تركت هذي الخرابيط بس تدرين فكره مش بطاله بدور لي واحد من اللي كنت اكلمهم
نوف بحده: وعد اكلمك جد تكلمي زين
وعد بنفخ: وش تبيني اسوي هاا اتكي عند باب بيتنا وقول تعالو اكفلوني انا صرت يتيمه واهلي ماتو ولا ابقى طول عمري عايشه عند ناصر و خواته
نوف بتفكير: مدري وش رايك تجين تعيشين عندنا؟بيتهم كبير مره مو بيت الا قصر
وعد : تستهبلين ولا تستهبلين ها اهل امك ما صدقو يفتكون من ابوي تبينهم بعد يتكفلون بنت طليقها هاا
نوف ببرائه: عادي شوفيهم تكفلو فيني
وعد: يا الخبله مجبورين فيك ولا انتي من يتحملك
دخل ياسر
نوف بصراخ:من الخبله هاا"سمعت صوت الخطوات" من دخل طااارق!؟ تعال كلم وعد الزفت تقول اني خبله انتي الخبله والله العظيم لو كنتي قدامي لخربشة لك وجهك مثل قبل يا ام السعف والليف
ياسر: وهي صادقه خبله
نوف سككتت للحظه وعوجة فمها : هو انت!؟
ياسر جلس على الكرسي ورفع رجوله فوق السرير
وعد: وفديت طارق اقول وش اخباره الا وش رايك تزوجيني ايه
نوف مقدرة تمسك ضحكتها:هههههههههه يتزوج رقيه ولا يتزوجك هههههههه
وعد تقلدها بستهزاء: يتزوج رقيه ولا يتزوجك اكرهك لو تدرين
نوف: ههههههههه حتى انا اكرهك هههههههه
وعد : نسيت اقول لك تدرين ان نورة زوجة ناصر وناصر متهاوشين
نوف بشك: ليه
وعد: مدري نورة تحزن تقول ان روحته لمكة كثرة عن اول وتشك انه متزوج هذي وهي بس تشك وحالتها كذا اجل لو طلع صدق متزوج وش بتسوي بتنتحر البنيه وخصوصاً انها حامل
نوف بغيض: حسبي الله عليه هدو البنيه اما هو فاعرف كيف اتصرف معه
وعد تتثاوب: نشوف يا سيد نواف يللا باي
نوف : باي
قفلت منها وحاولت تبعد رجول ياسر عنها
ياسر: من هو اللي تتحسبين عليه
نوف: تخيل نورة جارتنا زوجها نويصر متزوج عليها
بالسر وهي شاكه في وضعه والله ان عرفت ان تنجن
ياسر ببرود: واذا متزوج عليها عادي الشرع حلل اربع وهذاني متزوج ما شفتك انجنيتي
نوف: الله يجعل دمك حلال ي غبي نوره تحبه تموت فيه هو بعد يحبها الحقير بس والله ان يتربى ويرجع لها ولا ما اكون انا نوف
ياسر رص على اسنان بغيض من اسلوبها وكانه يتكلم مع واحد من الشباب هداء من نفسه وبهدوء : طيب وانتي تحبيني!؟
نوف حكة راسها:...
-
'