مهلا يا قدري شئنا ام ابينا

« غرفة النوم » نوف غمضت عيونها بقرف من حياتهم ابوهم يكسب من وراء تزويج خواتي مسيار لشيبان ورجال في نص عمرهم وطبعا كلهم من الطبقة الراقية يتزوجون مسيار شهر شهرين و يطلقون وصار الوضع عادي متعودين عليه.

« السطح » وقفت بضيق من كلامهم وطلعت لسطح عقدت حواجبها بقرف وهي تشوف رهف تشیش بشراهه و وعد تكلم جوال في السطح مرتبين لهم جلسه يتجمعون فيها وكانت عبارة عن فرشة كبيرة ويتوسطها صناديق بلاستيك الملونه القديمه مرتبينها جنب بعض كـ طاولة وحولها علب حليب "بودره " يستخدمونها كـ كراسي لهم مع حمام صغير وغسالة يدين خارجيه وغسالة ملابس ويتوسط السطح حبل ينشرون فيه ملابسهم بعد الغسيل كل هذي افكار مرة ابوهم المصريه جلست على الطاولة : انتي وبعدين معك ما تتعبين من كثر ماتشيشين؟؟ رهف : نوو تعودت نوف بحقد : ليت ابوي يدري انك تسرقين شيشته وتشيشين فيها قسم ان يعلق مشنقتك رهف : هههههههه خبرك قديم قد عرف وبعدين هذي حقت ابوي القديمه شريت له وحده جديدة مقابل يعطيني حقته نوف : فرحانه انتي ووجهك؟! رهف بروقان : ایه مررره نوف : اجل جعلك من هذا و اردی رهف : هههههههههه امین وبصوت عالي دخلت السطح هاجر وهي تركض بسرعه : سمعتو آخر الاخبار نوف بطفش : بدأت نشرة الاخبار مع هاجر هاجر سحبت الجوال من يد وعد : خلاص قفلي عندي لكم خبر وعد همست بعصبية : هاتي جوالي لانتفك هاجر رجعته : قفلي بسرعه لافضحك وعد خذت الجوال : الوو سوري حبيبي هذي اختي تمزح ،، هههههه ،، اوكي اكلمك بعدين حبيبي ،، باي هاجر تتهزا فيها : باااي مالت عليك هذا اي حبيب فيهم خابره قلبك فندق خمس نجوم وعد وهي تجلس : اذكري الله انا حبيبي واحد مافيه غيره ونظراتها على نوف طاارق وبس نوف ناظرتها بإستحقار وصدت عنها هاجر بحماس : المهم اسمعو آخر الاخبار بسمه مات زوجها الشايب اخيرا وبكره بتوصل لجده رهف بصدمه : صدق؟ هاااجروه لو تكونين كذابه والله لامسطك بـ الشيشه هاجر بفرح : والله ما اكذب وعد : ماا اصدق اخيرا بعد ست سنوات من زواجها بترجع ونشوفها والله ان شتقت لها حسبي الله على زوجها حرمنا منها ست سنوات حتى صوتها ما سماعناه رهف :ههههه مفروض تدخل موسوعة جينيس لعائلة الـ راشد الان زواجها استمر لاكثر من سنه بالعاده اللي تتزوج من عايلتنا زواجها مايطول اکثر من 6 شهور وعد بسخرية :ليه لايكون نسيتي الانسه نوف!؟ لها سنتين متزوجه نوف قبضت يدها بحقد لاكثر شي تحاول تنساه او تتناساه وهذي بكل برود تتمسخر.