مهلا يا قدري شئنا ام ابينا

مهلا يا قدري شئنا ام ابينا 104

« في السياره »
نوف ضربت على طبلون: اقول حرك حرك بس
جهاد حرك السيارة: لوين تبين وليش ما اتصلتي بسواق يوصلك او ياسر
نوف لفت بجسمها عليه وتربعت فوق المقعد: لانك انت صديقي وبتحفظ السر صح!!
جهاد وعينه على طريق وبقلق: سر!!
نوف تحرك يدها تشرح له: اسمع انا ابي احضر الملكه ولا معي فستان لذالك ابيك توديني السوق هذا اولاً ثانياً استاجر لي غرفة في فندق عشان تجيني قريبة نورة وتضبطني
جهاد بستغراب: فستان!!وميك اب ارتس تجيك
في الفندق!! ليه وين البنات وامك ليش ما طلبتي منهم ومن هذي اللي تقرب ل ام ياسر وبتضبطك على قولتك
نوف عضت شفايفها: لا مو نوره ام ياسر لا نورة زوجة ناصر جارنا في جدة اما الفستان احم ا انا ما احتك في امي و البنات كثير ولا امون عليهم وو
جهاد بحده :وو ايش بعد!! لك شهرين كيف ما تمونين عليهم
نوف بصراحه: تبي الصدق!! هم يتجنبوني
وانا اتجنبهم و فوق هذا كله امي متفشله مني هي وام ياسر ولا يبوني احضر الملكة لأن شكلي واسلوبي ما يتوافق هه مع مستواهم
جهاد بعصبيه: وش المصخره اللي تقولينها
اي مستوى و اي بطيخ مستحيل يكون مستوى تفكير الهنوف كذا
نوف بجديه: جهاد انت الوحيد اللي اثق فيه ساعدني انا اعرف ان لا شكلي ولا اسلوبي عاجب احد من اهل القصر هذا كله ما يهمني لان انا تربيت على شي وعشت عليه وغصب عنهم يتقبلونه واللي بسويه اليوم تحدي بيني وبين نفسي اني اقدر اطلع بشكل اللي كان مفروض اكون تربيت عليه عشته لو امي ما تخلت عني ورمتني ورا ظهرها وبعد هذا كله تتنكر لي ولشكلي واسلوبي ههه ولا كانها عاشت جزء بسيط جداً من اللي انا عشته عمري كله
جهاد وقف السيارة على جنب ونزل راسه بقهر: وليش توك تتكلمين!! ليش ما قلتي لي من قبل
نوف هزت كتوفها: وليش اقول لك!! مو مهم هذا انا قلت لك واستحلفتك ما تتدخل هذا شي يخصني
جهاد عض شفايفه بقهر وحرك: يصير خير يصير خير وانتي بعد ابي افهم ليه شكلك كذا هااا مهما يكون اللي عشتيه ما يخليك تتصرفين وتلبسين مثل الأولاد وحتى كلامك وصوتك وحركاتك مع ان اللي اعرفه انك عشتي بين خواتك وزوجات ابوك باختصار بيتكم كله بنات هه ولا لا يكون خواتك كلهم مثلك
نوف بحده: هااااي هذا شي يرجع لي انا تسمع بشكلي هذا اللي مو عاجبك قدرت اعيش واحمي نفسي
جهاد تنهد بضيق: تكلمي قولي لي لا تخلين الشيطان يلعب براسي وش اللي عشتيه كيف كانو يعاملونك وابوك كان يضربك وعيونك وش صار لها !! وخوفك قبل اسبوع وش سببه من اللي مرعبك
-
'