مهلا يا قدري شئنا ام ابينا

مهلا يا قدري شئنا ام ابينا 64

« عند نوف و جهاد »
نوف انتهت من التنظيف وهي تدعي في نفسها ان جهاد ما ينتبه انها بنشرت الكفارات اقلها جزء من خطتها ينجح
وقفت وهي تنقز اكثر من مره وتمرن ايديها : خلصت
جهاد وقف ويده في جيبه
وقفت قدامه: هات نظاراتي بسرعه بطلع انام الوقت تاخر والفجر قرب
جهاد مشى تاركها خلفه ولوح بيده: بعطيك ايها داخل اخاف اعطيك ايها هنا ترجعين تسوين مصايب في السيارة
نوف عضت شفايفه ومشت وراه وهي معصبه
دخلو من باب الخلفي للمطبخ
نوف مسكته من ذراعه ولفته عليها وبعصبيه: هات نظاراتي ترا مسلكة لك بما فيه الكفايه
جهاد واقف بجمود رفع يده ونزل القبع عن راسها
صدت عنه وعطته جهة وجها اليمين
جهاد لفها جهته عقد حواجبه لاحظ طريقتها الغريبه اللي ترمش فيها ب اليسار قبل اليمين بشكل مو طبيعي وبشك: عينك اليسار !!
نوف رفعت عيونها له وكتمت انفاسها
جهاد رجع للخلف وعض شفايفه مد لها نظاراتها وابتسم لها بأرتباك وشفقه
نوف عضت شفايفها بقهر لانها ادركت انه لاحظ اللي يعيب عينها اليسار وتلقائي رفعت يدها تغط فيها عينها اليسار
هزت راسها بحرقه بلا: لا لا تـ تـ تناظرني كذا اكرهه نظرات الشفقه "وبقهر اكبر"انت اول واحد اقابله هنا ونظراته تكون خاليه من الاستحقار بعكسهم فـ لا تحولها لشفقه لان نظرات الاستحقار اهون عندي من نظرات الشفقه
جهاد بهدوء: ضعف نظر او...!
نوف سحبت نظاراتها منه ولبستها ورفعت راسها فوق تتصنع القوه
جهاد ضيق عيونه "لانه معاد قدر يميز شكل عيونها بوضوح.."
نوف بنفاخ : اسمع ياليت ما تقول لحد مفهوم!!؟
جهاد يستعبط: عن!!
نوف ضربت رجلها الارض: لا تستغبي
جهاد طلع جواله وتجاهلها ضرب جبينه بقهر:كله منك راحت علي الرحله
نوف بعصبيه: يا اخي قاعده اقول لك لا تقول لـ احد تقول راحت عليك الرحله جعل "وبهمس"روحك تروح
جهاد فتح فمه بعجبه: نعم!!!
نوف طنشته وطلعت لفوق بسرعه وهي تسب وتشتم في جهاد وياسر دخلت الغرفة وسحبت مخدتها ومفرشها ونامت على الارض بتعب
'
-
« القصر »
رجع من صلاة الفجر مع جده
اللي طول الطريق يستغفر ويسبح
اول مادخلو مع بوابة القصر استقبلهم البودي قارد
ابو عاصم بهيبه: نعم ياحمزه صار شي!!!
البودي قارد"حمزه" : طال عمرك امس الساعة2:30 سمعنا صوت اطلاق نار في مواقف السيارات
ابوعاصم بقلق: اطلاق نار!! عسى خير
حمزه: اتجهنا للمكان بسرعه وكان السيد جهاد هو اللي اطلق النار
ياسر قاطعه: جهاااد رجع
ابو عاصم بخوف: تكلم بسرعه
حمزة : ايوه رجع ما قدرنا نفسر سبب اطلاقه لنار لكان يتضح لي انه كان يح..
-
'