مهلا يا قدري شئنا ام ابينا

مهلا يا قدري شئنا ام ابينا115

« عند نوف و طارق »
طارق مسك يدها : ما بتسالين!!
نوف : عن!!
طارق : عن سبب غيبتي
نوف بهدوء: لك عذر!!؟
طارق : اكيد لي عذر
نوف تركت يده وتقدمت في المشي: احتفظ فيه لنفسك ما بقبله حتى لو قلت لي انك كنت في غيبوبه طول الشهرين اللي راحو وتوك صحيت ما اعذرك
طارق لف يده حول كتفها : كانت اطول فتره مرت علي بدونك على انك كنتي تغثيني بس اشتقت لك وانتي اشتقتي لي صح!؟
نوف صدت عنه وبمكابره : لا مااشتقت لك
طارق ضحك بصوت عالي : هههههههه ودليل انك اول ما شفتيني ارتميتي بحضني وهذي اول مره تسوينها صح اووه صح نسيت انك تزوجتي واكيد ياسر علمك كيف تضمين هاا ههههههه
نوف التفتت له بغيض وركلت ساقه بقوه: اكرهك
طارق رفع رجله ب الم : اوووتش كسرتي رجلي
نوف صدت عنه وابتسمت : احسن
طارق لم يده حول كتفها وجلسها وجلس قبلها وبجديه : قولي لي اللي صار لك فترة غيابك قولي لي اللي ضامك ياخوك دموعك من سببها!!
نوف نزلت راسها "سببها !! ان نفس مجبوره والاقدار مكتوبه سببها انت وانا هي وهو وهم "
رفعت راسها له وابتسمت : تذكر متى كانت اخر مره شفتني فيها ابكي!؟
طارق مد يده ونزل نظاراتها وركز عيونه بعيونها :
قبل ثلاث سنوات بعد الحادث
نوف هزت راسها ب ايه : وكانت هي اخر مره قدرت ابكي فيها واليوم اممم يمكن تفجر كل شي صار لي طول 3 سنين اللي مرت
طارق رفع راسه لسماء وتنهد بضيق: اكرهه اشوف دموعك
نوف : وانا كرهت نفسي لاني بكيت قدامهم
طارق: من كان يظن ان عريس الغفله اللي ما كان نعرفه انه نفسه ياسر وان امك هي نفسها زوجة العم هيثم
نوف استعدلت بجلستها وبارتباك : انت من وين تعرفهم و و هيثم تعرفه
طارق: ايه صديق ابوي وما عرفت ياسر والشباب الا بمعرفتنا بهيثم
نوف سحبت نظارتها بارتباك من يد طارق
ولبستها : و وكيف تشوفه!! ا اقصدد اخلاقه و و
طارق يقطعها بحماس: العم هيثم صراحه ما فيه منه رجال كفو وله هيبته واحترامه غصب يفرضه ع الكل
هذا غير طيبته واخلاقة
نوف "يكذب عليكم لبس قناع الطيبه والرجوله "
طارق يكمل: بعكس اخووه
نوف ميلت راسها : ا اخوه!!؟
طارق : اخوه التوأم متبرين اهله منه من اكثر من 25 سنه
نوف بارتباك : ليه
طارق : مدري حسب كلام ابوي انه متورط في المخدرات وله بلاوي سبحان الله واحد يشتغل في خدمة الدولة ودين والثاني خاين لدولته ولدينه واهله وربعه
نوف مسكت راسها وعفست ملامحها : ي يتشابهون!؟
-
'