•|𝗠𝘆 𝗳𝗼𝘅𝗶𝗲 𝗢𝗺𝗲𝗴𝗮|• |[𝗛𝗲𝗲𝗦𝘂𝗻]| //𝗞𝗵𝗺𝗲𝗿// (COMPLETED ✅)

ភាគទី២ : គំនិតអាក្រក់!!!

   ជំហានជើងវែងៗកំពុងបោះដំណើរចេញពីក្លឹបមួយ ដោយសម្ដៅទិសដៅមករកឡានមួយដែលចតនៅខាងមុខក្លឹបដោយមានអ្នកចាំបើកទ្វាឲ្យស្រាប់នោះ។ បន្ទាប់មកក៏ចូលទៅអង្គុយនៅក្នុងឡានរួចក៏បានបញ្ចេញសម្លេងបញ្ជាទៅកូនចៅឲ្យជូនទៅព្រ​លាន​យន្តហោះ។

"ទៅព្រលានយន្តហោះ"សម្លេងរៀបស្មើចេញពីក្រអូមមាត់របស់កម្លោះសង្ហារ ស្ដាប់ឮហើយក៏ដឹងដែលថាមានអំណាចប៉ុណ្ណា

"បាទចៅហ្វាយ"

   មិនយូរប៉ុន្មានឡានក៏បានបរមកដល់ព្រលានយន្តហោះ អ្នកដែលមាននាមជាចៅហ្វាយក៏ទម្លាក់ជើងចុះមកជាន់ផ្ទាល់ដីរួចក៏ដើរចូលទៅខាងក្នុងដោយមានកូនចៅដើរតាមពីក្រោយ2នាក់។

   យប់ម៉ោង11គត់ក្រោយពី check in ក៏ដល់ម៉ោងយន្តហោះត្រូវចេញដំណើរហោះហើរល្មម។ យន្តហោះ1គ្រឿងនោះផងដែរ គឺមានទិសដៅពីប្រទេសជប៉ុនទៅកាន់ប្រទេសកូរ៉េខាងត្បូង។

   បន្ទាប់ពីយន្តហោះមកដល់លើអាកាសហើយ ប្រហែលជាជិត3ម៉ោងក្រោយមកយន្តហោះនោះក៏ជិតមកដល់គោលដៅដែលត្រូវចុះ។ អ្នកបើកយន្តហោះក៏បានប្រកាសឪ្យអ្នកដំណើរទាំងអស់ដាក់ខ្សែក្រវាត់ប្រុងប្រយ័ត្ត ព្រោះតែយន្តហោះនឹងត្រូវចុះហើយ។

   អ្នកបើកយន្តហោះក៏បញ្ជាយន្តហោះចុះម្ដងបន្តិចៗរហូតចុះចតមកប៉ះលើដីនៃប្រទេសកូរ៉េបានសម្រេច។ យន្តហោះក៏បានចុះចតបានសម្រេច ឯអ្នកដំណើរក៏នាំគ្នាចុះចេញមកម្ដងម្នាក់ៗដើម្បីទៅ check out។ ក្រោយពីបាន check out រួចរាល់ក៏បំបែបគ្នាទៅរកកន្លែងស្នាក់រៀងៗខ្លួន រីនាយកម្លោះក៏ដើរចេញមកខាងក្រៅ ចំណែកឯកូនចៅ2នាក់ដែលមកជាមួយក៏ដើរតាមពីក្រោយរហូត។

"ជូនយើងទៅផ្ទះ!"ពេលបានឃើញកូនចៅរបស់ខ្លួនហើយនាយក៏ឡើងឡានភ្លុកតែម្ដង

"បាទចៅហ្វាយ"កូនចៅក្រោមឱវាទក៏ទទួលបញ្ជាពីចៅហ្បាយហើយក៏បើកចេញទៅ

"ព្រឹកនេះចៅហ្វាយមានណាត់ជាមួយនឹងលោកខ្វាង"

   នៅតាមតាមផ្លូវមានសភាពស្ងប់ស្ងាត់ដោយនៅក្នុងឡានឮសូរតែសម្លេងខ្យល់ដកដង្ហើមរបស់មនុស្ស3នាក់ ដោយកូនចៅ2នាក់ទៀតទៅជិះឡានមួយផ្សេងទៀត ហើយម្នាក់ដែលអង្គុយនៅខាងស្តាំដៃនៃតៃកុងឡានក៏ស្រដីឡើងមក។