នៅទីធ្លាក្នុងសាលាមួយមានក្មេងប្រុសម្នាក់កំពុងអង្គុយសម្លឹងមើលទៅកាន់ក្មេងប្រុសម្នាក់ទៀតដែលកំពុងតែលេងបាល់ទាត់នៅក្នុងតារាង គេមើលទៅក្មេងប្រុសម្នាក់នោះទាំងគិតនៅក្នុងចិត្ត។
{យើងស្រលាញ់ឯង តែយើងមិនហ៊ានសារភាព ព្រោះតែឯងជាមិត្តរបស់យើង បើយើងសារភាពយើងមិនដឹងឡើយថាមិត្តភាពរបស់ពួកយើងអាចនៅដូចដើមឬក៏អត់ យើងខ្លាចឯងស្អប់យើង រាល់ថ្ងៃនេះមានមនុស្សស្រីស្អាតៗច្រើនណាស់ដែលតាមស្រលាញ់ឯង ឯយើងមានរូបរាងបែបនេះហើយក៏ជាមនុស្សប្រុសទៀត តើឲ្យសង្ឃឹមអីទៅ?}គិតនៅក្នុងចិត្តហើយក៏សម្លឹងទៅបុគ្គលម្នាក់នោះដែលគេបានលួចស្រលាញ់ជាយូរមកហើយ
គេក៏ងើបឡើងហើយដើរទៅថ្នាក់ទាំងទឹកមុខស្រពាប់ស្រពោន។ ប៉ុន្តែដើរមិនបានប៉ុន្មានជំហានផងក៏ បឹប! មួយបាល់កណ្តាលមុខសន្លប់ទោងទៅលើដី។
"ហ៉ើយ? ស៊ុននូ!"អ្នកដែលនៅខាងក្នុងតារាងក៏រត់ចេញមកមើលមិត្តយ៉ាងលឿន
"ស៊ុននូ ឆាប់ដឹងខ្លួនឡើង"នាយក៏ព្យាយាមអង្រួននិងទះថ្ពាល់មិត្តតិចៗដើម្បីឲ្យគេភ្ញាក់ពីការសន្លប់នោះ
(គីម ស៊ុននូ អាយុ18ឆ្នាំជាសិស្សថ្នាក់ទី12)
"ជុងវ៉ុន យើងថាគួរតែយកទៅបន្ទប់ពេទ្យសិនទៅ មានឈាមច្រមុះទៀតនោះ"គ្នានៅក្នុងក្រុមរបស់គេម្នាក់ក៏បន្លឺឡើង
"អឹម"ជុងវ៉ុន
(ឯម្នាក់នេះ យ៉ាង ជុងវ៉ុន ជាមិត្តរបស់ស៊ុននូ)
ជុងវ៉ុនគេក៏ប្រញាប់លើកអៀវស៊ុននូរត់សម្ដៅទៅកាន់បន្ទប់ពេទ្យដែលមាននៅក្នុងសាលាស្រាប់នោះយ៉ាងលឿន។ មកដល់បន្ទប់ពេទ្យគេក៏ដាក់ឲ្យស៊ុននូគេងនៅលើគ្រែហើយក៏ឲ្យអ្នកគ្រូពេទ្យដែលប្រចាំការនៅទីនោះពិនិត្យមើល។ បានបន្តិចមកស៊ុននូក៏បានដឹងខ្លួនមកវិញហើយជុងវ៉ុននៅមើលគេផងដែរ។
"យ៉ាងម៉េចហើយ?"ជុងវ៉ុន សួរទៅកាន់ស៊ុននូទាំងទឹកមុខបារម្ភ
"នៅឈឺក្បាលបន្តិច"ស៊ុននូ
"អញ្ចឹងក៏សម្រាកសិនទៅ យើងទៅរកទឹកមកឲ្យឯងសិន"ជុងវ៉ុន
"អឹម"ស៊ុននូ
YOU ARE READING
𝐸𝑁𝐻𝑌𝑃𝐸𝑁 𝑆ℎ𝑜𝑟𝑡 𝑁𝑜𝑣𝑒𝑙 // 𝐾ℎ𝑚𝑒𝑟
FanfictionEnhypen Khmer FF [BxB] No Smut 🙅🏻♀️ • • • រាល់ការសរសេរទាំងអស់គឺសុទ្ធតែជាការប្រឌិតឡើង ដូច្នេះសូមអធ្យាស្រ័យខន្តីអភ័យទោសរាល់កំហុសខុសឆ្គងលើប្រការណាមួយ🙏🏻 Author : Morin Keiy Dun be a copycat!!!!
