His Obsession (Series #2)

Chapter 11

Gabi na nang lumabas ako sa kwarto namin para magpahangin. Tulog narin naman kasi si Zacheo dahil napagod yata, kahit kanina palang ay halos natulog na siya sa buong byahe.
Nagbihis lang ako ng short atsaka pinaresan ko lang ng itim na bra sa taas bago dahan-dahang pina-ikot ang door knob ng pinto para makalabas na. Nadaanan ko pa ang babaeng clerk kanina na ngayon ay may kausap na sa phone at ngiti-ngiting nagpapacute sa bago niyang customer.
Naku! Kung ako ang naging manager dito, hindi na siya maaabutan ng isang araw dahil baka natanggal ko na siya sa serbisyo niya.
Hindi ko na lang siya pinansin pa at dumiretso nalang sa labas dahil atat na atat na akong magpahangin. Ang init ba naman kasi sa loob dahil nasira ang aircon at aayusin pa daw mamaya ng maintenance nila.

"Charlotte!" napalingon ako nang marinig ko ang boses ni Kio sa di kalayuan.

Nakangiti siyang lumapit sa akin habang ako naman ay hindi maipinta ang reaksyon sa kanya. Ayan na naman siya. Kakausapin na naman ako tungkol sa mga walang kwentang bagay.

"Naghanda ako ng barbeque natin doon. Tara!" Aya niya bago hawakan ang kamay ko at hinila ako papunta sa cottage na ino-occupy niya.

Nang makarating kami roon ay nahagilap ko agad ang mga Christmas lights na nakadecor sa upper part ng mga upuan. May lamesa sa gitna at sa ibabaw niyon ay ang mga pagkain na sa tingin ko naman ay hinanda niya. Sa labas ng cottage ay naroon ang lutuan ng barbeque na kalalagay niya lang ng uling para masimulan na raw niya ang pag-iihaw.
Napalatak ako at pinag cross ko ang kamay ko bago siya sulyapan.

"Bukod pala sa pagda-drum at pagmamaneho ng yate, may alam ka ring ganito? Wow!"

Napalingon siya sa akin at mahinang natawa.

"Of course. Besides napakadali lang nitong gawin. Mag-eenjoy ka rin lalo pa't nasa beach tayo." aniya na ngayon ay nagpapaypay na sa barbeque.
Sumulyap uli ako sa lamesa at kinuha ang maliit na BBQ fan roon. Nilapitan ko si Kio at iniabot ito sa kanya.
Napakamot naman siya sa batok niya at hilaw akong nginitian.

"Ang laki mong tanga!" I hissed.
"Grabe kana sa'kin ha," utas niya bago in-on ang fan para makapag-ihaw na.

"Halos kurutin ka na niyan pero hindi mo parin napansing may dala ka palang ganyan? Nagpapakahirap ka pa talaga sa pagpapaypay diyan ha!"

Umiling-iling ako at pumasok nalang sa cottage. Sinilip ko pa ang plastic bag na nakalagay lang sa lamesa. Mga junk foods ang laman niyon. Kumuha lang ako ng isang Piatos at binuksan iyon para kainin.

"Si Zacheo nga pala nasaan?"

"Ayun, tulog parin,.." sagot ko sa kanya.
"Na naman!?"
"Hayaan mo na. Antukin talaga ang isang 'yun,"

Narinig ko ang pagtawa niya kaya hindi ko nalang siya pinansin. Nang maubos ko na ang kinakain ko ay inabot ko nalang ang mineral water sa lamesa at ininom iyon. Ilang minuto rin kaming walang imik sa isa't-isa dahil may ginagawa siya at ako naman ay hindi na nagawang mang disturbo pa.
Napatitig nalang ako sa dalampasigan. Madilim na ang kapaligiran ngunit kitang-kita parin sa di kalayuan ang paghampas ng alon sa baybayin. Dinama ko ang hangin na tumatama sa balat ko. Habang tinatangay ng hangin ang buhok ko, nagulat nalang ako nang may biglang umakbay sa'kin.
Saglit akong natigilan. Nang mapagtanto kong si Zacheo lang pala, ay inirapan ko nalang siya.

"Ba't di mo'ko ginising?" bakas sa boses niyang nairita siya.

Hinarap ko siya. "Ang init eh!"utas ko bago ko tanggalin ang braso niya sa balikat ko. Hindi naman siya nagpatinag at inakbayan uli ako.

"Mainit ba talaga? O tatakasan mo na naman ako?"

I let out a heavy sigh. Nang tanungin niya iyon ay napa-isip ako bigla. Paano nga kong tinakasan ko siya habang tulog siya. Pagkakataon na rin 'yun para makalaya ako mula sa kanya.