Feasibility Analysis Of Nurturing [包养的可行性分析] • COMPLETED •

7

အပိုင်း ၇။ အားနည်းချက်ရှိတာကို အပြစ်တစ်ခု ဆိုပြီး သတ်မှတ်လိုက်ရင်၊ ပြီးပြည့်စုံမှု ဆိုတာက အင်အားရှိတဲ့ လူတွေပဲ ပြောခွင့်ရှိတဲ့အရာ ဖြစ်သွားလိမ့်မယ်

ဒီနေ့ခေတ်ရဲ့ ကြင်ဖက်တွေ့ဆုံပွဲတွေကို စကားတစ်လုံးတည်းနဲ့ ဖော်ပြပါ ဆိုရင်တော့ 'ကြောင်တောင်တောင်' ဆိုတဲ့ စကားလုံးကို သုံးရလိမ့်မယ်။

မသိကြ မမြင်ဖူးကြတဲ့ လူနှစ်ယောက်ကို မျက်နှာချင်းဆိုင် ထိုင်၊ ထမင်းအတူစားခိုင်းပြီး ထွေရာလေးပါး ပြောခိုင်းထားတာက တော်တော် မျက်နှာပူစရာကောင်းတဲ့ အလုပ်တစ်ခုပဲ၊ တစ်ဖက်လူက စကား ကောင်းကောင်း မပြောဘဲ အေးတိအေးစက်ဆိုရင်တော့ ပိုတောင် ကြောင်သေးတယ်။

ဒီနေ့အတွက် မျက်နှာပူစရာတွေ လုပ်ပြီး ခပ်တည်တည်နဲ့ ထိုင်နေတဲ့သူကတော့ တခြားမဟုတ်ဘူး၊ ပေါင်ဘုရင်ကြီးလို့ သူ့လက်ထောက် နာမည်ပြောင် ပေးထားတဲ့ ဝမ်ရိပေါ်ပဲ။

01

ချမ်းသာတဲ့လူတွေ ဒင်နာထွက်စားရင်း မှန်အပြည့်တပ်ထားတဲ့ ပြတင်းပေါက်လို နေရာမျိုးကို ရွေးပြီး ထိုင်တတ်ကြတယ်၊ ဒီလိုမှပဲ သူများထက် တစ်ဆင့်လောက် ပိုမြင့်တယ်လို့ ခံစားရမယ်လေ။

ရှောင်းကျန့်ကတော့ ရယ်ချင်နေတာကို အတင်းထိန်းထားရင်း Salad တစ်ပန်းကန်လုံး ကုန်အောင်စားလိုက်မိပြီ၊ မျက်လုံးထောင့်ကနေတော့ ဝမ်ရိပေါ်နဲ့ Ms ကျန်းတို့ ပြတင်းပေါက်နားမှာ နေရာယူလိုက်ကြတာကို လှမ်းမြင်လိုက်တယ်၊ သူတို့ဝိုင်းက ရှောင်းကျန့်နဲ့ သိပ်မဝေးဘူး၊ သေချာ အာရုံစိုက် နားထောင်ရင် ဘာပြောနေတယ်ဆိုတာ တစွန်းတစ ကြားရတယ်။

ကံကောင်းချင်တော့ ဝမ်ရိပေါ်က သူ့ဘက်ကို ကျောပေးပြီး ထိုင်လိုက်တာမို့ ရှောင်းကျန့်မှာ ခါးကို ဆန့်ဆန့်ယန့်ယန့် ပြန်ထိုင်လို့ ရသွားတယ်၊ ပန်းကန်ထဲမှာလဲ ပြောင်ရှင်း နေပြီမို့ ဝိတ်တာက Salad ထပ်ယူချင်သေးလား ဆိုပြီး မေးလာတယ်၊ ရှောင်းကျန့်က လက်ကာပြလိုက်ပြီး။