🍒🥀 قصة عبير 🍒🥀 بالدارجة المغربية

🍒 الفصل 33 🥀

🖤جروح لا تندمل بسهولة🖤

#عبير

#ياسمين_اكرام

🌺البارت:278

عرفها تفاجأت من شوفتو حيت كانو تلاقاو قبل سنتين حياها بارسو مردد :مرحبا بيك

سرطات ريقها وبقات ملتازمة صمت مخلية الأعين عليها ...

رددت عائشة بعدما حطات يديها على فخدها :هادا حذيفة ابنتي راجل عبير ...

غمضات عينيها كتسرط الصدمة ديال أنو هو لجا عند عائشة لدارهم في يوم من الايام ...حلاتهم وحركات راسها باه ....

نزلات عينيها لعبير كيف فرحانة بيه رددت بفتور موجهة لكلام لحذيفى : بنيتة عبير الله يكبرها بعزكم ان شاء الله ..

قلبات عينيها لسارة لقهقهات مرددة :راه بنتي هاديك

فغرات فمها باه مرددة:كنصحابها بنتها ...

رددت عائشة:عبير يالاه تزوجو ابنتي

حركات راسها باه كتحس براسها ضرها باغا تسول واش هاد خديجة خت عائشة وكيفاش وهي عارفة عائلة عائشة من طنجة ...

هزات راسها في خديجة لجايبة طبسيل الطاوس مكون من الدجاج بدغميرتو ومزيت ببطاطا فريت من الفوق مع سلطة بمطيشة والبصلة والخيار.....

عطا لعبير لخديجة وغسل يديه جر الكرسي مردد بسم الله وخشا دغمة ....

رددت خديجة كتمضغ :الله يعطي الصحة لعبيرمعندي منقول ديما البنة

تبسمات عائشة بفرح مخلين حذيفة كذالك تبسم وزاد كبر دغامي كياكل بشهية .....

اما سارة وفاتن حانين راسهم في الطبسيل خارجين التغطية ..

دورات اميمة عينيها وهي كتمضغ مرددة بخفوت :فين عبير علاش مكتغداش معانا

هزات فيها عائشة عينيها :كتقرا داكشي علاش ..

سكتات وحنات راسها في الطبسيل كتاكل وتسها ........

ناض من مكانو مردد:الله يخلف

هزات فيه اميمة عينيها ورجعات حدراتهم كتنهد ماسكة على بطنها حتى داتها فيها خديجة:واش ضاراك شي حاجة ابنتي ..

هزات فيها اميمة عينيها وابتاسمات:لا غير مع شبعت الله يخلف ...

تسوخرات معلقة يديها باغا تنوض تغسل ومعارفاش فين

حتى رددت سارة:زين نوضي غسلي را الحمام غير في الجنب...

حركات راسها باه مع ابتسامة وناضت

تبعاتها سارة حتى خرجت ورددت بخفوت :شحال نعطي حتى هاد سليعفانة مابيها لاعبير لازعتر غير مالقات فين ضرك وجات باغا تشوف عبير

رددت خديجة كتحرك راسها :يابنيتي سارة لفيك مايهنيك متقدريش تنويها زينة شويا ...

هزات كتافها سارة:عندي احساس ومن داكشي لعاودات عبير سيدة ماصافياش