🍒🥀 قصة عبير 🍒🥀 بالدارجة المغربية

🍒 الفصل 54 🍒

💟سندي أنتَ في الحياة💟

#عبير

#ياسمين_اكرام

🌺البارت:440

وقف حذيفة عند باب الصالون ولإستغراب أحاط عينيه من الفاليز لمحطوطة بجانبو .. ردد اسمها حتى هزات فيه راسها مبادلاه ببرود بعدها بعدات عينيها من عليه قلبها تروع عليها بشوفتو ...

تجاوز لفاليز عاقد حجبانو قرب خطواتو حاط عليها العين مردد:ياك خدامة اش وصلك الدار ...

رددت حاذرة عينيها على التيليفون:عندي شي غراض جيت نقضيه

جلس فوق السداري طلعها ونزلها بعدها قلب عينيه الفاليز مردد:اش قضية هاد الفاليز لحاطة هنا ...

هزات عبير راسها في الفاليز ورجعات حذرات راسها رادة:هذا هو الغرض لجيت على قبلو غادي نرحل احذيفة ...

من صدمتو وقف مقرب خطواتو جهتها مردد:كيفاش اش كتقولي

بالاه بغات تجاوبو قاطعها صوت خديجة واقفة جايا في اتجاهم مرددة عينيها على حذيفة لبسرعة اللون الأحمر بدا يكتسي معالم وجهو و عينيه تشنجو:حذيفة راه الوحم جاها عليك ماعليك غير تصبر

عينيه محيدتش من على عبير لوقفات وهزات روميساء مرددة:ها هوا جا اخالتي داباخليني نمشي

رددت عائشة اسم بنتها تاتلفتات شافت فيها لقاتها مخرجة فيها عينيها كتشير ليها ترجع تجلس ساطت بنرفزة كتحس بالتنفس ديالها بدا يقلال قدما زادت في الجلوس ..حطات روميساء على رجليها ونزلات كتبوس وتشمشم فيها بحب

زاد حذيفة مع خديجة لجاراه من يديه وهوا عينيه لاصقة على عبير كيشوف كيف هوا كتشوا وهي ولا على بالها ...

طلقات خديجة من يديه ملي بعدو على الباب مرددة كدوز يديها على خدو :ولدي غير برد وحاول دير معاها لخاطر تا تفوت هاد الفترة

ردد كتنهد هاز يديه حاطها على يد مو:مفهمتش اش وقع ليها عينيها كتحطهم على عيني بزز هادشي موقعش لسارة لولدات ثلات مرات كنشوفها عادية

رددت خديجة:وا كل وحدا وكيفاش كيجيها غير وسع خاطرك وصبر واحد ثلث شهور وترجع ان شاء الله عادية

ردد بنرفزة:اش بغيتيني نخليها تسكن راسها ثلت شهور كاملا

رددت كتنهد:تانا اولدي معجبنيش هادشي لدارت مباغاش تشوفك كون على الأقل تبعد غير من البيت وتجلس في لبيت روميساء ولكن راسها قاصح وبزااف رخف عليها وعلى راسك وراه عائشة غادي تكون معاها وتانتا متغيبش عليها ربي رضي عليك ويعطيكم الذرية الصالحة ..

طبطبات ليه على كتفو كتشوفو ساهي أمامو تجاوزاتو وطلات كتنادي على عائشة تجي عندها

خرجات عائشة ودازت على حذيفة رددت :الله يرزقك الصبر اولدي الله يرزقك الصبر معاها ...