🍒🥀 قصة عبير 🍒🥀 بالدارجة المغربية

🍒 الفصل 30🥀

🖤جروح لا تندمل بسهولة 🖤

#عبير

#ياسمين_اكرام

🌺البارت:253

جالسة عبير في لومفي ساهية وغير منتابهة الدرس ..سارحة في كلام حُذيفة الأخير ..

بعدما لم بكلمات وسط طوموبيل ضراتها وخلات الموضوع لخافية عليه باغا تخبرو فيه ولكن لقات معيق الحشمة و الخوف من المجهول حبس الكلام في حلقها تركها راسها زاد تشغل وعرفات أنها كتضرو معاها ....ولقات الصمت حليفها طول الطريق ...

وصلها لافاك ووقف بلا ماتكلم ولاتشوف جيهتو خرجات تاركاه هو الأخير حل الباب و خرج تابعها ردد بإسمها بعدما شافها سدات الباب وحاذرة راسها ناويا تكمل طريقها ..

تلفتات شافت فيه و تبعاتو حتى وصل عندها كيشوف في الأرض ..

تنهد ملي وصل جنبها وتكا على طوموبيل جارها من يديها وشاف فيها باستفهام مردد:اش ضارك اعبير راه قلت ليك قولي لي اش واقع كنحس بيك ممرتاحاش

سرطات ريقها و وزعات عينيها على لمارة بنات و أولاد من سنها متوجهين الكلية ضربتها بسكتة خلاتو باغي ياكل جنابو كيتسناها تكلم ووالو ...

زفر على وجهها وعاود ردد:هاد السكات اعبير مغادي يخرجنا في والو مفهمتش اش واقع ليك

مرضاتش وهزات فيه عينيها مخرجاهم فيه بلا شعور: اش بغيتي تقصد

غمض عينيه وردد:كالمي فو دابا سيري لقرايتك لموضوع ماشي بلاصتو ...

🔙رجعات من سهوتها عل صوت زملاءها كيخرجو ..جمعات بلا عقل كتوبتها و خرجات بطابليتها كتنهد وتسوط ...والتلفة مرافقاها ..معرفتش واش تحاول تخبرو برغم من صعوبتو ..تخفي الأمر وتعامل عادي وتبزز عليها لمساتو ومتطلباتو لمن بعد العرس غادي تجاوز قبلة .....

ركبات في طوبيس متوجهة لقهوة تكلم معاهم وتاخد باقي فلوسها ....

......

دخلات الدار كتسمع لكلام وضحك عائشة ...سدات الباب وتوجهات غادا وكترقب صوت من حتى تكلمات و بوضوح عرفتها خديجة .تنهدات ودخلات البيت مرددة السلام ....

🖤جروح لا تندمل بسهولة 🖤

#عبير

#ياسمين_اكرام

تتمة:252

ردو عليها السلام ..تحنات سلمات على خديجة بعدما حطات صاكها وطرفات سبرديلتها في الجنب ..جلسات جانبهم كتحيد في الطابلية وطالقة وذنيها مع خديجة الإبتسامة مخطاتش معالم وجهها وهي كتردد اسم حذيفة واسمها كذالك ..حسات بيد تحطات على فخدها ..

هزات راسها بعدما كانت تشوف في الفراغ

رددت خديجة :بنتي جيت باش نشريو شي حاجة كتخصك