🍒🥀 قصة عبير 🍒🥀 بالدارجة المغربية

🍒 الفصل 29🥀

🖤جروح لاتندمل بسهولة🖤

🌺البارت:244

جلسو في الصالون مجموعين من غير ياسين ولبنات لفي الخدمة وطوابل موجودين قبل يمشيو يضربو العقد ... منوعين بالفانيد و فاكية والحلاوي الشكال ونواع ..براد أتاي بصينتو مواتياه ..وطاسة النعناع و السكر حداه ..

كيف دخلو خديجة شعلات على الما وعمرات البراد و قوماتو ...

تفرق عليهم أتاي وجلسو يفطرو وطالقين عبير فوق الزربية كدور وتطلق رجيلاتها ..

عبير مهزاتش عينيها ولا شافت جيهتو مكمدة حدا عائشة بحال شي بنيتة مقرصاها مها

عيا يشوف فيها في محاولة تشوف جيهتو ولكن معامن هو ..تنهد وحط الكاس قالب عينيه لعبير لكتمشى وتجلس تستاراح وتكمل كتحبو وتنغنغ غير راسها ...

مدة وناض وقف مردد باسمها مخليها بلا هواها هزات فيه راسها متبعاه بعينيها عاطيها بظهر وغادي خارج من الصالون ..

حسات بقرصة على فخدها دارت شافت في عائشة لمرددة:سيري شوفيه مسكين يا باردة القلب

تنهدات وشافت في خديجة لكتبسم و كتردد:مسكين مبقاش صابر على بعادك نوضي شوفيه قبل يدخل يجرك بزز

سرطات ريقها وناضت خرجات كتخطو خطوة برجفة

توجهات البيتو لسمعاتو قبل تسد .....

دقات عليه ورجعات خطوة لور ...

حانية وجهاا في الارض كتفرك في يديها ...

ضريت ليها في راسها وخطات خطوة راجعة حتى توقفات عاطية بالضهر وصامدة مكانها علة الباب لتفتح

سمعاتو ردد اسمها بتنهيدة وحسات بيديه على كتفها تحطات ..

دارت عندو وشد من يديها مدخلها الغرفة بكل صمت من غير حديث العيون وتضارب النفوس..

سد الباب ويديه مزال مستوطنة يديها ..تلفت ليها وجرها عندو في حضن الشوق كينظم تنفسو لختل ويتحسس في ظهرها كأنو ميثبت أنو حقيقة و ليس حلم ...

بادلاتو الحضن بخجل وخشات راسها وسط صدرو كتستشعر وتاخد الطاقة الإيجابية ناسيا كل همومها وكل الشيء

🌺🌺🌺

حضن الحبيب يشفي الغليل السواد ويملئ الحياة بالورود المتفتحة ..المزهرة ..

الدنيا تبيض من السواد ..تختفي الأحزان كمخدر يأخده المدمن لنسيان كذالك حضن الحبيب ينسي السواد ويملئ القلب فرحا ...

🌺🌺🌺

دقائق صامتة من غير القلوب لكانت كتبوح بكل مايروج ..

دقائق خلاتهم متمسكين ببعض وناسين الدنيا وعيوبها ..

بعدات عليه بخجل مرفوق كتشوف في يديها لمحطوطة على صدرو ....