🍒🥀 قصة عبير 🍒🥀 بالدارجة المغربية

🍒 الفصل 58 🍒

💟سندي أنتَ في للحياة💟

#عبير

#ياسمين_اكرام

🌺البارت:474

حذر حذيفة عينيه بعدما شاف راسو عيق وبدا يتحل ..هزات حواجها عبير ورجعات دخلات الدوش كتلبس عليها ..خرجات كتزول الفوطة على راسها بكسوة متناسقة على كامل جسدها شافت جهتهم لقاتهم مزال على حالهم كيهضرو ويضحكو مع بعض ..جبدات الشوشوار كتنشف في شعرها حتى سلاتو جمعاتو كعكة تاركة بعض شعيرات متناثرة على جبينها ...تلفتات شافت جهتهم مرددة:روميساء اجي اماما نشف ليك شعرك راه بان لي مزال منشفش واخا الفوطة اجي ..

نزلات من عند حذيفة ببسمة مرددة:ديلي لي لبد(ديري لي البرد)

حركات راسها ليها ..نزلات جالسة على ركبتها كتنشف ليها شعرها القصير ..رجعات ليها بانضتها حتى تلفتات روميساء وببسمة باست لعبير خدها وعنقتها فرحانة بهاد كمية الإهتمام لموفراها ليها وفرحانة لوجودها معاها ليوم كامل ...

بادلتها العناق ببسمة رجعات باستها ووقفات جات عينيها على حذيفة لقاتو كيشوف فيها ..حذرات راسها حلات طخوس مكياج ..صايبات ليها مكياج خفيف ..دارت الكورميط والسنسلة لجاب ليها حذيفة ..خاتم زواجها ودارت شافت فيه مرددة :غادي توصلنا ولا نمشي بوحدي ..

وقف عينيه على رميساء لكتنقز بجوارهم ..ردد موجه البلاكار :غير فطرو نكون ساليت ..

رددت عينيها عليه كيف مركز كيجبد حوايجو بسكون :روميساء اجي تعمري لكريشة الي باش نمشيو

جات كتجري شدات من اليد لمادة ليها عبير ...خرجو مع بعض حتى دخلو عليهم الصالون ..صبحات عليهم عبير تركت كل من عائشة وخديجة يضحكو مرددين ماشاء الله على طلتهم البهية .. جلسات بجانبهم حاطة الصغيرة على فخدها ..هزات خديجة البراد كتكب اتاي مرددة:مزال قاطعين لغا نتي وحذيفة

هزات فيها عبير عينيها بعدما كانت كتشوف في المسمن الصغير لمزين بالعسل وتدوز لسانها على شفايفها رددت كتسرط ريقها:مزال نافخ ريشو تقلق تقليقة نيت بغاني نخطبها ليه واقيلا ..

ضحكات خديجة وعائشة على نبرة صوتها مرددة خديجة بعدها مادة ليها الكاس:اودي ساعفي ابنتي اش ديري غادي يتفش يتفش وتانتي منوريكش شغلك (غمزة)عري على هادو (حطات يدها على فخدها)وعري على هادو(حطات يديها صدرها)وشوفي واش غادي يتفش ولا لا

حذرات عينيها مزنكة حاشمة من كلامهم ..رفسات الخبز في كاس روميساء كتوكلها تا شبعات وهي ريوقها خرجو على المسمن كتزرب وتقول مازربت باغا تاكل طرح على قدو وخايفا عائشة وخديجة يساليوه ليها ..حطاتها في الأرض مرددة:جلسي ابنتي نفطر ونعطيك شوكولا لتعجبك

تركتها جالسة تفرج في التلفازة هزات يديها خدات مسمنة طواتها خشاتها في فمها بعدماا رددت البسملة كتبنن وتغمض عينيها