🍒🥀 قصة عبير 🍒🥀 بالدارجة المغربية

🍒 الفصل 40🍒

🔥عندما يصبح الدم ماء🔥

#عبير

#ياسمين_اكرام

🌺البارت:338

وقف الطوموبيل امام باب الكلية الضباب مخيم على السما والظلام مزال مستوطن الجو شافت فيه مرددة بخوف:دعي معيا ياك انا عزيزة عليك متهداش من دعاوي ليا

تبسم محيد لاسانتيغ وقرب باسها من فها وطلع لجبينها كذالك قبلها منو وبقا حاط شفايفو عليه مردد:ربي لعالم كندعي معاك كثر مكندعي معا راسي غير تهناي مغادي يكون غير الخير (بعد كيشوف فيها بحب ) راني حلمت بيك

فغرات فمها :بصح اش حلمتي

ردد كيشوف لبرا من جيهتها: لباب تحل حتى نقوليك من بعد ..

تلفتات شافت الباب تحل قربات باستو من خدو وطلعات لجبينو كذالك نرددة :واخا

خرجات كتسمع من فمو دعوات الخير مع قولو غادي يجي ليها ملي تخرج

تنهدات من برودة الجو ..قادات الكاشكول وتلفتات بعدما وصلات دارت ليه بايباي تسناتو حتى ردها ليها مع قليب دارو بيديه عاد دخلت كتبسم والخوف متمكن منها كأنها غادي دوز اول امتحان في حياتها .....

كيف دخلات جلسات في مكانها وفمها كيردد دعاء التيسر ..تفرقو الأوراق وكل طبيب من أطباء المستقبل تحنى على ورقتو ...

سالا الوقت ...

تنهدات كتدوز عينيها على سائر الوراق لقدامها ..تنفسات بعمق وناضت حطات الورقة ..سنات وخرجات كتقاد في صاكها ...وقت طويل داز ولكن عندها هي معقلاتش عليه كثرة الوراق مخلاوش ليها العقل تقلب على الساعة ...ملي تحنات على الوراق مبقات هزاتو ...

تبسمات فور شافت طوموبيلتو قربات ليه وطلعات بود مرددة السلام ..

تبسم ليها ماد يديه لكانو سخان ليها شدات من يديه وجاتها هي هاذيك كمدات فيها يديها كتستمد منو الدفئ ..زاد كرز عليها كيساعدها على ذالك ولغة العيون لخدامة ...

ثواني عاد ردد كيساري عينيه عليها:كيف دوزتي

تنهدات :صافا مانقول دوزت مزيان حتى نشوف لغزيلطا ويدوز داكشي بحال السوتنونص لدوزت

غمض عينيه مردد:ان شاء الله كلشي غادي يكون مزيان

رددت بحماس :اش حلمتي بيا

شاف فيها وديمارا الطوموبيل ببسمة:خير وسلام كنتي وسط لافاك كدوري بلا طابلي وكنتي خايفة بزااف حتى عطاك شي بروف طابلي لبستيها وصلات ليك حتى التحت وخرجتي عندي فرحانة

تبسمات بفرحة:ان شاء الله يكون خير

ردد:داكشي لغادي يكون

🌺 بعد مرور 10 أيام

حلات عبير عينيها على شميشة ..تفوهات وقادات جلستها مغطية جسمها العاري بغطا ..

مدات يديها لبينوار لفي الأرض لبساتو وناضت كتعقد فيه وتدور عينيها على الملابس الداخلية ديالها وديالو لمسطحة فوق الزربية ... تبسمات وخدودها بداو يتوردو من تفكير الليلة لمرت كيف لي سبقوها مغمسة في العسل ..