🍒🥀 قصة عبير 🍒🥀 بالدارجة المغربية

🍒 الفصل 32 🥀

🖤جروح لاتندمل بسهولة🖤

#عبير

#ياسمين_اكرام

🌺البارت:269

ركبات حداه كتقاد في الجلابة وهو بنص عين كيشوف فيها تنهد كيتلف ويسرط الغصة لترسبات على حلقو من قوة الضغط على راسو ..ديمارا الطوموبيل خلاها تكات راسها على نافذة في صمت وسكون الى ان عفا عليها الله ملي وصلو ..نزل ونزلات تابعاه كتدور في عينيها الكافي لخاويا شيئ ما ...

جلسات قبالتو كتشوف في الأجواء والسكينة لمخيمة على لمكان حتى وقف عليهم سيرفور

طالب حذيفة فطور كومبلي ورجع بضهرو على الكرسي في سكون ..كيتمعن في ملامحها لراحة مخيما عليهم برغم من حشمتها و لظاهرة من العينين لمكتقدرش طول فيه الشوفة ...

ردد اسمها خلاها تهز عينيها فيه بحب مد يديه ليديها مردد:كيصبحتي ملي خويتي القليب

بحشمة مدت ليه يديها مرددة:رتاحيت حسن من قبل

كرز على يديها وبابتسامة

ردد:هادشي لبغيت وبعدما تشوفي طبيب غادي تزيدي تحسني وتولي بخير

بغات تسل يديها منو و لقاتو ممفاكش حدرات راسها ممتقبلاش تمشي عند طبيب نفسي..

تنهد وطول عينيه في السيرفور لجاي اتجاهم تبعو حتى وصل عندهم وتحنا كيوزع الفطور فوق الطابلة ..تسناه حتى مشا وردد كيشوف فيها حانيا راسها :عبير هزي راسك وشوفي فيا مزيان وسمعي لكلامي طبيب هو لغادي يخرجك من هاد البحر لغارقة فيه وهو يساعدك غادي تحكي ليه كيف حكيتي لي غير هو عندو خبرة ومتمكن من ميدانو غادي يعرف كيفاش يوقفك على رجليك

تنهدات وسرطات ريقها بعدا عينيها من عينيها

هز يديها قبلها مردد :هادشي في صالحك اعبير باش ترتاحي وتريحيني معاك وتريحي حتى خالتي لعانات معاك كلشي فات خاص غير تحاولي تمسحي داكشي لضارك وغادي نبداو انا وياك حياة جديدة تنسيك في كلشي وربي شاهد على كلامي ديما تلقايني معاك

نزلات دمعة من عينيها مسرسبة مأثرة بكلامو للين وطيب على فؤاد ...

رددت بصوت راجف :الحمد الله ارزقني بيك الله الحمد الله كنت ضيعتك ورجعتي ليا ...

تبسم وناض وقف جانبها محني كيمسح دموعها مردد:ودابا علاش دموع هاحنا تجمعنا وكلشي غادي يمر بإذن الله

ردت كترد النفس :الحمد الله

توجه المكانو مردد:وجهك صفر يالاه فطري مزيان ..

حركات راسها باه والفرح كتحس دخل القلبها من كلامو والسواد بدا يتلعتم ببياض قلبو وروحو ...

دخلات الأكسيجين كتغرق النظر على الناس القلال لي في جانبهم و نزلات عينيها على الطبسيل كتاكل بكل شهية ...