💟سندي أنتَ في الحياة💟
#عبير
#ياسمين_اكرام
🌺البارت:410
سنة ونصف مرت كالسحاب لوسط الغيمة ..مرت بشتاها وحرارتها ..مرت بأعيادها ومناسابتها ...
سنة ونصف دازت على عبير بحال الشمعة لفي كل شهر كتبدا تنقص وتستعد الإطفاء ..
شهر بعد شهر كانت عينيها كتمركز على التيست متمنية للحظة يطلعو ليها زوج أشرطة وتفرح قلبها ولكن كان يخيب ظنها ... ولات أغلب أوقاتها كتنعازل براسها وتخمم في الموضوع الأرق راحتها ...فينما تجمع الأسرة وتشوف وليدات سارة معمرين الدار بغواتهم وضحكهم قلبها كيتكمش عاد روميساء لكبرات وهزات رجيلاتها ولات كتبلغ سنتان وأشهر ...كتناجي الله في وحدتها وترجاه يسمح ليها على فعلتها لكتقول مع راسها عائق او عقاب بسبب جرمها المشهود بحق حذيفة...
اما مصطفى وفاطمة مزال معاهم على نفس السيستيم الا تعطلو يغبو سيمانة ويديو روميساء عندهم ...ومصطفى يغيب تا يعيا ويدير سبة بالصغيرة ويجي يجلس يوم ويرجع لمكانو ....سنة ونصف داز فيها عرس عمر اخ عبير لعتاذرات ومحضراتش حيت جا في يوم عملها ....
في هاد سنة ونصف تزادت خنفوسة اخرى عند سارة اختارت لها من الأسماء اسم "توبة" خنفوسة عطات طعم خاص العائلة من كثرة محبتهم ليها تركت عبير الأخت الكبرى تغير من ختها وتنسا خوها لكان هو في الواجهة وتقدم بالمواجهة مع الصغيرة .....
يوم يوم مختلف على باقي الأيام يوم عيد الأضحى المبارك ..يوم المباركات بامتياز ..يوم العمل بجد ....
فتحات عبير عينيها على دغدغة روميساء لبجانبها ولبيديها كتجر ليها في شعرها وكتردد :ماما ....
تبسمات عبير وجراتها سرحاتها عليها كتبوس فيها وتدغدغ وجها حتى طلقات زواكتها روميساء فرحانة ...مرددة :ماما ضودي اوم ايد (ماما نوضي يوم العيد)
رددت عبير كتشم في ريحتها :ناكلك انا ناكلك الحبيبة ديال ماماها
ضحكات روميساء كتبعد من عليها مرددة:اولي الحبز منئالش (كلي الخبز مكنتكالش)
طلقاتها عبير حتى طارت من حداها نزلات من فوق السرير وتوجهات خارجة لبرا كتدور في مؤخرتها لمزال الكوشة لاصقة عليها ....
تبعاتها عبير والبسمة على وجهها حتى غابت ..جمعات البسمة ..نفضات الغطا ..ووقفات كتقاد بيجامتها ...جمعات شعرها لبسات صندالتها وقربات خطواتها السرجم ..زولات الخامية وضرب في وجهها الضوء الصباح ...فتحات النافذة ودخلت الشمس لعلى اثرها سدات عينيها كتنفس بعمق من الهوا السخون لداخل ....
رجعات علات عينيها كتشوف لثواني في الديور لقبالتها عاد تلفتات موجهة الدوش .....
خرجات كتنشف في وجهها ... فرشات الصلاية صلاة صلاتها وجمعاتها ..خارجة من البيت كتسمع صوت الكلام واللغا النسائي بامتياز ....
أنت تقرأ
🍒🥀 قصة عبير 🍒🥀 بالدارجة المغربية
ChickLit💎💎💎💎💎 #السلام_و_عليكم💎💎💎💎💎 #قصة_واقعية #كاملة ❣من بعد غيااب طويييييل و عريض قررت نشارك معاكم قصة خفيفة الظل نتمنى تكون خفيفة على قلوبكم شكون فينا تمنى يكون هاني في هاد الدنيا دار و معيشة يومية واسرة محتاضناه و خايفا عليه من الظلم من ال...
