🍒🥀 قصة عبير 🍒🥀 بالدارجة المغربية

🍒 الفصل 62 - النهاية🍒

💟سندي أنتَ في الحياة💟

#عبير

#ياسمين_اكرام

🌺البارت:505

تلفت شاف فيها حذيفة :عاجبك الحال امدام كنشوف

شافت فيه حابسة ضحكة وبريق الدموع في عينيها :الفقصة رجعت لي ضحك اش ندير(تنهدات كتمسح في عينيها) كان قلبي ميت

حرك راسو مردد:هو غير ميت ..

رجع مركز مع طريق تاركها تلفت عند روميساء تضحك معاها تنسي الذكريات لي مبقات ليها محل في اعرابهم ...

مرو سنوات سنوات زادو تشبتو عبير وحذيفة ببعض زاد الحب وزاد العشق ضروري من نقاشات لكتكون بمثابة حلاوة كتزيد توطد علاقتهم وتقويها ..مرو سنوات خلاو الأطفال لي كانو مثل الطيور تقريبا ولا على علم بكل لأمور عبير أكبرهم تليها روميساء البنت الشاطرة ولزبايلها رغم مرور سنين الا انها مازالت ماهي عليه

سنين العائلات مزالو على عادتهم مازالو على لمتهم وجمعتهم..

فاطمة اصبحت مقعدة بعد موت زوجها الصحة طاحت عليها وبقا غير الفم لماضي وولات خاصها المعين ..لقات في جنبها ولادها ممخلينها مخصوصة لوالو وجابو مرا لي تقوم بيها ...

روميساء مزال تمشي عندها ومزال على علاقة معاها يمشيو مجموعين ويجيو مجموعين هي وعبير مع حذيفة وحتى وردة صغيرة العائلة بنت الجميلة بشعرها الأسود وبشرتها الناصعة البياض مكملة فرحتهم وتاركة الحب والهدوء ينعم في الدار بضحكتها ..ونهار تكون مقلقة ولا مريضة كتكون الدار ظلام .....

سنوات ليست بالهينة سنوات الخمس بجميع فصولهم وبجميع ايامهم كان مع بعض ناسين الألم الظلم وكل ماتعرضو ليه من العراقل ..فرحانين بأزهارهم لكتكبر امام عيونهم وكذا الزهرة لمنتظرينها بفارغ الصبر ايمتا تجي ...

واقفة عبير كتقاد لحذيفة في الجلابة باللون الأبيض والبسمة موردة خدودها من كلامو لكلما زادو في سنين كلما طير البلاكة وخرج بلا بوكسور ...

رددت خابطة على صدرو بعتاب:غير لي بغا يضحك معاك حشم شويا راه شيب بدا ينوض ليك ونتا الحشمة مبغيتيش تحيدها

نزل يديه دوز على بطنها لمسطح قبالتها مردد ببسمة:كون حشمنا امدام مغاديش نديرو الزريعة(طبطب على بطنها)

حركات راسها بالحوقلة وبعدات من حداه مرددة:سير راك غادي المصلا غادي تكسر الوضو بحال لعيد الكبير لي فات وتصدق معطل

قهقه ببسمة متبعها موجهة البلاكار كالبطريق بشورط بيض مع ديباردور ديالو مردد:هذاك نهار بالذات ميتنساش لي نصحاب باقي الحال ويالاه سخن الموطور تابدا دقان في الباب وياسين طلق حلوقو ..معرفت نحل عليه وانا هكاك حالتي ولا نهضر وانا لساني راكد عليا