🍒🥀 قصة عبير 🍒🥀 بالدارجة المغربية

🍒 الفصل 41🍒

🔥عندما يصبح الدم ماء🔥

#عبير

#ياسمين_اكرام

🌺البارت:344

🌺🌺🌺🌺

الأب هو ليس لقب فقط بل معناه أكبر بكثير ..الأب رب الأسرة وعمادها ..ان صلح صلحت الاسرة بأكملها ..ليس من حيث الصرامة بل بالحنية والقلب العطوف على فلذة كبدو ...

خوفه على أولاده ..تتبعهم ونقاشه المفعم بالحب وحس المسؤولية معهم ...كاين في مجتمعنا لكينطبق عليه هذا الكلام كيفما كاين فئة مكتستهلش هذا اللقب حيت كتلوثو بنجاسة بلا مسؤولية من جهة فلذة كبدو بل وهو كيزيد يمارس عليهم قوتو ويحرمهم من الحنان الفطري لازم يكون في كل اب...

تقدر تكون القسوة مجات من فراغ حتى الأب تكون دازت عليه ظروف قاسية ..ظروف لامبالات جعلتو يطبق قولة "فاقد الشيء لا يعطيه" ولكن نسا مقزلة "فاقد الشيء يعطيه و بشدة"

🌺🌺🌺🌺

سرطات عبير ريقها وتبثات مكانها تاركة حذيفة كيتكلم معاهم كلام مسمعات منو والو ...عينيها فقط على باها لبعد عليها النظر ومركز في حذيفة..بعد مدة بعدها على الباب مخلي ليهم منين يدوزو ..

رجعات سرطات ريقها ويدها تابثة على الحيط بدات تعرق ليها تبعات باها وهو جاي جيهتها ووراه مرتو ...وهو كيشوف فيها نظرة معرفاتش باش تفسرها وقف امامها مردد بصوتو لكيف عرفات عليه من زمان.. باقي الخشونة و الصرامة:دفنتوها بلا خباري مزيان ..

مر من امامها تلفتات عبير متبعاه حتى دخل الصالون رجعات نظرها الأمامها لقات فاطمة لدموعها على عينيها .. شافت فيها عبير نظرة صدمة من تشوه لفي وجها ..سهات حتى قفزها صوتها وهي كتردد مخرجة فيها عينيها:الله يستر.مكتحشميش وزدتي قليلة الحيا مرت من جانبها والإستغراب استوطن ملامح وجهها المصدومة ....

هزات راسها من على الأرض وخرجاتهم فغرة فمها والدمعة بدات كتربص على عينيها ..

قربات خطواتها كتبسم وتلاحت على عمر لكان امامها مرددة اسمو دور يديه عليها وخشا راسو

كيستنشق ريحتها ويرددكيتنهد:اه وشحال توحشتك اطوفيطة ...

زادت كرزات عليه :كون تشوف انا كنتفكركم ونقول دوك راس طارو معرفت فين غادي يكونو وصلو ...

بعدات عليه كتبسم وعينيها بدموع كيبريو لحظات وهي كتفلي فيه وتشوف فيه وهو مكانش قل منها كان متبع ملامحها بهدوء ..سنين مكانتش قليلة على افتراق الأخوة تقطعات عليها خبارهم وتقطع معاه صوتهم لا برية لا تيليفون ...

رددت بانكسار وبصوت باكي :اميمة مشات اخويا مشات

غمض عمر عينيه واكتفى انو يحضنها ..قرب طه وعنقها كذالك اصبح عناق يجمع ثلات اخوة عناق شوق مشترك بعناق مواساة تاركين حذيفة كيتنهد سد الباب وتوجه الكوزينة فين بانت ليه مو وعائشة توجهو ملي كان غادي يفتح الباب ..