🍒🥀 قصة عبير 🍒🥀 بالدارجة المغربية

🍒 الفصل 36 🥀

🔥عندما بصبح الدم ماء🔥

#عبير

#ياسمين_اكرام

🌺البارت:304

تحنى يفطر بهدوء تاركها كتشوف فيه لدقائق حتى رجع شافيها باستفهام مردد:كولي تسدات ليك الشهية ..

حذرات راسها كملات ماكلتها في جو هادئ

ردد كيرشف من اتاي : نقصتي هاد الايام كولي مزيان تعوضي لضاع ..

حطات لكاس رادة:بسبابك ..

قهقه كيرمش فيها :تالهاد الدرجة كتبغيني

رددت حاذرة عينيها شوف نتا علاش غادي نقبل نتزوج بيك مثلا

حط كاسو وجرها مذرعها بيديه خاشيها فيه مردد ببسمة فالتة من شفايفو:الله يخليك ويحفظك ليا باسها في خذها ونزل لشفايفها غرق فيهم ويديه على خصرها كتمشي حتى حسو بشي حد وقف عليهم دفعاتو بعداه عليها وهظات عينيها بصدمة امامها ...

رمشات فيه عائشة لثواني وقلبات طريق بلا ماتكلم ولا تنطق ...

تزنكات عبير وتطبق عليها المثال لمقدو فيل زادو فيلة خنزرات فيه وناضت كتمسح في فمها مرددة:بناقص من شي فطور معاك بقيتي حتى مركتيني مع ماما ..

متكلمش حيت مكانش قل منها مسح على وجهو بنرفزة اعدى حاجة عندو هو شي حد يشوفو في وضع مخل بالحياء كيفضل وسط الجماعة يبقا بعيد حسن ..تنهد متبعها حتى غابت وناض موجه البيت داير من ناقص من شي فطور ...

بدل حوايجو ولبس سروال كحل وتشورط أبيض كيقلب عليها بعينيه ...

لقاها خارجة من الحمام منزلة راسها تبسم ليها بود حتى طلعات راسها فيه وخنزرت قرب ناحيتها حتى تلفتات كتشوف في جنابها لا تلقا شي حد و يدير هو شي حركة فهمها وهز يديه زعما راه مغاديش نقيسك مردد:لبسي شي حاجة نخرجو

رددت باستغراب :فين

رد:كيشوف في ساعتو:نكملو الفطور وندورو شويا ..

بإحراج :الغدا كيطيب حشومة نزيدو شي على شي حتى امورا الغدا

تنهد: اوك سيري كملي فطورك

رددت :ونتا فين غادي

رددد كيتبسم :شويا ونجي باش نتغداو ونخرجو ..

مر من عليها خلاها متبعاه كتنهد حتى سد موراه الباب ..رجعات البيت كملات فطورها وتوجهات الكوزينة تغسل الماعن ..

على الدخلة عطاتها ريحت الطياب مع ريحة الخبز مشات البوطاجي بلا ماتشوف فيهم من الهجل لمنتابها ...

كملاتهم في الغسيل مسحات يديها ودارت ناحيتهم لقاتهم صامتين كيف كانو ملي دخلات من غير توشويش لكانت كتسمع مرا مرا و لعرفاتو عليها وقلبات ...

رامين عينيهم فيها ..

رددت بحياء:كتهضرو عليا

قهقهة خديجة: الحمد الله ملي تصالحتو جلسي ابنتي نقولك زوج كلمات..