🔥عندما يصبح الدم ماء🔥
#عبير
#ياسمين_اكرام
🌺البارت:324
سرطات الدغمة متبعاه بفضول ...
في حين ردد بعدما سكت لثواني كيحوم بعينيه
عليها:ولكن خاصنا من الأحسن نهضرو دابا
كان الصمت حليفهم لثواني أخرى ..ركز في عينيها مردد:نهار الخطبة ديال سارة كنا مجموعين حتى سمعت قضية انك عاقرة هادشي علاش طلقتي (تنهد) كنت كنقول هذا هو سبب ولكن دابا كنقول هاد المشكل مكاينش من الأصل
حذرات راسها وحركات راسها باه:عندك الحق غير برزطاتني المرة وملي قالتها جاتني مزية باش تفرق عليا
تبسم وهز يديها باسها بحب ورجع كيطبطب عليها :كنتمنى شي بنيتة حلوة منك
سرطات ريقها وسلات يديها منو رجعات هزات ساندويش:حتى يكتب الله
تنهد مبتسم :ان شاء الله هذا هو حلمي يعوض لي البيبي لمشا
تلفتات كتشوف فيه ساهي والإبتسامة غابت على وجهو كالشمس ملي كتبدا تغيب ويبدا يحيل الظلام ...
تنهدات ماسكة على كرشها لبدات كتعطيها الحريق ...
تلفت شاف فيها ورما عينيه لبطنها لكتماصي عليها ...ماطا يديه حطها على يديها حتى تلفتات شافت فيه ردد بهدوء:قرب وقت ليغيكل
حركات راسها باه مرددة بخفوت :كتسبق لي مرة مرة كريز...
تنهد بعد يديها وبدا يماصي بحنان وهو متبع ملامحها لكيطلقو مرة بعد مرة ردد :ملي تجيك ديري اللويزة كتوافقك ...
حركات راسها باه وهزات يديه بعداتها من بطنها وحطاتها على شفايفها في صمت لثواني وهي
حاطاها والسكون يعم المكان عاد هزات فيه راسها مرددة بخفوت :يالاه نمشيو ...
حرك راسو باه بعدما رجع يديها باسها من لداخل وبرا ورجع أدراجو الدار ...
واقفة عبير كتزول في حوايجها وتلبس في بيجامتها مع تقاشر سخان وبينوار سخون عكفات زيف حياتي لراسها وتخشات في ناموسية كتشوا من حر الوجع لبدا يقطع فيها ملي حطو رجليهم في الدار ... تحل الباب وهزات راسها كتعصر حتى كتشوفو داخل في يديه كاس الحليب ..رما خطواتو في اتجاها حتى جلس بجانبها ومد ليها كاس ...شداتو من عندو كتفتف وخشاتو في فمها برغم من كونو سخون والبخار خارج منو ....
سكحاتو كامل بحر الألم ورجعات عطاتو الكاس راخية راسها على ظهر السرير ... حط البلاطو فوق الكوافوز وتنهد بألم :رتاحي ليك دابا شويا ويمشي الحريق ..
حركات راسها باه وغمضات عينيها على اثر يديه لكيمرو فوق بطنها بهدوء الى ان مشات في نومة حلوة من فرط العياء و التعب ...النوم من بعد التعب و الألم عندو طعم خاص ...حلو كالعسل وراحة كقهوة معطرة ومنسمة ....
أنت تقرأ
🍒🥀 قصة عبير 🍒🥀 بالدارجة المغربية
Chick-Lit💎💎💎💎💎 #السلام_و_عليكم💎💎💎💎💎 #قصة_واقعية #كاملة ❣من بعد غيااب طويييييل و عريض قررت نشارك معاكم قصة خفيفة الظل نتمنى تكون خفيفة على قلوبكم شكون فينا تمنى يكون هاني في هاد الدنيا دار و معيشة يومية واسرة محتاضناه و خايفا عليه من الظلم من ال...
